KK, Einar, Didda, Mæja, Ragna, Bogga og Guðjón

Mikið rosalega var sýningin í Borgarnesi skemmtileg! Þetta var ævisaga KK sögð af Einari Kárasyni og svo tók KK lagið inn á milli! Allir virtust skemmta sér konunglega, engin furða, þetta var mjög vel heppnað á allan hátt.  

Ævi KK hefur verið ansi litrík og nú langar mig til að endurlesa bókina um hann sem kom út 2002. Hitti KK aðeins eftir sýninguna og við töluðum illa um ákveðinn kennara í Vörðuskóla sem sagði m.a. við mig einu sinni: „Guðríður, helltu úr þinni andlegu ruslatunnu og segðu okkur hvað andlag er!“ KK fékk svipaða meðferð. Ég var fegin að ég brast ekki í grát þegar eitt fallegasta lag í heimi I think of Angels var flutt en yfirleitt tárast ég út í eitt þegar ég heyri það. Samið um Inger, systur KK og Ellenar (sem var í bekk með Hildu systur). Mikið rosalega hefur pabbi þeirra systkina verið skemmtilegur og skrautlegur karakter. Mæli hiklaust með ferð til Borgarness! 
Við vorum snemma á ferðinni því að við fengum okkur ljúffengan mat á undan sýningunni.

Í miðri máltíð þustu inn í salinn og upp á loft fjöldi glæsilegra kvenna úr Vestur-Húnavatnssýslu.

Fyrrum tengdamamma Hildu, hún Didda, besta kona í heimi, Ragna, dóttir hennar, Mæja snillingur og fleiri sem var mjög gaman að hitta.

Frábær kvöldstund!

Athugasemdir

[Anna Ólafsdóttir Björnsson, 29.4.2007 kl. 23:54]

Hvernig gat ég misst af þessu, brunandi gegnum Borgarne tvisvar í dag? Enginn vandi, en kannski maður fari að fletta upp meiru um þetta mál, takk fyrir ábendinguna, Gurrí mín!

[Guðríður Hrefna Haraldsdóttir, 29.4.2007 kl. 23:59]

Sorrí Keli, þetta var svona hviss, bang! Vorum frekar sein í matinn og svo drífa sig heim ... sýningin var alveg til 11! Þú býrð í miklum menningarbæ!

Anna, þú ættir að kíkja á þetta við tækifæri, snilldarsýning þarna í Landnámssetrinu! 

[Guðrún Jóhannesdóttir, 30.4.2007 kl. 00:28]

almáttugur ! didda og ragna og líka maría, eitthvað hefur nú heyrst í þeim þessum ef ég þekki þær rétt :) alltaf hressar stelpurnar.

[Ester Júlía, 30.4.2007 kl. 07:19]

Trúi því að þetta hafi verið frábær skemmtun!  KK klikkar ekki og sammála þér með "Angel"  ..það kemur tárunum fram. 

[Ólafur fannberg, 30.4.2007 kl. 08:28]

[Katrín Snæhólm Baldursdóttir, 30.4.2007 kl. 12:59]

Oh ég vildi fá tækifæri til að sjá og heyra þessa söng og sögustund. Angels lagið er jamm guðfómlegt. Og allar þessar konur og góður matur. Bara Himnaríki Gurrí mín..ertu bara alltaf þar????