Allt fyrir fegurðina ... jafnvel líka koma nakin fram!

Mikið var dásamlegt að fara á fætur í morgun ... þótt það væri eiginlega mið nótt enn þá ... klukkan rétt rúmlega sex. Verkirnir eiginlega alveg farnir. Tók þó íbúfen af gömlum vana og setti hitakremið á mig ... nokkuð stressuð út af lyktinni en þegar ég hlammaði mér við hlið Ástu í strætó kvartaði hún EKKI yfir menthol-lykt. Ég hafði nefnilega líka skellt á mig ilmvatni, hellt yfir mig brennivíni, úðað úr ruslatunnunni yfir höfuðið á mér og bara gert alls kyns gloríur til að enginn fyndi fýluna af kreminu.

 

 -           -            -             ------            ---------           ----------

Það var skrambi hvasst á leiðinni í bæinn en bílstjórinn hélt fast um stýrið og hélt líka ró sinni, annað en steypubíll fyrir framan okkur hluta úr leiðinni, hann vingsaðist til hliðanna ...  eins og karl með hatt sæti undir stýri ...  

Gat síðan ekki hlaupið léttfætt eins og hind niður í Stórhöfða, heldur gekk virðulega niður brekkuna og það passaði ágætlega, strætó nr. 18 kom fullur af sætu Pólverjunum mínum sem eru einu karlarnir í lífi mínu sem sýna mér græðgisfulla athygli. Sönn aðdáun skín alltaf úr augum þeirra, sérstaklega eftir að ég fór niður í einn trefil á morgnana. Snjórinn í brekkunni við Vesturlandsveginn hefur minnkað mikið, eins og sést á myndinni, og því nægir svo sem einn trefill ... það sem maður gerir ekki fyrir fegurðina! Meiri nekt með hærra hitastigi úti ... alveg örugglega.

Mikið var gott að koma í vinnuna. Eiginlega alveg dásamlegt! Fékk þær góðu fréttir að Vikan með Hildu systur utan á hefði verið metsölublað!!! Nú í þessarri viku eru Hara-systur á forsíðunni og kjafta frá ýmsum leyndarmálum baksviðs, er reyndar ekki búin að lesa viðtalið við þær en sýnist það skemmtilegt. Aðalviðtalið er við kæra bloggvinkonu, sem ég hef aldrei hitt en þekki vel í gegnum bloggið, hana Berthu, hetju með meiru.

Athugasemdir

[www.zordis.com, 27.4.2007 kl. 09:29]

Svona langt í burtu er bara yndislegt að grípa í eitt stk vikuna!  Langaði einmitt að lesa viðtalið við Berthu og stakk nú upp á því á blogginu hans Dodda að þú skannaðir það og sendir mér  [e-mail] ..... roðn ... bara smá!

[Saumakonan, 27.4.2007 kl. 10:53]

hmm... bara einn trefill eftir?  nú hafa pólverjarnir eitthvað að hlakka til, verður bara að passa að þeir fái nú ekki hjartaáfall þegar síðasti trefillinn fer     Btw... gleymdi alltaf að segja frá því að páskavikan gerði mikla lukku í frakkaríki

[Jónsi (IP-tala skráð) 27.4.2007 kl. 11:09]

Mikið voru Ásta og Pólverjarnir heppin að þú skyldir ekki úða laxerolíunni á þig í morgunsárið!!

[Steingerður Steinarsdóttir, 27.4.2007 kl. 12:32]

Mikið ertu vígaleg þarna í brekkunni. Það er auðséð að ýmsar svaðilfarir í strætó hafa kennt þér ýmislegt.

[Anna Ólafsdóttir Björnsson, 27.4.2007 kl. 12:45]

Hæ, ég keypti blaðið mðe Hildu og hágrét með ritstjóranum ykkar.

[Heiða B. Heiðars, 27.4.2007 kl. 12:59]

Eitt stykki trefill fokin.. stefnir allt í netasokkabuxur og rautt leðurpils!

[Jenný Anna Baldursdóttir, 27.4.2007 kl. 15:13]

Með bossann beran hefst það anytime.  Vó hvað mér létti yfir því að þú værir farin í vinnuna.  Kona var farin að hafa áhyggjur af þessari nokkuðsvo sjálfskipuðu einseimd þinnar.  Happy new year.  Æi er bigdíl að gerast áskrifandi Vikunnar.  Er svo löt að gera svona, fill me in woman ég er alltaf að missa af einhverju merkilegu.

[Jenný Anna Baldursdóttir, 27.4.2007 kl. 15:13]

ég meina "sjálfskipuðu einangrun" ligg í hlátri Guð veit kvenna best að ég er fíbbl.

[Ólafur fannberg, 27.4.2007 kl. 15:17]

hitakrem og ilmvatn........bara....

[Bertha Sigmundsdóttir, 27.4.2007 kl. 15:20]

Gaman að sjá að þú sért komin aftur á stað, það er búið að vera svo tómt hérna á blogginu án þinna frábæru lýsingum og ég tala nú ekki um strætóferðirnar...gott að heyra að þér líður betur, og takk fyrir að nefnast á viðtalið við mig, en hvað þú ert sæt

[www.zordis.com, 27.4.2007 kl. 17:00]

Vonandi ertu í lagi kona!  Óða helgi ... kanski fullmikið að fara net og rautt leðurpils!  Ætla að fara og finna gamla skotapilsið mitt og troða mér í það!  Smúts á þig ....

[Guðríður Hrefna Haraldsdóttir, 27.4.2007 kl. 17:18]

Og þá er komið að dásamlegri heimferð! Ætla að splæasa í leigara .. kaupa mér Zinger-salat hjá KFC og njóta kvöldsins. Kannski get ég farið að tína allt upp af gólfinu í himnaríki ... allt sem hefur dottið síðustu daga liggur þar enn, nema smiðurinn hafi tekið tiltektarkast ... ekki líklegt! Svo er Evróvisjón-þátturinn í kvöld á RÚV ... æði, æði!