Menning í nánd - gífurleg kosningasjónvarpstilhlökkun

9.5.2007 | 18:59

Menning í nánd - gífurleg kosningasjónvarpstilhlökkun

Laugardagurinn verður undarlegur. Ég þarf að skipuleggja hann mjög vel. Nú veit ég að ÍA mun sigra FH á laugardaginn í leiknum við hlið himnaríkis. Ég finn það á mér.

Það væri fáránlega gaman að skreppa í bæinn og sjá franska götuleikhúsið sem á örugglega eftir að vekja mikla lukku. Listahátíð er flott í ár. Ég ætla á tónleika í Laugardalshöllinni 19. maí. Goran Bregovic, stórhljómsveit og kór. Held að það verði algjör dýrð.

Loksins sýnir maður af sér smá menningarvott!

Af breddum og bjánum:
Nick kafar ofan í heita pottinn til að bjarga lífi Hope litlu (dóttur Brooke og Deacons (fyrrverandi kærasta Bridget, dóttur Brooke)) en Nick leit af henni andartak á meðan hann reifst við bjargvætt Taylor, þennan sem er skotinn í Bridget, konuefni Nicks. Á meðan þeir voru í sandkassaleik fór barnið sér að voða. Þegar hann hringdi á sjúkrabílinn komst ég að heimilisfanginu; 200 North Bessemer. Vá, hvað ég ætla þangað í pílagrímsferð einhvern daginn. Vitið þið hvar í Ameríku þetta gæti verið? Barnið lék þetta bara nokkuð vel, bara fjögurra ára gömul. Hún er í jafnvægi núna og ekkert vatn í lungunum.

Útlendingaeftirlitið gerir Forresterunum lífið leitt núna eftir að Tómas, sonur Taylor og Ridge, kvæntist Gaby. Taylor er heiðarlegur geðlæknir en laug fyrir ungu hjónin og getur lent í djúpum skít fyrir vikið. Samt bannar Taylor ungu hjónunum að stunda kynlíf sem er skrýtið því að það myndi sanna fyrir útlendingaeftirlitinu að þetta væri alvöruhjónaband. Þau langar samt ...

Flokkur: Bloggar | Facebook

Athugasemdir

Ég vona bara að þú hættir ekki þínu mikilvæga framlagi til menningarinnar hér á blogginu þe með að bolda. Þú verður að tímasetja aðra viðburði með hliðsjón af því