Veðurfræðingar - varúð!

Nú er ég komin í heilagt stríð við veðurfræðinga. Ég horfi út um gluggann minn og sé bara vetur, grænan, úfinn sjó, gráan himin og það grillir ekki einu sinni í höfuðborgina fyrir kuldamistri. Hitamet, hnuss! Stund hefndarinnar er runnin upp. Ég þegi ekki lengur.

Ég deitaði einu sinni veðurfræðing og veit því alveg hvernig karlar úr þessari stétt eru. Líf þeirra litast af veðrinu, hæðum, lægðum og það skiptir öllu máli hvaða vindátt er, eins og hjá Mary Poppins. Ég man að í suðvestanátt  fór veðurfræðingurinn minn alltaf í tiltektarkast og neyddi mig til að ryksuga eða einhvern viðbjóð ... af því að HANN var í stuði til að þrífa. Í norðanátt keyptum við nammi og horfðum á vídeó.

Þessi vetur var kaldur, oft norðanátt ... og til að hlýja okkur neyddi hann mig til að leika með sér nokkrar þekktar senur úr frægum kvikmyndum. Allt í lagi þegar við tókum Titanic en það var verra þegar hann var í The Shining-gírnum.

Veðurfræðingurinn var frekar nískur en þegar átt var austlæg fékk ég stundum blóm frá honum (úr Kjötborg) og það kom fyrir að hann byði mér út að borða ... á BSÍ.

Margt er vissulega hægt að fyrirgefa ef kynlífið er gott. Veðurfræðingurinn minn fór aldrei í „stuð“ nema þegar það var lægð yfir Grænlandi ... og það er jafnalgengt að sjá hvítan hrafn og að lægð sé yfir Grænlandi! Ég segi því, varið ykkur á veðurfræðingum!

Athugasemdir

[Hrönn Sigurðardóttir, 1.5.2007 kl. 18:30]

hahahahahahahaha - ég kem sko til með að passa mig á þeim

:)

[Jónsi (IP-tala skráð) 1.5.2007 kl. 18:36]

Að veðrum vinna þau bæði

veðrið er úrkoma og hæð,

hann hefur háþrýstingssvæði

hún hefur alldjúpa lægð.

---------------

Ef lægðina leggði hún á borðið

og leggði hann háþrýsting til;

það efalaust gæti orðið

úrkoma honum í vil.

Nei, segi nú bara svona......    

[Guðríður Hrefna Haraldsdóttir, 1.5.2007 kl. 18:40]

Voðalegur montrass ertu Keli! Nei, djók, gott að þér leið vel í góða veðrinu þínu! 

Takk fyrir vísuna, Jónsi, þótt þú megir alveg vita að veðurfræðingurinn er vondi karlinn í þessu dæmi!!!

Já, Hrönn mín, pössum okkur! 

[Jónsi (IP-tala skráð) 1.5.2007 kl. 18:48]

Ó þú vanþakkáta drós - eru blómin verri í Kjötborg en í Blómaval? Hvað segja Gunnar og Kristján við slíku? Er maturinn verri á BSÍ en frostþurrkuð og óæt fuglaflensubrjóst í Himnaríki?   ÓNEI!!! Suss og skamma sín.

P.s. Rosalega var veðurfræðingurinn heppin að losna........ þar sem ekki er fjör kemst enginn í stuð

[Jenný Anna Baldursdóttir, 1.5.2007 kl. 20:27]

Vein úr hlátri er af veikum mætti að halda mér á stól vegna sótthita!!(sko er með bandana til að smita þig ekki).  Blóm úr Kjötborg?? Er maðurinn ekki í lagi? Út að borða á BSÍ er hins vegar upplifun þú vanþakkláta kona.  Veistu ekki að innréttingarnar þar eru sögulega bráðmerkilegar og eiga sér ekki hliðstæðu?  Illa mikill pöpulsbragur á þér mín kæra.  Ég græt enn að ég skuli ekki hafa fengið að upplifa "Pylsa á Geithálsi eftir ball" semmarann.

Lovjú!

[Jenný Anna Baldursdóttir, 1.5.2007 kl. 20:28]

hm meinti "stemmarann"

[Guðríður Hrefna Haraldsdóttir, 1.5.2007 kl. 20:41]

Ég var sko ekki að vanþakka blómin úr Kjötborg eða út að borða á BSÍ! Hmmm, minntist á þetta til að þið föttuðuð hvað hann var ... uuu ... sparsamur! Annars veit ég ekki hvaða færslu Jónsi var að lesa ... alla vega ekki mína, miðað við geðvonskuna og lætin í nýjasta P.S-inu hans. Það er alltaf fjör í himnaríki, bara svo það sé á hreinu. 

