Simmi góður, Gurrí Skanke og kosningaloforð kvöldsins

Mikið er hann Simmi skemmtilegur þulur. Hann er hæfilega háðskur, alveg bráðfyndinn og dettur aldrei niður í hroka. Vonandi verður hann Evróvisjónþulurinn okkar um ókomin ár! Simmi er sá eini sem hafði húmor fyrir svari sem ég gaf í spurningu dagsins í DV fyrir mörgum árum. Hvaða mynd sástu síðast? Ég svaraði: „17. júní.“ (Indipendant Day) Í þeirri mynd var svo margt staðfært að það var eiginlega vandræðalegt. „Don´t call 911,“ var að sjálfsögðu þýtt: „Ekki hringja í 112“ sem dró mann í einu vetfangi úr spennandi heimi geimvera í hinn ískalda, hundleiðinlega veruleika. Hann var um tíma yfirmaður okkar Hjartar Howser á Aðalstöðinni.

Ég lofaði bloggvini, búsettum í Danmörku, að kjósa dönsku dramadrottninguna, í staðinn ætlaði hann að kjósa Ísland. Auðvitað ætti ég að kjósa hina norsku Gurrí Skanke. Hún er í eggjandi stuttu pilsi, eins og ég í leið 18 á morgnana. Þegar ég er komin úr sjónmáli við Skagavagninn svipti ég utan af mér gervipilsinu síða, drapplita, ljóta. Vil nefnilega dorma í friði í rútunni góðu við hlið Ástu minnar. Ég efni loforð mitt og kýs danska undrið!

Ungverska lagið er líka algjör dýrð. Gaman að heyra blús í þessari keppni.

Athugasemdir

[Ágúst H Bjarnason, 10.5.2007 kl. 20:58]

Ég var úti að aka í kvöld og heyri þá sagt í útvarpinu Gurrí Gurrí. Vissi ekki hvaðan á mig stóð veðrið og hugsanirnar svifu alla leið til Himnaríkis. Síðan var farið að ræða um buxnaleysi og gegnsæ pils. Hvað var eiginlega á seyði. Var ekki allt í lagi? Ég flýtti mér heim og opnaði tölvuna. Mikið var ég feginn að málið snérist bara um hana Gurrí Skánka en ekki Gurrí Skaga mær.

[Guðríður Hrefna Haraldsdóttir, 10.5.2007 kl. 21:02]

Hahhahahaha!

[Guðríður Hrefna Haraldsdóttir, 10.5.2007 kl. 21:25]

Hmmm, nei, hlustaði meira á sjónvarpið. Var að ljúka við að skrifa viðtal! 

[www.zordis.com, 10.5.2007 kl. 22:08]

Misssssssssssti af þessu, Fjallið var að horfa á VanDamme mynd og ég vissi ekki af þessu!  Það er sama og engin áhugi hérna megin haflínunnar

[Anna Ólafsdóttir Björnsson, 10.5.2007 kl. 22:09]

Ég viðurkenni að ég svaf í gegnum allt þar til ég vaknaði við ungverska blúsinn, en maður getur samt haft skoðun á þessu. En ég er auðvitað í fýlu út af þessu.

[Guðríður Hrefna Haraldsdóttir, 10.5.2007 kl. 22:55]

Ó, hvað ég er sammála síðasta ræðumanni, við verðum að láta skipta keppninni í tvennt til að eiga séns!

SVAFSTU, ANNA? Heheheh, æ, hvað þú hefur haft gott af því!

Zordís, ég veit að áhugi Íslendinga er fáránlega mikill miðað við flest Evrópulönd ... en þetta er bara svo gaman í fásinninu ... hmmmm 

[Jenný Anna Baldursdóttir, 11.5.2007 kl. 01:50]

Ungverska lagið var geggjað.  Súperlag og hvað var það að gera í Júró?

[Guðríður Hrefna Haraldsdóttir, 11.5.2007 kl. 08:16]

Kjósum Ungverjaland!!! Sendum pólskan smið eða strætóbílstjóra fyrir okkar hönd í næstu keppni ... þá græðum við stig frá austantjaldsmafíunni ... úje