Deja Vu, fermingarmyndir og hitamet hvað!

Horfði á Deja Vu áðan og fannst hún bara skrambi skemmtileg! Virtist ætla að vera venjuleg (en góð) spennumynd og breyttist fljótlega í svona framtíðarmynd sem var ekkert verra.

Mikið er hann Denzel nú alltaf sætur ... Hann leikur löggu sem einsetur sér að bjarga lífi myrtrar konu ... hmmm, say no more!

Ósköp er kaldranalegt að horfa út. Engin sól, bara rok og ansi svalt loftið sem kemur inn um opna gluggana.

Eru veðurfræðingar bara að plata þegar þeir tala um hitamet dag eftir dag. Er Akranes í kuldapolli núna? Held ég verði að skella mér í heitt bað til að ná hrollinum úr mér.

 

 Ellen frænkubeib sendi mér myndir úr fermingunni hans Peters. Þær munu skreyta þessa færslu. Svo þarf að húsverkjast eitthvað!   

Athugasemdir

[Anna Ólafsdóttir Björnsson, 1.5.2007 kl. 15:40]

Veðurfræðingar ljúga!

[Jóna Á. Gísladóttir, 1.5.2007 kl. 16:13]

Heyrðu Gurrí. Eitthvað hlýtur þessi drengur að vera mikið skyldur þér. Svakalegur frændsystkinasvipur með ykkur. Ekki minnast á húsverk!!!!

[Guðríður Hrefna Haraldsdóttir, 1.5.2007 kl. 16:21]

Ja, hann Peter er nú pólskur í báðar ættir ... en vissulega er hann gullfallegur eins og ég. Takk fyrir að sjá það!

Já, Anna, nú verður stríð við veðurfræðinga!!! Hehehhe 

[Jenný Anna Baldursdóttir, 1.5.2007 kl. 16:41]

Á að drepa mann úr hungri þarna ljónið þitt?  Slurp... Peter er svakalega sætur eins og frænka

[Guðríður Hrefna Haraldsdóttir, 1.5.2007 kl. 17:05]

Sko, gamla geit, svona eru afmælisveislurnar mínar!!! Hvar verður þú í kringum 12. ágúst? Guðdómlegt kaffi og ægiflottar og góðar tertur! Bloggvinir eru í stórhættu með að fá boð ...

[Hrönn Sigurðardóttir, 1.5.2007 kl. 17:31]

úhú!!! Svaka flottar kökur - ekki ónýtt að eiga svona á frídegi verkamannsins. Allavega minningarnar ;)

Hver var það nú aftur sem sagði: "Gefið fólkinu kökur......" ?

[Guðrún Jóhannesdóttir, 2.5.2007 kl. 00:42]

ummmmmmaður fær nú vatn í munninn :) sætur pólskur strákur Peter.