Svefnsýki, notkun laxerolíu og útvaldir Keflvíkingar

Ja, hérna. Ég ákvað að leggja mig í c.a. klukkutíma í gærkvöldi áður en ég færi að vinna, horfa á Medium og ryksuga. Bað vinkonu mína um að hringja í mig um níuleytið.

Næst vissi ég af mér klukkan 4.45 í morgun þegar ég vaknaði eldhress og útsofin. Eriddahægt? Ég er viss um að vinkona hefur hringt ...

Dreif mig bara í bað til að laga bakið, enda svaf ég í stuttum sófa sem er 1,60 m á lengd (ég er 1,70). Nú er að vita hvort laxerolían virkar vel, ég úðaði henni út í baðvatnið ... með freyðikúlunni frá lush. Olían er sko notuð útvortis!!!

Ég held að Keflvíkingar séu guðs útvalda þjóð. Himinninn hefur verið svo fallegur yfir þeim fagra stað. Nú er velþóknunin yfir álverinu ... eða nálgast það ört. Fallegir litir  ... regnbogi gerir þetta algjört æði. Sjá mynd.

Hittumst á eftir.  

Athugasemdir

[Ágúst H Bjarnason, 3.5.2007 kl. 06:20]

Góðan dag Guðríður.

Þetta sama gerðist hjá mér. Kanski er það birtan úti sem er að plata mann. Vaknaði líka um 4:45   og hef verið að dunda mér við tölvuna síðan og hlusta á útvarpið. Já víst er veðrið fallegt. Sé yfir til Akraness út um gluggann hjá mér.

[Guðríður Hrefna Haraldsdóttir, 3.5.2007 kl. 06:32]

Skemmtileg tilviljun. Sofnaði reyndar fyrir átta í gærkvöldi, alveg óvart, og vaknaði þess vegna á þessum furðulega tíma. Þarf mína átta tíma (eða meira) því miður. 

Gaman að fylgjast með öllu vakna og furðulegt að sjá himininn yfir Reykjavík breytast svona skjótt á einum klukkutíma. Nú eru mjög dökk ský þar yfir og ég sé ekki einu sinni grilla í Esjuna. Væntanlega verður rigning eða snjókoma á leiðinni til Reykjavíkur ... Nema þetta verði allt fokið á brott (veðurskýin).

[Ágúst H Bjarnason, 3.5.2007 kl. 06:35]

Rétt áðan skein sólin fallega á Perluna. Nú er sólin farin og Esjan líka horfin sjónum. Svona er Ísland.

[Ólafur fannberg, 3.5.2007 kl. 06:37]

hehe var vakandi 4:45 enda að vinna.Það verður bullandi rigning á leiðinni.

[Ragnheiður , 3.5.2007 kl. 07:45]

hehe gott að fá að vita þetta með olíuna, hafði áhyggjur af þessu

[Guðríður Hrefna Haraldsdóttir, 3.5.2007 kl. 07:54]

Já, olían viðist ætla að virka vel. Mér líður alla vega voða vel þótt ég hafi sofið í pínulitlum sófa og varla getað stigið í fæturna þegar ég vaknaði!

[Guðrún Jóhannesdóttir, 4.5.2007 kl. 01:02]

Hvað er þetta með 4.45 ?   rumskaði kjééllllan um það leyto líka ? var eitthvað um að ske eins og konan sagði ?  Æ Gurrí mín, þarf að fara að hafa samband

[geggjun (IP-tala skráð) 4.5.2007 kl. 09:13]

Keflavík rúlar