Guðdómleg sveitamær og tíðindi í B&B

23.4.2007 | 18:00

Guðdómleg sveitamær og tíðindi í B&B

Dyrabjallan hringdi áðan, skömmu áður hafði ég fengið viðvörunar-SMS og var því komin á tvo misfljóta. Elskan hún Ólöf Ósk færði mér heitan, gómsætan kvöldmat ... og heppnin var þvílíkt með mér því að Ólöf Ósk hafði verið í heimilisfræði fyrr um daginn og ég fékk að auki sneið af súkkulaðiköku sem hún bakaði. Þarna sýndi Flórens mín að hún er ekki bara sæt að utan, heldur líka að innan! Elstu bloggvinirnir muna eftir Flórens (Sigrúnu sveitameyju) en þegar ég var nýbúin að kynnast henni datt ég í ógæfumölinni (fyrir aftan blokkirnar á Garðabraut, við hlið íþróttavallarins) á heimleið úr vinnu í myrkri. Sneri annan fótinn og gataði hinn. Hún kom og kíkti á hnén, ráðlagði mér að fara til læknis og þegar læknirinn kvað ekki nóg að kyssa á bágtið hélt hún í hendina mér á meðan hann saumaði níu spor. Eftir þetta hefur hún verið í miklu uppáhaldi. Takk, elsku sveitamær!

Nú er ég í íbúfenvímu og lega á hitapoka og notkun hitakrems hefur lagað helling. Hefði verið gott að eiga laxerolíu (sem virkar á bólgur) en ég er sammála Jónsa, konur eiga að nota ilmvatn ... þannig að ég hef makað Cartier Perfume á mjóbakið.

Bridget, unnusta Nicks, grætur í örmum bjargvættar Taylor (sem ég er búin að gleyma hvað heitir) því að hún varð vitni að því þegar Brooke, móðir hennar, og Nick lágu saman uppi í hjónarúmi með Hope á milli sín og voru á trúnó. Ónei, ekki aftur ... kveinar Bridget en móðir hennar hafði stolið af henni Deacon (sem er pabbi Hope litlu). Trúnóið fjallaði þó um Bridget, Nick sagðist þurfa að vanrækja Brooke til að sinna Bridget betur eftir að Brooke sagði honum að gera það. Hún kyssir bjargvættinn brennandi kossi ...
Jackie (fv.kona (og elskar enn) Massimos) fær Massimo (blóðföður Ridge) til að efast um hjartaáfall Stefaníu (móður Bridge) en til þessa hefur Stefanía verið á stalli hjá Massimo.

Gunna-Polly getur tekið gleði sína því að í byrjun þáttarins sést Amber sem ein af leikurunum ... hún er í fríi núna, ekki hætt og gæti verið stödd á Íslandi akkúrat “núna” ... en hún er Íslandsvinur.

P.s. Myndin tengist ekki efni pistilsins, fannst hún bara falleg.

Flokkur: Bloggar | Facebook

Athugasemdir

Verði þér að góðu og áframhaldandi batakveðjur

Jenný Anna Baldursdóttir, 23.4.2007 kl. 18:19

Njóttu bara, mín kæra. Vona að kakan fari vel með kvöldkaffinu...börnin sitja núna og borða köku...ó, nema ég...því ég er aftur komin í sykurfráhald...er á 15. degi núna og líður nokkuð vel...en það var útúrdúr!!

SigrúnSveitó, 23.4.2007 kl. 18:20

Gurrí taktu gleði þína á ný..ég er líklega búin að koma þér á séns með sérvitrum trilljónamæring..

Kíktu við hjá mér á færsluna um bara eina trilljón..híhí!!!

Katrín Snæhólm Baldursdóttir, 23.4.2007 kl. 18:24

Yndisleg mynd!! Af því að þú ert svo yndisleg líka Gurrí ... má ég þá ímynda mér að ég sé kötturinn og þú hundurinn á myndinni? (ég er viss um að Veiga myndi leyfa það!)

Knús til þín, dúlla

(ps. - Ef þú vilt frekar vera kötturinn, þá er mér sama ... )

Doddi - Þorsteinn G. Jónsson (IP-tala skráð) 23.4.2007 kl. 18:35

Ég fylgist með boldinu eins og þú veist ætli að Nick verði ekki með Brooke hehe þetta er nú meiri þvælan en maður verður að fylkjast með ekki satt Gurrí.

Kristín Katla Árnadóttir, 23.4.2007 kl. 19:55

Svona hress kona eins og þú verður komin niður á Langasand í fótbolta áður en þú veist af, gangi þér sem allra best.

Pétur Þór Jónsson, 23.4.2007 kl. 21:02

mikið roslalega er mér létt

Gunna-Polly, 23.4.2007 kl. 22:18

Sjá til þín Gurrí; http://www.kvikmynd.is/video.asp?land=&offset=1&id=931 þetta gengur ekki lengur!! Fyrr má nú fá smá drátt á sumardaginn hinn fyrsta og bera stráka fyrir utan gluggann. Þú þarft nú ekki að leggjast með tærnar upp í loft og lifa á súkkulaðikökum og sætindum þrátt fyrir það!! Skamma sín!!

Jónsi (IP-tala skráð) 23.4.2007 kl. 22:25

bestu kveðjur

Ólafur fannberg, 23.4.2007 kl. 22:56

Elsku Gurrí þú átt alla mína samúð. Ég var flutt með sjúkrabíl eftir að hafa læst í baki við að ryksuga í fyrra. Kláraði reyndar að ryksuga og festist síðan í söngstellingu Stefáns Hilmarssonar á eldhúsgólfinu heima. En ég fór í togbekk og vil meina að það hafi bjargað lífi mínu og það í annað sinn því hálfu ári fyrr fékk ég brjósklos og þurfti í helv, tækið sem þú lýstir svo skemmtilega. Bólgueyðandu, lega, bólgueyðandi og aðeins meiri lega gera líka kraftaverk.

samúðarkveðjur í bak og fyrir frá Króknum

Guðný Jóhannesdóttir, 23.4.2007 kl. 23:37

Togbekkur hljómar vel, best að reyna að hanga á hurð, einhver sagði mér að það væri góð hugmynd, kannski svipað og að láta toga sig ... og ég elska íbúfenið mitt.

Jónsi, ég drep þig! Ég hló svo mikið þegar ég horfði á myndina að mig verkjaði, skömmin þín. Mun sannarlega ekki detta í sætindaát, enda ekkert kappsmál að geta klappað