Fimmtudeginum reddað ...

Með fádæma klókindum og dassi af góðri greind tókst mér að afstýra hússtjórnarfundi á fimmtudagskvöldið. Sagði bara eins og var ... að undankeppni Evróvisjón hæfist kl. 19. Það dugði, enda skilningsríkt og hjartahlýtt fólk í stjórn húsfélagsins.

Nokkrir pjakkar eru úti á sjó á gúmmíbáti hérna beint fyrir neðan himnaríki. Mér er meinilla við þetta þar sem þeir eru ekki í björgunarvestum. Þeir láta sig falla í sjóinn og skemmta sér konunglega. Á meðan þeir fara ekki langt frá landi þá ætla ég ekki að garga á þá ... eða hringja í löggukrúttin. Eitthvað rámar mig í að ungur maður hafi legið á vindsæng við Langasandinn hérna í denn, sofnað og rekið út á haf. Löggan bjargaði honum.

Ítreka ánægju mín með notkun laxerolíu í baðið! Ég finn varla fyrir vöðvabólgunni viðurstyggilegu!  

Athugasemdir

[www.zordis.com, 8.5.2007 kl. 20:27]

Vá, hvað það er orðið grænt grasið við hafið!  Yndislegt að sjá spegilsléttan sjóinn, sólina glenna sig upp fyrir Himnaríki!  Glæsilegt, hins vegar skil ég þig mætavel að börn eiga að vera í björgunarvestum!

[Guðný Anna Arnþórsdóttir, 8.5.2007 kl. 21:02]

Þú kallar bara í þyrluna, ef verða vandræði........

Nú ætla ég að fá mér laxerolíu líka...bíð eftir að vöðvabólguskortsröskunareinkennaaðkenningarnar verði að óljósum minningum....

[Guðríður Hrefna Haraldsdóttir, 8.5.2007 kl. 21:05]

Heheheheh, æi, dúllan mín, gerðu það. Það hjálpaði eflaust til að ég bar vænan slurk á axlirnar klukkutíma fyrir bað.

Já, Zordís, hér grænkar allt með hverjum deginum.  

[kikka (IP-tala skráð) 8.5.2007 kl. 21:15]

Honí. 

Ertu ekkert að misskilja, laxerolíu í baðið? En hvað gerir þú þá ef þú þarft að... Þú veist.. og segjum að þú sért ekki í Póllandi hjá Jónínu á leið í stólpípu. Dieselolíu kannski?

Og takk fyrir uppdeitið á Bolding, er enn að jafna mig á myndinni af Ridge. Lítur út fyrir að vera orðinn afi föður síns. Gæti hann orðið það ef Brook giftist syni sínum... þegar það kemur í ljós að þau eru ekki blóskyld. Æi, þetta er of mikið. bless krútt

[Heiða B. Heiðars, 8.5.2007 kl. 21:43]

Oh shit!! Gurrí!! Það var verið að benda mér á að ég hef steingleymt loforðinu sem ég gaf þér um daginn!!!! ÉG ER AULI!! SORRY HUNDRAÐ SINNUM!!    

Kippi þessu í lag á morgun!! Sendi þér aftur í tímann og allllllllllt

[Guðríður Hrefna Haraldsdóttir, 8.5.2007 kl. 21:45]

Love you, frú Heiða. Forvitnum skal bent á að hér er um að ræða brennivín og karlmenn!

[Hrönn Sigurðardóttir, 8.5.2007 kl. 21:56]

héddddna getur Heiða sent mér smá?

[Guðríður Hrefna Haraldsdóttir, 8.5.2007 kl. 21:58]

Kikka, þú ert blýföst í því að laxerolíu eigi að nota innvortis ... sussumsveit, hún er æðisleg útvortis (fyrir utan það að það hlýtur að vera viðbjóður að drekka þetta). Hún er talin vera bólgueyðandi og alles! Hún virkar alla vega vel á vöðvabólguna mína. Hárið er að vísu svolítið feitt ... en hva!

