Rómantík í rafmagnsleysi ...

Myndarskapurinn var að drepa mig í kvöld. Var að klára að gera fínt í eldhúsinu og ætlaði að fara að ryksuga þegar ... rafmagnið fór. Það slökknaði á öllum þremur sjónvörpum heimilisins, tölvunni, þvottavél, þurrkara, ljósum í öllum herbergjum ... og þessi líka fína þögn skall á. Ég plantaði mér í kósí-horninu með fullt af kertum og einni bók , engin rómantík þessa dagana í himnaríki.

Gat ekki hugsað mér að hlaupa út og reyna að finna upptök bilunarinnar, ekki í svona brunagaddi. Eini gallinn við þetta var að þvottavélin var að þvo fötin mín sem ég ætla að fara í í vinnuna í fyrramálið og þurrkarinn hamaðist á rúmfötunum mínum (ég á frekar fá straufrí rúmföt og hef ekki nennt að strauja þessi hvítu, fínu í nokkra mánuði). Annað sjokk, ótengt rafmagnsleysi þó ... það fór að rigna þegar ég ætlaði að viðra sæng og kodda (arg). 

Ég vissi sem var að vélstýran myndi kippa þessu í lag. Nú veit ég að bæði þvottavél og þurrkari halda áfram eins og ekkert hafi ískorist þegar rafmagn kemur aftur á. Smásögufölsun var í þessari frétt ... ég bý hvorki í Grundahverfi né í Jörundarholti, heldur á landamærum nýja hverfisins og gamla Skaga. Þetta rafmagnsleysi, mitt fyrsta síðan ég flutti á Skagann í febrúar í fyrra, hefur kennt mér að ég er orkueyðslukló.   

Rafmagnsbilun á Akranesi

Athugasemdir

[Björg K. Sigurðardóttir, 2.5.2007 kl. 00:30]

Þú varst bara heppin að fá góða afsökun til að sleppa við að ryksuga

[Guðríður Hrefna Haraldsdóttir, 2.5.2007 kl. 00:36]

Hvað segir smiðurinn á morgun? Allt í kuski um öll gólf! Æ, ég ryksuga bara á morgun. Nenni því ekki kl. 00.40! Er að fara að sofa. þótt fyrr hefði verið.

[Jóna Á. Gísladóttir, 2.5.2007 kl. 00:41]

hversu oft hefur maður ekki hugsað þegar rafmagnið fer; æi nú hefur maður það bara kósí og hitar sér kakó/kaffi/te. hahahahahahahahaha. Smiðurinn getur bara ryksugað sjálfur finnst mér.

[Guðrún Jóhannesdóttir, 2.5.2007 kl. 00:50]

og í denn þegar rafmagnið fór nú af vikulega í sveitinni, þá æddi maður af stað með straujárnið til að nota tímann    Vonandi lifir smiðurinn það nú af þó það sé smá loðna i hornum ;)     Góðan nætursvefn kæra Gurrí

[Ólafur fannberg, 2.5.2007 kl. 06:36]

sammála efsta ræðumanni

[Hrönn Sigurðardóttir, 2.5.2007 kl. 07:37]

.....hefðir nú getað haft það notalegt með popp og kók fyrir framan videoið.....

[Ester Júlía, 2.5.2007 kl. 07:44]

Rosalega hefur þetta verið kósý..engin hljóð í tölvu, sjónvarpi, þvottavél og þurrkara ..bara mal í þér og köttum!

[Guðríður Hrefna Haraldsdóttir, 2.5.2007 kl. 08:26]

Eitt augnablik ætlaði ég inn í eldhús að hita mér kakó í kósíheitunum við kertaljósin. Eins og þyrfti ekkert rafmagn ... heheheh. Þetta var ósköp ljúfur hálftími!

[SigrúnSveitó, 2.5.2007 kl. 09:19]

Okkur dauðbrá þegar ljósin slökknuðu...við sátum í eldhúsinu og spjölluðum, ég og Hrafnhildur.  Einar sat við tölvuna.  En við héldum spjallinu áfram við kertaljós og það var mjög næs.

Það var hins vegar ekki rafmagnslaust í stóru blokkinni hérna hinu megin við "götuna sem heitir ekkert".  Svo það er greinilega önnur leiðsla sem þeir hafa...

[hildigunnur (IP-tala skráð) 2.5.2007 kl. 09:22]

Hehe, pabbi sagði að frýrnar hefðu einmitt oft sagt eitthvað svona þegar hann kom til að skipta um rafmagnsmæli: Nújæja, ég hita þá bara kaffi á meðan...

[Guðríður Hrefna Haraldsdóttir, 2.5.2007 kl. 09:30]

Fatta ekki hvað blokk það er! Við erum greinilega tengdar "nýja hverfinu" og Jörundarholti, heyrði karlana á stoppistöðinni tala um að það hefði verið rafmagnslaust frá Spælegginu (stóra hringtorginu) ... þetta var bara rómó!

[SigrúnSveitó, 2.5.2007 kl. 09:52]

Ekki alveg frá Spælegginu...því blokkin sem ég er að tala um er okkar megin við spæleggið...sýni þér blokkina næst þegar þú kemur í kaffi!!!