[Jónsi (IP-tala skráð) 1.5.2007 kl. 20:45]

Má ég leggja vanga minn að þínum dásamlega kjamma krúsídúlla og hreyfa fætur mína í takt við þína fíngerðu fætur?

http://www.kvikmynd.is/video.asp?land=&offset=1&id=3378 

[Katrín Snæhólm Baldursdóttir, 1.5.2007 kl. 20:51]

Ahahahaha..og þessi færsla var í boði Guðríðar sem kl´ðist reuaðu korseletti og fíngerðum dömulegum hælaskóm í stíl við langa svarta silkihanska. Demantaarmbandið er úr Gulli og silfri Laugavegi.

Æ hvað þetta minnti mig á gömlu góðu dagana þegar ég setti Wgitney

[Katrín Snæhólm Baldursdóttir, 1.5.2007 kl. 20:53]

ohh...þegar ég fék að spila væmnu lögin og þú fékkst rokklög á móti. Endilega fleiri svona færslur um hvernig er að deita menn í ákveðnum starfsstéttum!!!!

[Guðríður Hrefna Haraldsdóttir, 1.5.2007 kl. 20:57]

Já, Jónsi, þér er fyrirgefið. Dönsum.

Katrín, ég þarf líka að fá útrás fljótlega fyrir martröðina miklu þegar ég var með fornleifafræðingnum ... 

[Guðný Anna Arnþórsdóttir, 1.5.2007 kl. 21:26]

Hlæ, hlæ og skell á lær. Yndisleg lýsing á veðurfræðilegu ástarsambandi. Hefurðu verið með kvensjúkdómalækni? (  - æ, nú kemur Jónsi með eitthvað hryllilegt....)

[Björg K. Sigurðardóttir, 1.5.2007 kl. 21:52]

Ég er sennilega að verða eitthvað bleslind, nei ég meinti lesblind. Ég las nefnilega eina setningu í blogginu svona: Líf þeirra litast af veðrinu, hægðum, lægðum. Ég hugsaði bara guð hvað þetta hefur verið hryllilega óspennandi maður

[Guðríður Hrefna Haraldsdóttir, 1.5.2007 kl. 21:56]

Hahahahahahah!

[Gunna-Polly, 1.5.2007 kl. 22:04]

veðurfræðingar hafa vonandi hægðir líka eins og við

[Doddi - Þorsteinn G. Jónsson (IP-tala skráð) 1.5.2007 kl. 22:04]

Ég elska þrumur og eldingar og rigningu ... ég á þannig minningar!!!

Get ekki sagt að ég hafi einhvern tíma deitað veðurfræðing ... en það breytir því ekki að mér líður svo vel núna ... að ég vil ausa knúsi, kossum og öllu yndislegu yfir þig!!!

Kveðja frá Akureyri, sæta dúlla!! 

[Jónsi (IP-tala skráð) 1.5.2007 kl. 22:13]

Varast ber veður ef von er á lægðum

votviðri miklu að ofan er von

Verra er þó ef von er á hægðum

vonum að Pampers fái Maríuson.

[Ólafur fannberg, 1.5.2007 kl. 22:14]

[Katrín Snæhólm Baldursdóttir, 1.5.2007 kl. 22:47]

Hvernig er það með kærleiksflippið á honum Dodda okkar núna..Hvað er það sem gerir einn man svona mikið gra...glaðan og hamingjusaman??? Doddi tell us!!

[Guðríður Hrefna Haraldsdóttir, 1.5.2007 kl. 23:04]

Doddi er ástfanginn af Veigu sinni og sem betur fer njótum við þess líka, ekki slæmt!

[Doddi - Þorsteinn G. Jónsson (IP-tala skráð) 1.5.2007 kl. 23:29]

Svo er maður svo glaður ... og kannski segir færslan mín eitthvað um það af hverju ...

En Gurrí hittir naglann á höfuðið og þið eigið skilið að njóta þess líka ...

[Guðríður Hrefna Haraldsdóttir, 1.5.2007 kl. 23:52]

Einmitt, Liverpool sigraði glæsilega í kvöld!

[Bragi Einarsson, 2.5.2007 kl. 00:24]

alveg gargandi góð!

[Bertha Sigmundsdóttir, 2.5.2007 kl. 02:51]

Hmmmm....veðurfræðingar, já, þeir eru ekki allir þar sem þeir eru séðir, það er greinilegt á þinni lýsingu. Hef aldrei deitað eitt stykki veðurfræðing, en væri samt alveg til í að leika mér í hlutverkaleik eins og þið gerðuð... Kannski Grease myndina, eða When Harry met Sally, eða Lake House, já, ég veit ég er algjör sucker fyrir romantic comedies, en þær eru milljón sinnum betri en hryllingsmyndir, það má segja að þær eru sól og blíða, ekki rok og rigning...

[Ester Júlía, 2.5.2007 kl. 07:38]

Hahaha..nú er ég tilbúin í daginn!  Ábyggilega soldið hentugt samt að deita veðurfræðing, þá veistu alltaf hverju þú átt von á!  Reyndar er það ekkert gaman til lengdar..betra að láta þá bara vera!

[Guðríður Hrefna Haraldsdóttir, 2.5.2007 kl. 08:26]

Þeir eru sko stórhættulegir ...