Ólukkukráka!

Ætli ég sé ólukkukráka? Var ekki fyrr búin að koma mér út á svalir með nesti og nýja skó þegar FH-ingar skoruðu mark. Kannski truflaði ég einbeitingu minna manna ... strákar, þetta var óvart, ég er farin inn aftur. 

Mun leggjast í bókmenntir núna fyrst smiðirnir sluppu af svölunum.

Athugasemdir

[www.zordis.com, 12.5.2007 kl. 15:48]

Hvernig fór svo leikurinn?  Hið besta veður hjá þér og þokkaleg sýn á völlinn!  Spurning um að halda sig barasta inni  til að fipa ekki bullurnar

[Guðríður Hrefna Haraldsdóttir, 12.5.2007 kl. 15:51]

3-2 fyrir óvininn ... 10 mín. eftir ... horfi bara á Sýn!

[Eurovision, 12.5.2007 kl. 16:03]

Áfram ÍA, Dean Martin, Deno minn maður þarna ! Var hér á Akureyrinni forðum daga

[Guðríður Hrefna Haraldsdóttir, 12.5.2007 kl. 16:29]

Áfram Evróvisjón og áfram kosningasjónvarp. Þetta er feitur dagur!

[Eurovision, 12.5.2007 kl. 16:48]

Já heldur betur ! Ég er orðinn eitthvað sérkennilegu, farinn að aðhyllast gamla þjóðlagin frá írlandi og óperusöngnum frá Lettlandi. Ég kaus þó það sama og undanfarð áðan (grænt og gott) , þannig að ég er ekki alveg búinn að missa vitið !

[Katrín Snæhólm Baldursdóttir, 12.5.2007 kl. 17:14]

FH ingar eru mínir gaflarar....Eurovision fer að skella á og ég kaus ekkert....Ætla líka að hlusta á söngkeppnina sem er á undan Eurovision um val á Joseph í söngleik. Svo borðum við íslenskar lambakótilettur með hrísgrjónasalati og kúldrumst í sófanum og njótum kvölds. SVO kíkjum við á netið og horfum á íslenskt kosningasjónvarp. Hvort er betra rúv eða stöð2? Og allt þetta áður en við brunum til London í messu og hlustum á Hafdísi Huld syngja og fáum okkur svo kaffi með íslendingum í útlöndum. Bara fjör!!!

[Guðríður Hrefna Haraldsdóttir, 12.5.2007 kl. 18:00]

Vá, hvað það verður gaman hjá ykkur. Líst vel á grafíkina hjá Stöð 2, enda hitti ég útlensku tæknimennina sem halda utan um kosningasjónvarp Stöðvar 2 í matsalnum um daginn og daðraði við þá.

Það voru bara tveir taldir upp af þeim ábyggilega átta sem ég tilnefndi sem skemmtilegustu  bloggara landsins í Fréttablaðinu í dag. Ég var sko virðulegur álitsgjafi. Þessi tveir leiðinlegustu sem mér tókst að telja upp (ekki bloggvinir) voru ekki nefndir. Bara Simmi og Nanna Rögnvaldar komust á blað af mínu skemmtilegasta. Var búin að semja heilu lofræðurnar um mitt fólk og þráði heitt að fleiri en ég nyti góðs af lestri blogga þess. Svona er lífið, eintómur saltfiskur! Það var sko erfitt að velja á milli, segi ekki meira.