Hljótt í himnaríki

Börnin eru farin,
allt er orðið hljótt.
Barnfóstran var barin,
en tíminn leið of fljótt.

Jamm, þetta voru spennandi þrír klukkutímar. Kubbur klóraði Jóhannes sem skellihló og hélt áfram að klappa henni fast, Jón Ingvi var spenntur fyrir stjörnukíkinum og sá alla leið til Ameríku, alla vega Perluna! Ólöf Ósk datt ofan í Ísfólksbók og fékk hana lánaða heim. Minnir að það sé ekkert kynlíf í þessari fyrstu, bara spenna. Mun spyrja virðulega móður hennar, Flórens, álits áður en ég lána dótturinni fleiri úr þessum rúmlega 40 bóka flokki ...

Var sjálf komin út í fullorðinsbækur á hennar aldri og einnig sólgin í Sannar sögur og Eros sem ég fann í efri skápunum í herberginu mínu í sveitinni. Stutt var í Guðrúnu frá Lundi á þessum tíma en þær bækur voru ansi lærdómsríkar. Ég drekk t.d. aldrei kaffi með hlóðabragði eða geng á milli bæja og segi andstyggilegar kjaftasögur.

Athugasemdir

[Guðrún Jóhannesdóttir, 6.5.2007 kl. 23:40]

það er hægt að sjá langt með stjörnukíki, tala nú ekki um þegar ímyndunaraflið er frjótt :)    en..................... er nokkur ísfólksbók á kynlífslýsinga ?    alla vega gat ég selt ungu mönnunum sem unnu í Fóðuriðjunni í Saurbænum  allar þessar bækur á sínum tíma, hlýtur að hafa verið EITTHVAÐ sem lokkaði

[Ragnheiður , 6.5.2007 kl. 23:57]

Ó Gurrý, það er HELLINGS kynlíf í fyrstu bókinni...jedúddamía að lána barninu þetta *slæ mér á lær* að hætti Guðrúnar frá Lundi. Ooo þeir gömlu góðu dagar, allt hvarf þegar maður var kominn með bók í hönd.

[Katrín Snæhólm Baldursdóttir, 7.5.2007 kl. 08:19]

Nú munu andstyggilegar kjaftasögur fara á kreik um þig í sveitinni frú Guðríður.  Að þú komir ugnum saklausum börnum upp á galdrakynlíf með lestri norskættaðra bókmennta og að kaffið sem þú býður uppá sé víst með hlóðabragðskeimi. Það er greinilegt að það rætist ekki betur úr unglingum en þetta sem lesa EROS á uppvaxtarárum sínum. Þér hefði verið nær að lesa meir um Guðrúnu frá Lundi. Eg bið fyrir sálu þinni Guðríður.

[SigrúnSveitó, 7.5.2007 kl. 11:43]

eeehhhh, þekki ekki þessar sögur...hef aldrei lesið þær...ætli ég þurfi bara ekki að taka upp lestur og ritskoða þær áður en dóttir mín fær þær...

Enn og aftur ástarþakkir fyrir börnin, þau voru ALSÆL þegar þau komu heim. 

[Guðríður Hrefna Haraldsdóttir, 7.5.2007 kl. 14:13]

Held að það sé bara spenna, fátækt, hungur, plága, vont fólk og gott fólk í þessari fyrstu bók. Ekki leggjast í Ísfólkið, fyrr en eftir ritgerð ...

[Svava S. Steinars, 7.5.2007 kl. 14:41]

Oneinei Gurrí mín, það eru nákvæmar lýsingar á risatólin hans Þengils í bókinni.  Móðirin mun aldrei fyrirgefa þér

[SigrúnSveitó, 7.5.2007 kl. 15:13]

Nei, ég held ég bíði fram yfir ritgerð

[Guðríður Hrefna Haraldsdóttir, 7.5.2007 kl. 17:41]

Ekki í fyrsta bindinu ... það kemur ekki fyrr en þau eru flutt í dal Ísfólksins, er það ekki í annarri bókinni?

[Svava S. Steinars, 8.5.2007 kl. 09:27]

Því miður Gurrí, það gerist ýmislegt þarna í fyrstu bókinni sem er afar grafískt