Árás ánamaðkanna og næstum því skyndikynni

Ég vissi ekki inn í hvaða hryllingsmynd ég var komin þegar ég kom út í morgun.  Ekki var nóg með að þykk þoka lægi yfir öllu, heldur voru extra-small dvergeiturslöngur um allt, sumar skríðandi, aðrar þóttust vera dauðar í drullupolli. Ég þurfti að tipla afar varlega á milli þeirra en það boðar held ég örugglega ógæfu að drepa ánamaðka, svona eins og járnsmiði ... eða trésmiði.   ---             ----------               -------------            ------------           ---- 

Ferðin í bæinn gekk vel að vanda, nema Kjalnesingar eru greinilega orðnir kærulausir, en þegar aukabíllinn var búinn að taka upp megnið af þeim þurftum við að hirða leifarnar, eða einn heppinn gaur. Það skipti svo sem engu, við vorum hvort eð með eina skvísu sem þurfti að komast út þar. Stundum þurfum við ekkert að stoppa á Kjalarnesinu.

Svo brunuðum við framhjá Karítas í brekkunni þar sem hún klöngraðist upp í leigubíl (sendibíls-tuðru) en hún missti greinilega af aukabílnum og náði okkur stórastrætó í Mosó. Þessi elska.

Ekkert sást til Ástu í strætó og ég settist bara hjá hlýlegri, ókunnri konu sem gott var að dorma við hliðina á. Ég hef ekki komist nær skyndikynnum í ansi langan tíma.  

Athugasemdir

[Hrönn Sigurðardóttir, 2.5.2007 kl. 09:21]

hehehehe ótrúlegar þessar slöngur út um allt - hvernig ætli þetta sé í regnskógunum?

[Guðríður Hrefna Haraldsdóttir, 2.5.2007 kl. 09:33]

Ohhh, hvað ég er fegin að búa ekki í regnskógunum!

[Ólafur fannberg, 2.5.2007 kl. 09:45]

ánamaðkarnir þar eru stærri hehehe

[percy B. Stefánsson, 2.5.2007 kl. 09:48]

Oh hó allt er vænt á skaganum  njótta dagsins með okkur í bænum mín kæra

[SigrúnSveitó, 2.5.2007 kl. 09:54]

Ég þurfti einmitt að hjóla í *smásvigi* á leið upp á leikskóla í morgun...en efast um að ég hafi náð að komast hjá því að merja nokkrar eiturslöngur undir dekkjunum...ojojoj...

Annars þarf ég að heyra í þér...ath hvort þú sért laus og hafir áhuga á að fá börnin mín í heimsókn frá 18-21 á sunnudaginn... 

[Jenný Anna Baldursdóttir, 2.5.2007 kl. 10:09]

Það er greinilega komið vor á Skagann.  Dvergslöngur hafa ekki sést enn á höfuðborgarsvæðinu svo vitað sé.  Smútsj.

[Guðríður Hrefna Haraldsdóttir, 2.5.2007 kl. 10:31]

Sveitamær/Flórens mín, ég verð örugglega heima frá 18-21 á sunnudaginn! Það yrði mér sönn ánægja og mikill heiður að fá óþekktarangana þína í heimsókn til að rústa öllu eins og venjulega ... hehehehe!

Já, það er sko komið vor á Skagann. Samt sá ég nokkrar míníslöngur á leiðinni niður í Stórhöfða ... ekki samt jafnstórar og jafnmargar og heima!

[SigrúnSveitó, 2.5.2007 kl. 10:37]

oooohhh, frábært. Ég hringi í þig þegar nær dregur.

[Doddi - Þorsteinn G. Jónsson (IP-tala skráð) 2.5.2007 kl. 11:27]

Skyndikynni við ánamaðka geta verið hættuleg ...

[Jónsi (IP-tala skráð) 2.5.2007 kl. 15:39]

Ja hérna - mín bara komin í skyndikynni!! Í guðanna bænum (Ég er ekki að tala um Himnaríki) haltu þig frá ánamöðkum - þeir eru ílangir, láréttir, ísmeygilegir og með höfuð á endanum........

P.s. Gott að vita hvert maður getur losað sig við óbermin þegar þau fara í taugarnar á manni. Kannski bara opið á sunnudögum?

[Kristín Katla Árnadóttir, 2.5.2007 kl. 16:16]

'Anamaðkar  úff en þeir eru pínu sætir. litlu krílinn.

[bara Maja..., 2.5.2007 kl. 16:21]

Úff vá hvað maður mátti passa sig í morgun í Grafarvoginum... míní slöngur útum allt. Það boðar ábyggilega ógæfu að stíga á þessi kvikindi, og ég steig örugglega á nokkur en það var í sjálfsvörn