Aðrir tvíburar, Poppi, Bogabætur og fjólublátt haf

Þessi blessaða stytta sem Hanna gaf mér hefur ótrúleg áhrif. Mín bíður guðdómleg bók, upphitað rúm (sem kettirnir hafa legið á) en samt sit ég hér og blogga.

Ég tók nokkrar myndir heima hjá mömmu afmælisbarni í dag en ég fylltist fortíðarþrá (þrá?) þegar ég sá í einu horninu apann Poppa og stóru glerflöskuna sem Bogi frá Hrísdal málaði handa mömmu. Poppi var formlega nefndur þessu nafni eftir að hann var settur ofan á stóra pottinn hennar mömmu til að pottlokið lyftist ekki af þegar hún poppaði í risaskömmtum ... Held að hönnuðurinn hefði ekki orðið hress hefði hann vitað um þessa notkun fína designer-apans sem er búinn að missa aðra höndina þar til mamma kemst í búð til að kaupa trélím.

 

Glerflaskan (risastóri vasinn) er líka dásamleg en Bogi frá Hrísdal (bjó á Skaganum í denn) fékk sér stundum (oft) í glas og hvekkti móður mína eitthvað einu sinni, man ekki hvernig. Til að bæta fyrir það mætti hann auðmjúkur og færði henni þennan frábæra grip sem hann hafði málað fjórar myndir á.

 
Svo sá ég gamla mynd af mömmu og Höddu, tvíburasystur hennar. Mamma er til hægri.

Myndatökur hafa nú örugglega ekki verið algengar um miðjan fjórða áratug síðustu aldar hjá barnmörgum fjölskyldum sem börðust í bökkum. 

Myndirnar stækka ef tvíklikkað er á þær. 

 

Nú er kominn sá árstími þegar sjórinn fyrir utan getur orðið fjólublár. Náði mynd af Tomma í glugganum í bókaherberginu en hann horfði heillaður út á sjó, eins og ég. Þvílík dýrð.

Jæja, er hætt að blogga þangað til á morgun.

 

Úps, það fór alveg óvart inn mynd af Úlfi og mömmu hans sem tekin var daginn eftir aðgerðina.  

Athugasemdir

[Gunna-Polly, 6.5.2007 kl. 10:51]

án fortíðar væri engin framtíð

[Kristín Katla Árnadóttir, 6.5.2007 kl. 10:56]

Fallegar myndir það oft gaman að rifja upp fortíðina.

[Hólmgeir Karlsson, 6.5.2007 kl. 11:46]

Góðar minningar eru gull og eitthvað sem enginn tekur frá manni. Gleymum samt aldrei að fortíðin er saga og framtíðin er gjöf  ..

Verð að vekja athygli þína á þessari færslu. Finnst eins og hún vinkona þín megi til að sjá þetta  ..
http://hk.blog.is/blog/hk/entry/199525/

[Jónsi (IP-tala skráð) 6.5.2007 kl. 16:00]

Djísús Kræst, apalufsa, gamalt glerrusl og myndir sem sýna hvað viðkomandi var halló á síðustu öld skreytt með gömlukonuspjalli um  gluggaútýni  Er ekki kominn tími á almennilega færslu eins og allir almennilegir bloggarar gera!!! Krassandi kynlífspistlar um nánustu vini og ættingja er það sem blívur í dag eftir því sem fréttir segja.

P.s Þú ert víst frekar ættstór er það ekki...?

[Guðrún Jóhannesdóttir, 6.5.2007 kl. 17:16]

þá veit maður nú hvað Jónsi vill lesa hehehehehe  en án fortíðar værum við ekkert, eða hvað ?   

[Guðríður Hrefna Haraldsdóttir, 6.5.2007 kl. 18:30]

Skil ekkert í Jónsa, færslurnar mínar eru gegnsósa kynlífi, eins og allir vita. Það þarf bara greind í meðallagi til að geta lesið á milli línanna. Múahahahhaha ...

[Steingerður Steinarsdóttir, 6.5.2007 kl. 19:55]

Yndisleg færslaþ