Ís-viðrun og beiskjublandin bíómynd kvöldsins

Ellý kemur stundum til þess eins að viðra mig. Vissulega er ég mikil áhugamanneskja um innivist en það er vissulega nauðsynlegt að fara í gönguferð af og til (fyrir aðra) eða bíltúr (fyrir mig). Nú var ferðinni heitið í Bónusvídeó þar sem ég heimtaði að bjóða familíunni upp á ís! Vona að Guðjón, minn maður hjá Kaupþingi (áður Búnaðarbankanum), skammi mig ekki fyrir að fara svona með nýfengna viðbót á yfirdráttarheimild til að greiða iðnaðarmönnum ...  Við Alexandra fengum okkur Bragðaref ... þvílíkt æði og ég er engin sérstök ísmanneskja ... Ellý er ís-sérfræðingur, eiginlega alveg brjáluð í ís! Læt ríka og sæta karlmenn hér með vita af þessum veikleika hennar.

Nú stendur til að horfa á nýjustu Woody Allen-myndina. Góðir leikarar, vonandi góð mynd. Hef aðeins séð örfáar myndir með meistaranum og flissað heilmikið, skil ekki hvers vegna fleiri hafa ekki ratað í tækið mitt. Hér kemur kvikmynd kvöldsins, örlítið beiskjublandin, afar rómantískt framhald síðar!

http://www.grapheine.com/bombaytv/index.php?module=see&lang=uk&code=b673658ce92f203a24fc4057c553d4ee

Athugasemdir

[Guðný Anna Arnþórsdóttir, 27.4.2007 kl. 23:36]

Þú átt skoðanasystur hér á bryggjunni, ég er nefnilega sérleg áhugamanneskja um inniveru, svaladvalir og gönguferðir útí bíl.

Myndin er stórkostleg....bíð eftir framhaldinu. Góða nótt frá bryggju til strandar

[Katrín Snæhólm Baldursdóttir, 27.4.2007 kl. 23:38]

Gurrí..ekki elska þennan asna!!! Of margar tölur óhnepptar til að honum sé treystandi. Læt minn mann alltaf hneppa uppí háls þegar við förum í súpermarkaðinn. Besta tryggingin.

[Guðríður Hrefna Haraldsdóttir, 27.4.2007 kl. 23:55]

Góða nótt, bryggjustelpan mín.  

Já, frú Katrín ... Jónsi er hálfgerður Alfonso með 18 efstu tölurnar fráhnepptar ... bíddu róleg eftir framhaldsmyndinni!