Óvinsældalistinn

14.5.2007 | 23:24

Þegar ég kíkti á vinsældalista Moggabloggs áðan sá ég að ég er ég komin niður í 79. sæti, þetta er sannarlega hrap af háum stalli (var í c.a. 47. sæti samkvæmt réttláta kerfinu).

Finnst það í sjálfu sér svolítill heiður að talningakerfi sjálfs Moggabloggsins máttuga hafi verið breytt bara til að halda mér niðri ... Vélstýran hrundi líka en er að ná sér á strik aftur. Það gæti tengst rósum og gleraugnaklútum sem hún gaf fólki, væntanlega ásamt bloggfangi sínu, á kjördag.

Ég neita að 1) taka þátt í mútum og skrifa eitthvað fallegt um Moggablogg, 2) skrifa um stjórnmál og komast á lista þeirra birtingarhæfu í umræðunni eða 3) daðra við þá sem stjórna þessu. Frá konu á mínum aldri er það síðastnefnda frekar hótun en hitt.

Fannberg hefur greinilega heyrt hjálparbeiðni mína yfir hafið því að nú syngur Barry Gibb í ammríska ædolinu án truflana ef maður telur ekki skjálfta og falsettuskræki með.

Flokkur: Bloggar | Facebook

Athugasemdir

Heyrðu, ég blogga um stjórnmál stundum og ég hef ENGA trú á að það afli vinsælda góða mín. Ég daðraði líka við mennina sem stjórna, mætti heim til þeirra nokkrar nætur í röð og ég dinglaði augnhárunum lítillega. Ég skrifa stórar lofgjarðir um Moggann, Matthías, Styrmi, Geir og fleiri ágæta menn og það hjálpar vissulega en ekki nóg. Ég er í subbulegu 14. eða eitthvað sollis.

Smútsj.

Jenný Anna Baldursdóttir, 14.5.2007 kl. 23:30

VÁ, VÁ, VÁ! Ætla að prófa þetta með augnhárin! Rosalega dýrka ég Moggann, Matthías, Styrmi, Geir og fleiri ágæta menn. Held samt með þér, 14. sætið minnir á Evróvisjón!

Guðríður Hrefna Haraldsdóttir, 14.5.2007 kl. 23:35

Iss ég vorkenni þér ekki neitt..hugsaðu þér mína stöðu. Úr tæplega hundraðasta sæti í niður í tvöhundruð og eitthvað á einni nóttu en heimsóknir aldrei fleiri? Bara rétt eins og ég byrjaði.

Mér er þungt um hjarta en læt mér lynda að vera óvinsæl þar til ég fer að deila krassandi kjarnakynlífssögum af vinkonum mínum. Og þar verður þú ekki undanskilin. Enda væri annað dauðadómur..hver vil ekki heyra sögur af kynlífi með stærilátum strætóbílstjórum og paranojuðum pólverjum?

Eða Syndugum svalasmiðum?

Já eða fræknum fótboltahetjum fyrir utan eldhúsgluggann?

Iss ég hef engar áhyggjur núna þegar ég er búin að finna réttu formúluna.

Ef allt bregst mun ég blogga um frjálsa framsóknarmenn sem eru frjálsir undan öllum boðorðum Guðs almáttugs

.Þeir kunna sitt fag til að tæla saklausa til fylgilags við sig