James Bold-flækjur og stjórnmálanjósnir

Ef ég verð jafnsyfjuð og -þreytt í fyrramálið ætla ég að hringja á þyrlu Landhelgisgæslunnar og fá far með henni í bæinn. Það er víst möguleiki ef maður er að drepast úr þreytu. Verð reyndar að vinna heima á morgun, geri þetta bara á miðvikudaginn ef í það fer.

Fór með Ástu í Skrúðgarðinn eftir vinnu og hún heimtaði að bjóða mér upp á kaffi og köku. Nokkrar bráðhuggulegar sjálfstæðiskonur komu samferða í strætó og kíktu á kaffihúsið. Frekar lítið var til af kökum, aldrei þessu vant, enda búið að vera vitlaust að gera allan daginn. Þær ákváðu bara að skreppa í göngutúr frekar en að bíða eftir áfyllingu á kökurnar.

Þessar æsispennandi stjórnmálanjósnir rétt fyrir kosningar voru í boði Guðríðar.

Sá vorboðann ljúfa rétt hjá sjúkrahúsinu þegar ég var á heimleið. Stóra hunangsflugu sem sýndi mér mikinn áhuga. Ég er orðin svolítið þreytt á þessu, allir strákar eru brjálaðir í mig, það sest ekki svo á mig fluga að hún sé ekki karlkyns ... þetta var sko býflugnakóngur, risastór!!! 

Frændfólkið í Ameríku:
Taylor reynir eftir bestu getu að fæla Ridge frá sér með því að taka hann á sálfræðinni. Gerir honum upp meiri ást til Brooke en sín ... Hún rekur hann að heiman og segir honum að átta sig. Hann er hlessa. Það sem Taylor veit ekki er að Ridge á eftir að breytast ógurlega í útliti, safna skeggi og allt. Veit ekki með hvaða konu hann verður þegar útlit hans breytist svona, fór til framtíðar og sótti mynd á Netið.

Það sem Ridge ekki veit er að pabbi hans, Eric, sem er nýfarinn frá Stefaníu, mömmu Ridge, er nýbúinn að biðja Brooke um að giftast sér!!! Jamm.

Ég meina ... ef hún hefur gifst Ridge þrisvar eða fjórum sinnum og litla bróður hans, Thorne, einu sinni, getur hún alveg farið rúntinn aftur og gifst Eric í annað sinn. Þá verða Bridget og Rick ekki lengur skilnaðarbörn og Bridget fær að hafa Nick í friði fyrir mömmu sinni.  

Athugasemdir

[Anna Ólafsdóttir Björnsson, 7.5.2007 kl. 18:26]

Já, Gurrí mín, við höfum verið hálf þreytt í dag líka hérna á Álftanesinu ;-)

[Guðríður Hrefna Haraldsdóttir, 7.5.2007 kl. 18:36]

Þetta er glæsileg þjónusta ... heheheh

[Guðríður Hrefna Haraldsdóttir, 7.5.2007 kl. 18:53]

Hann gæti verið pabbi pabba síns sem er þarna neðar (ja, þeir eru ekki blóðskyldir).

[Gunna-Polly, 7.5.2007 kl. 19:06]

ætla ekki einu sinni að spurja að þessu sem ég spyr alltaf þú veist spurninguna

[Guðríður Hrefna Haraldsdóttir, 7.5.2007 kl. 19:14]

Amber er í löngu fríi ... það hlýtur samt að vera eitthvert barn þarna í þáttunum sem á eftir að eldast aðeins meira svo að hún geti byrjað með því!

[Jenný Anna Baldursdóttir, 7.5.2007 kl. 19:33]

Djísus þeir eldast bara og eldast.

[Guðríður Hrefna Haraldsdóttir, 7.5.2007 kl. 19:44]

Þrátt fyrir aðgerðir ... hann er eins og brúða eða gína í dag. Nýja lúkkið (í framtíðinni) er svona skeggjað og gráleitt ... hmmm!

[SigrúnSveitó, 7.5.2007 kl. 19:58]

Miðað vð allt þá ætti Eric eiginlega að vera kominn á elló fyrir langa löngu...ef ekki í gröfina...

[SigrúnSveitó, 7.5.2007 kl. 20:01]

Moss charisma

After 19 years as Ridge Forrester in "The Bold And The Beautiful", Ronn Moss sees a `future of diverse interests'. RAKESH MEHAR talks to the soap star

 

 

 

LIVING WITH THE CHARACTER Soap star Ronn Moss of the "The Bold And The Beautiful" fame 19 ár!!!!!!!!!!!! 

[Hugarfluga, 7.5.2007 kl. 20:27]

Guðríður .... þetta var ég.

[Guðrún Vala Elísdóttir, 7.5.2007 kl. 21:25]

djíses, hvað eru eiginlega mörg ár síðan ég sá þessa menn á skjánum, þetta var algjört sjokk fyrir mig að sjá þessar myndir hjá þér Gurrí...

[Guðríður Hrefna Haraldsdóttir, 7.5.2007 kl. 21:38]

Ó, Hugarfluga, hélt að þetta væri býflugnakóngur! Sorrí, manni getur nú skjátlast. 

Já, þeir eldast, held að Ridge sé að reyna að vera kúl með skeggið ... en hann er ögn skárri með gínuútlitið svei mér þá! 

[Óskar Helgi Helgason (IP-tala skráð) 7.5.2007 kl. 21:49]

Heil og sæl, Guðríður og aðrir skrifarar !

Þú getur ekki annað, en komið mér til að skellihlægja, algjör sérfræðingur í þessum ameríska langloku farsa. Lít hérna inn, af og til, þegar ég er að hvíla mig á stjórnmála párinu. Þú ert alveg svakaleg;; ættir að vera komin með ótal medalíur, sökum óumbeðinnar upplýsingar starfsemi, um þetta líka............................ jæja Guðríður mín, hef þetta ekki lengra núna

Með beztu kveðjum, á Skipaskagann / Óskar Helgi Helgason

[Guðný Anna Arnþórsdóttir, 7.5.2007 kl. 22:51]

Þreytan er að buga mig. Býflugur líta ekki við mér. Ég er of magnlaus til að þær nenni í mig. Ég prufaði að kalla á þyrluna en það var bara hlegið að mér. Séra hvað?

[Guðríður Hrefna Haraldsdóttir, 7.5.2007 kl. 22:59]

Farðu að lúlla, kæra Guðný Anna! Og Guðmundur, ég held áfram að njósna ...

Takk fyrir kveðjuna, Óskar Helgi, gott að þú hefur gaman að þessari bölv ... vitleysu sem Boldið er.

[Ragnheiður , 8.5.2007 kl. 08:59]

Ómæ god, hvað geta þessi hjónabönd geta farið í marga hringi...gaman að sjá þessar myndir. Ég horfði á þetta fyrir mörgum árum en hef ekki nennt því núna í einhver ár