Kossssningar og glaðir kettir

Það styttist óðfluga í kosningar ... og þá er ég aðallega að tala um símakosningu Evróvisjón. Vonandi kemst Eiríkur áfram í aðalkeppnina. Ég er orðin leið á hinum kosningunum, kannski aðallega bloggi þeirra sem rakka niður hina ýmsu flokka og flokksmenn á mjög svo ómálefnalegan hátt. Þetta virkar kannski vel á samherjana en sannarlega ekki á þá óákveðnu ... vonandi ekki.

Bakið er að verða skrambi gott, endalaus lega og ýmis hjálpartæki á borð við hita og lyf hafa gert sitt gagn. Mía systir hringdi í dag og ég sagði henni að ég hefði eiginlega ekki nennt til læknis og hvort eð er ekki komist fyrr en í dag, það er líka lítið hægt að gera. Hún sagði mér að læknar væru farnir að láta þetta hafa sinn gang ... líkamann sjálfan lækna sig og þá hef ég gert rétt. Kannski trúi ég því svona blint að þursabit taki þrjá daga, það hefur alltaf gert það hjá mér og nú hef ég akkúrat legið í þrjá daga. Geggjun (Guðrún) hringdi líka og sagði á hvaða punkta ég gæti ýtt á ilinni og það hefur án efa hjálpað líka.
 
Kettirnir ráða sér ekki fyrir gleði ... hreinn kattasandur, nægur matur, ferskt vatn! Mér hefur orðið minna úr verki í dag en ég vonaði ... kannski sest ég við tölvuna seinna í kvöld og vinn svolítið. En ég ætla sko í vinnuna á morgun.

Athugasemdir

[Jenný Anna Baldursdóttir, 25.4.2007 kl. 21:14]

Allt að koma, allt að koma.  Velkomin á fætur kona góð!

[Ólafur fannberg, 25.4.2007 kl. 21:17]

hehehe las fyrirsögnina fyrst rangt :Kosningar og graðir kettir....

[Guðríður Hrefna Haraldsdóttir, 25.4.2007 kl. 21:18]

Fannberg þó!!! Heheheheheh! Já, Jenný krútt, allt að koma, allt að koma!

[Ester Júlía, 25.4.2007 kl. 21:18]

*fliss*  við skóla"krakkarnir" vorum einmitt að ræða það að helgina fyrir prófin eru kosningar og Eurovision..ég sagði að frekar myndi ég falla i næringafræðinni en að missa af Euorvision - skítt með kosningarnar !  

 Frábært að þú sért að koma til..og kettirnir séu glaðir

[www.zordis.com, 25.4.2007 kl. 21:28]

  Eurovision er must ...

[Gunna-Polly, 25.4.2007 kl. 21:58]

þú ferð sko ekkert í vinnu fyrr en á mánudag það er skipun

[Bertha Sigmundsdóttir, 26.4.2007 kl. 05:49]

Yndislegt að heyra að þetta er allt að koma hjá þér, og hjá köttunum líka, bara lúxus á þeim... Ég er líka sjálf að verða betri, við erum alveg á sama tíma með þetta allt saman Ég vonast að þú komist svo í vinnu á morgun, það er erfitt fyrir duglega konu eins og þig að þurfa að liggja heimavið, en frábært að þú hafir sjóinn til þess að horfa á, tölvuna til þess að tala á, og kettina til þess að hlusta á

[Saumakonan, 26.4.2007 kl. 07:58]

velkomin á fætur   innlitskvitt frá langtíburtistan

[Guðný Jóhannesdóttir, 26.4.2007 kl. 12:00]

Gott að bakið er að koma til nú er bara að vera þæg og leyfa því líkamanum að jafna sig.

[Doddi - Þorsteinn G. Jónsson (IP-tala skráð) 26.4.2007 kl. 14:16]

Gott að heyra af betri heilsu, dúllan mín.

-- Myndin af Eika og hinum elskunum ... - norsarinn, daninn og svíinn eru vitlaus þarna

Knúsknús til þín!