Alþingismenn í kröppum dansi (ekki stjórnmálafærsla)

Svaf af mér staðgóða morgunverðinn sem butlerinn bjó til en James klikkaði ekki í hádeginu og bauð upp á tvíréttað. Væna brauðtertusneið og perutertu í eftirmat. Eldabuskinn sá um glimrandi gott kaffi með. Nú er ég tilbúin í allt!

Ég fékk sendar alveg dásamlegar bækur í vinnuna fyrir helgi. Ein þeirra er myndasaga eftir Óttar M. Norðfjörð og heitir Jón Ásgeir & afmælisveislan. Hinar bækurnar eru fyrstu tvö bindin í nýjum bókaflokki sem heitir Íslendingar. Litlar rassvasakiljur, sniðugt brot. Fyrra bindið heitir Kosningar og hið síðara París. Búin með myndasöguna en er rétt byrjuð á Kosningum. Á baksíðu segir svo: Ásdís blaðakona kemst á snoðir um leyndarmál sem gæti ráðið úrslitum kosninganna.

Í þessum fyrsta kafla sem ég er búin með hafa Steingrímur Joð og Magnús Þór Hafsteinsson lentu í slagsmálum eftir spjall um innflytjendur, Kolbrún Halldórs uppskar fúkyrði frá Jóni Magnússyni þegar hún ræddi klámráðstefnuna við hann ... o.s.frv. Óþekktara alþingisfólk átti saman gæðastund inni á karlaklósetti og samdi í leiðinni um nýja stjórnarsamvinnu og vissi ekki af manni úr Frjálslynda flokknum sem sat í næsta klefa og heyrði allt! Úhúhú!!!

Athugasemdir

[Jenný Anna Baldursdóttir, 29.4.2007 kl. 12:32]

Sendu butlerana yfir til mín ef þú ert búin að nota þá.  Nenni ekki að hreyfa mig.

[Guðríður Hrefna Haraldsdóttir, 29.4.2007 kl. 12:40]

OK ... þeir eru lagðir af stað!