[Katrín Snæhólm Baldursdóttir, 8.5.2007 kl. 22:56]

Græn olívuolía er líka voða góð til að bera á kroppinn þar sem maður er með liðverki og aðra verki og leyfa henni að leka inní líkamann meðan maður sefur...

Áttu ekki einhverja góða ilmdropa til að setja útí..ekki er lyktin góð??? Gott samt að þú ert búin að finna lausn gurrí mín. Man líka eftir gömlu húsráði..að leggja hvítkálsblað við verk..kálið dregur hann í sig og svo þegar þér er batnað þá hefurðu bara kjötfars og hvíkál í matinn og það kallast toppnýting!

[Guðríður Hrefna Haraldsdóttir, 8.5.2007 kl. 23:00]

Hahhahaha, já, það þarf að nýta hlutina. Hilda systir hefur tröllatrú á ólífuolíu, reyndar líka laxerolíunni útvortis. Að sjálfsögðu er ég með góða baðbombu með laxerolíunni og ilma guðdómlega. Takk fyrir húsráðin, elskan mín!

[Einar Vignir Einarsson, 8.5.2007 kl. 23:17]

sæl Gurrý.

Það er gaman að sjá hversu þú nýtur þín að vera komin á Skagan aftur.  Kannski að maður fari að flytja aftut uppeftir hehehehe.  Vast þú lía komin langt út á sjó á vindsænginni.  Þú mættir fara í það að koma árgangnum saman aftut það er langt síðan að við komum saman.

[Guðríður Hrefna Haraldsdóttir, 8.5.2007 kl. 23:21]

Þú myndir gera margt vitlausara en að flytja hingað aftur. Það er ekkert mál að vinna í bænum og búa hér í kyrrðinni, eiginlega er það alveg frábært. Hér er svo mikill uppgangur, mikið byggt af nýjum húsum og svo er komið dásamlegt kaffihús. Eini gallinn er að kattahöturum hefur vaxið ásmegin og hafa eyðileggjandi áhrif á bæjarstjórnina en í stað þess að reyna að fækka villiköttum eru ábyrgir kattaeigendur skattlagðir, þeir sem eiga ekki skilið að eiga dýr myndu aldrei tíma að borga af þeim ... hmmm, sorrí, viðkvæmt mál. 

[Anna Ólafsdóttir Björnsson, 9.5.2007 kl. 00:19]

Mér finnst alla vega frábært að fimmtudagskvöldinu var bjargað! Og svo áttu yndislega fallega íbúð!

[Jóna Á. Gísladóttir, 9.5.2007 kl. 00:22]

Ji minn hvað þetta er fallegt útsýni sem þú hefur

[Ester Júlía, 9.5.2007 kl. 00:50]

Laxerolía ...en segðu mér, hvernig er ilmurinn? .  Úff..strákpjakkarnir ..ekki væri ég ánægð ef þetta væru synir mínir. Þetta er auðvitað ekki hættulaust.  Samt skil ég þá vel þegar ég horfi á útsýnið úr glugganum þínum, þvílíkt hvað sjórinn heillar

[Ólafur fannberg, 9.5.2007 kl. 08:09]

sjórinn heillar dýpið líka....

[Saumakonan, 9.5.2007 kl. 08:15]

innlitskvitt á miðvikudagsmorgni

[Jenný Anna Baldursdóttir, 9.5.2007 kl. 10:27]

Ég var eimitt að pæla í lyktinni Gurrí.  Hvernig lyktar Laxerolía?

[Kristín Katla Árnadóttir, 9.5.2007 kl. 10:49]

Fallegur sjórinn.

[Steingerður Steinarsdóttir, 9.5.2007 kl. 11:11]

Þér eruð snillingur kæra frú. Einn húsfélagsformaður á ekki roð í yður þegar þér þurfið að snúa hlutunum yður í hag.

[Guðríður Hrefna Haraldsdóttir, 9.5.2007 kl. 11:20]

Heheheh. Laxerolía er lyktarlaus ... þykk og sækir svaðalega mikið í hárið á manni. Setja í tagl áður en borið er á axlir.