Jenný sannspá og kínverskt samband sem lofar góðu

Mikið fékk ég skemmtilegt símtal áðan frá kínverskri konu. Einstök málakunnátta mín (enska, urdu, kínverska, katalónska, swahílí, serbó-króatíska og hollenska) var óþörf, konan talaði fínustu íslensku sem er vissulega alltaf gott að æfa sig í.

Ástæða þess að hún hringdi var sú að ég held utan um greinar í opnunni með stjörnuspánni og leita sífellt að skemmtilegu efni til að fjalla um í Galdrahornið. Hún var með skemmtilega hugmynd. Ég er reyndar ansi jarðbundin og lít á þessa hluti eins og samkvæmisleiki. Í næsta blaði, sem er alveg að koma út er t.d. fjallað um áruna og liti hennar og með er aðferð til að læra að sjá árur.  

Kínverska konan veit allt um Feng Shui, kínverska stjörnuspeki og slíkt .

Hádegisfréttir: Spá Jennýjar bloggvinkonu hefur ræst. Sama stjórnin. En heimskulegt af báðum flokkum. Flest annað hefði endurspeglað vilja kjósenda. Ef minni kjósenda heldur í fjögur ár mun báðum þessum flokkum verða refsað. Það þarf að hugsa fram í tímann.

Athugasemdir

[Jenný Anna Baldursdóttir, 15.5.2007 kl. 12:43]

Bíddu, bíddu, var að hlusta á hádegisviðtalið á Stöð 2 við Þorgerði Katrínu.  Engin ný stjórn enn.  Vona svo innilega að ég verði ekki sannspá að þessu sinni.

[Guðríður Hrefna Haraldsdóttir, 15.5.2007 kl. 13:07]

Hún var ansi fín í hádegisviðtalinu ... ég er mikill aðdáandi hennar. Klár og skynsöm kona.

[Saumakonan, 15.5.2007 kl. 14:30]

innlitskvitt á bloggrúnti   úff maður þarf að fara margar síður til baka ef hægt á að vera að fylgjast með þér... hvað er í kaffinu þínu eiginlega??????

[Guðríður Hrefna Haraldsdóttir, 15.5.2007 kl. 14:38]

Þú meinar það ... úps. Kannski ætti ég að taka vitra bloggara mér til fyrirmyndar og hafa hugfast þetta með gæði fram yfir magn ... Heitir þetta ekki að vera blaðurskjóða? Í kaffinu mínu er koffín og kaffirjómi!

[Guðríður Hrefna Haraldsdóttir, 15.5.2007 kl. 15:54]

Það gæti verið hættulegt fyrir þá að halda áfram í ríkisstjórn. Sé fyrir mér heilmikil sóknarfæri hjá þeim ef þeir verja næstu fjórum árum undir feldi og koma svo tvíefldir til baka eftir að hafa verið í stjórnarandstöðu. Þekki nokkra stórfína Framsóknarmenn sem eru framsýnir. Vona að þeir hafi eitthvað að segja núna.

[Saumakonan, 15.5.2007 kl. 18:05]

LOL neiiiiii ekki breyta neinu... það er bara ÉG sem þarf að kíkja oftar!!!!

ps... kaffirjómi í kaffið???? ojjjjjjbara!!!  skemmir kaffið!!!!!!

[www.zordis.com, 15.5.2007 kl. 19:34]

Feng Shue er meiriháttar, algjör galdur!  Spennandi .... galdrar eru dásamlegir ef þeir eru hreinir

[Guðný Anna Arnþórsdóttir, 15.5.2007 kl. 21:42]

Þetta er bráðskemmtilegt. Sjeng bí tonkí hjonk. Erdesmm.