Möguleg leiðindi Tomma ... fréttauppsprettan Ásta og fleira

30.4.2007 | 17:14

Möguleg leiðindi Tomma ... fréttauppsprettan Ásta og fleira

Við vorum óvenjufá með strætó frá Háholti kl. 15.50. Þrír eða fjórir fóru út á Kjalarnesinu, einn strákur á fyrstu stoppistöðinni á Skaganum, tvær kellur (ég og önnur) á miðri Garðabraut og svo Ásta og frændi hennar á endastöð. Gummi bílstjóri átti ekki orð yfir þessi þægindi!

Við töluðum helling um elsku Tomma okkar og hvað honum hlyti nú að leiðast með olíu sem samferðakonu! Annars ætlar Gummi (Hafnfirðingur en samt ágætur) að svíkja okkur í sumar, eða frá 15. maí, og fara að keyra outlendings um landið. Það er víst búið að auglýsa eftir bílstjórum.

Ég hvet huggulega menn, 40+, helst hávöxnu, dökkhærðu, þöglu og interísant týpuna, til að sækja um. Ljóshærðir og lágvaxnir einnig hjartanlega velkomnir! Og stelpur. Ekki málið.

Ásta er alltaf uppspretta frétta ... hún veit allt og það er mjög dýrmætt að þekkja þessa elsku. Hún sagði mér að verið væri að pæla í því að hætta með 10.47 ferðina frá Akranesi og líka fyrstu ferð á sunnudögum kl. 9.27. Skagamönnum finnst greinilega gott að sofa út ...

Svaladyragluggaumbúnaðurinn í stofunni skánar dag frá degi og greinilegt að smiðurinn gerir eitthvað meira en að klappa kisunum hérna á daginn. Næst þegar hann kemur verð ég búin að ryksuga. Bakið er að verða skrambi gott og fer alveg að þola húsverk(i).

Flokkur: Bloggar | Facebook

Athugasemdir

Hugarfarið skiptir máli, pabbi minn keyrði strætó alla sína starfsæfi og ég er stolt af honum. Hann er bjútís. Hurru þessi á myndinni var hann vagnsstjóri í morgunn? Ef svo er úlala

Jenný Anna Baldursdóttir, 30.4.2007 kl. 17:44

Örugglega ekki mikið skárra að keyra olíubíl ... en launin gætu verið hærri í olíunni. Við köllum Tomma núna olíufurstann!

Guðríður Hrefna Haraldsdóttir, 30.4.2007 kl. 17:45

Rosasmart að verða! Útsýnið er himneskt, eg sagði við einhvern um daginn að ég væri að spá í að flytja á Akranes og hver veit hvað verður Sel blæjubílinn og fer að nota strætó alla daga! Vona að þið fáið áhugaverða típu undir stýri, já og góðan bílstjóra!

www.zordis.com, 30.4.2007 kl. 17:45

Ja, Jenný, hann kemur til greina sem bílstjóri, held ég. Vona ég ...

Guðríður Hrefna Haraldsdóttir, 30.4.2007 kl. 17:45

Æðislegar svaladyr elsku Gurrí mín.

Steingerður Steinarsdóttir, 30.4.2007 kl. 19:13

Þetta er eins og inngangurinn að himnaríki ... ekki út úr því! Þvílíkt útsýni!

Hugarfluga, 30.4.2007 kl. 19:27

Svakalega flottur svaladyragluggaumbúnaður!

Guðrún Eggertsdóttir, 30.4.2007 kl. 21:19

sko, þetta er ekki nema BROT af útsýninu, get ég sagt ykkur!! Það er GEÐVEIKT flott útsýni sem konan hefur!!

SigrúnSveitó, 30.4.2007 kl. 21:24

1. Mér hugnast þessi við stýrið sérdeilis vel. Þessi rólega, þunglyndislega typa, sem segir ekki margt en er þrautgóður á raunastund. Nicht wahr? 2. Himnaríkissvaladyraumbúnaðurinn er að verða hörkufínn.