Bold of the day ...

Stefanía er búin að viðurkenna fyrir fullorðna fólkinu í fjölskyldunni að hún hafi verið við dauðans dyr þarna á dögunum af örvæntingu yfir hegðun Brooke sem stal af henni eiginmanninum, giftist honum og eignaðist tvö börn með honum (Bridget og Rick) og giftist síðar báðum sonum Stefaníu (Ridge c.a. þrisvar og Thorne einu sinni). Þótt Steffí hafi verið svona “veik” hafi hún ekki fengið hjartaáfall, það var falsað ... en hún var samt voða veik. Fólkið í "brúðkaupinu to be" starir á hana. 

Hjartalæknirinn er í rusli yfir að hafa talað af sér við Jackie (missti af þeim þætti) en rúntar nú um stórborgina með Sally Spectra og vælir í henni. Hún flissar illgirnislega, enda engin vinkona Stefaníu. Hvað gerist á morgun?

Nema Stöð 2 haldi að allir verði í kröfugöngu þá og sýni ekki þáttinn! Svona eins og á nýársnótt þegar gamlar myndir eru endursýndar af því að “allir” eru úti á djamminu og enginn að horfa á imbann!

P.s. Þegar Massimo, blóðfaðir Ridge, eiginmaður Jackie, var lamaður með heilablóðfall fór DEACON að reyna við Jackie! Sá greinilega hluta úr þætti þar sem þetta kom fram.

Ætli Deacon hafi drepið Amber, stóru ást lífs hans? Nei, Amber bjargaði Ridge í Feneyjum eftir að hann fékk höfuðhöggið og missti minnið og rauðhærða klikkaða konan þóttist vera kærasta hans ... Æ, munið ekki? 

Athugasemdir

[Ólafur fannberg, 30.4.2007 kl. 23:12]

kveðja

[Guðríður Hrefna Haraldsdóttir, 30.4.2007 kl. 23:16]

Sorrí ... ég bara varð ... þetta er þvílík endaleysa en ég skemmti mér konunglega yfir þessu!

[Vilborg Valgarðsdóttir, 30.4.2007 kl. 23:19]

Ég sá þáttinn sem þú misstir af og þú misstir greinilega ekki af neinu. Ég missti hins vegar af þessum í dag og hef greinilega misst af öllu og segi því eins og HelgaVala, ég er dottin út - alla vega í bili

[Bragi Einarsson, 30.4.2007 kl. 23:55]

elskan mín, ertu enn þá að horfa á þessa vitleysu

[Guðríður Hrefna Haraldsdóttir, 1.5.2007 kl. 00:07]

Þetta er orðið að vana ... ég tek það mjög alvarlega þegar bloggvinur (GunnaPolly) biður mig um að kíkja eftir Amber. Sú mæta stúlka hefur ekki sést vikum eða mánuðum saman í þessum þáttum. Ég er sko alveg í menningunni líka ... horfði á Heroes áðan. 

[Ragnheiður , 1.5.2007 kl. 02:23]

omg...hvílík sápa ! Heppin ég að sjá þetta aldrei sko hehe ..takk fyrir uppdeitið

[Jenný Anna Baldursdóttir, 1.5.2007 kl. 03:18]

Sko það eina sem ég hef að segja í þessu máli öllu er að ég er ein af NÖRDUNUM sem glápir á sjónvarp á nýársnótt af því ég djamma ekki lengur.

[www.zordis.com, 1.5.2007 kl. 09:11]

Áfram Gurrí! 

[Kristín Katla Árnadóttir, 1.5.2007 kl. 10:38]

Já spennan er rafmögnuð eða þannig.

[Hugarfluga, 1.5.2007 kl. 11:10]

Ok ... I'm back on track. Takk, Gurrílína!

[Gunna-Polly, 1.5.2007 kl. 11:33]

takk takk, ég veit ekki hvað ég gerði án bold skýrslu frá þér, og er að verða viti mínu ( því litla sem eftir er ) fjær af áhyggjum af henni Amber