Barnfóstun í þrjá tíma

Þvílíkur dagur. Hann hófst á því að ég drakk fimm hrá egg í morgunverð, hljóp upp og niður kirkjutröppurnar á Akureyri og gerði nokkrar armbeygjur. Tók vítamínbústkúr á Heilsuhælinu í Hveragerði, fékk stólpípumeðferð hjá Jónínu og fór á jóganámskeið hjá Guðjóni Bergmann í innhverfri íhugun. Síðan kynntist ég sjálfinu mínu með því að taka nokkra sundspretti í sjónum við Langasandinn.  

 Nú er ég tilbúin. Börnin hennar Sigrúnar geta komið í pössun klukkan sex.

Athugasemdir

[Guðrún Jóhannesdóttir, 6.5.2007 kl. 17:24]

Alveg áreiðanleg vel undirbúin eftir þetta allt saman     Njóttu samvistanna við framtíð landsins okkar

[Guðríður Hrefna Haraldsdóttir, 6.5.2007 kl. 18:32]

Svona í alvöru eru þetta dásamlegir krakkar. Verst að þau komu með örbylgjupopp með sér ... og ég á ekki örbylgjuofn! Þau sitja núna inni í stofu og horfa á dvd. Ætla að setjast hjá þeim. Happy Feet er það! 

[www.zordis.com, 6.5.2007 kl. 19:24]

Nú ertu í fullu fjöri með gersemum lands og þjóðar enda vel undir búin!  Gangi þér vel og þeim! 

[Ester Júlía, 6.5.2007 kl. 20:02]

VÓ!  Ég hefði verið til í þetta allt nema stólpípumeðferðina og eggin!  Svakalega ertu dugleg!  

[Jenný Anna Baldursdóttir, 6.5.2007 kl. 21:07]

Þetta er lágmarks upphitun áður en maður tekur að sér að gæta barna! Áttu ekki örbylgjuofn?  Ég hélt að það væri bannað með lögum.

[Guðríður Hrefna Haraldsdóttir, 6.5.2007 kl. 21:09]

Ótrúlegt en satt! Nú á ég örbylgjupopp, "gleymdi" að senda þau með það heim. Verð greinilega að fjárfesta í einum ofni fyrst ég á popp.