Lille svalerne tilboerne

Ekkert lát er á karlagenginu í kringum mig. Núna í dag afplánaði ég svalauppsetningu í annað sinn. Í þetta skiptið þurfti ekki að búa til gat á húsið til að komast út á svalirnar því að þær komu bara á sama stað og þessar gömlu, ónýtu. Óli sagði áður en hann fór í kvöld að svalirnar væru traustar þótt ekki væri fullgengið frá þeim. Þeir mæta aftur kl. 7 í fyrramálið karlarnir en þá verð ég væntanlega stödd í Hvalfjarðargöngunum. Ég spurði Óla hvort mér væri óhætt að bjóða nokkrum offitusjúklingum í heimsókn og biðja þá um að hoppa á svölunum ... hann varð svolítið hikandi á svipinn. Issss, öryggi hvað ...

Ellý var að hringja, hún er á leiðinni að sækja mig í grillið, ekki hægt að hanka hana á því að hún bjóði mér ekki í skanka. Hef ekki tíma til að yrkja vísu um þetta. Á eftir að finna mér sokka.

Athugasemdir

[Guðný Anna Arnþórsdóttir, 15.5.2007 kl. 21:41]

Eigi skal þig hanka, þó þú borðir skanka, alltaf dettur um sokka, er ætlar að finna smokka.

[Gunna-Polly, 15.5.2007 kl. 21:54]

hvernig voru sva skankarnir?

[Jenný Anna Baldursdóttir, 15.5.2007 kl. 22:20]

Hvernig smökkuðust skavankarnir kona? Smútsj.

[Jóna Á. Gísladóttir, 15.5.2007 kl. 22:20]

æsandi stelling sem svalamaðurinn er í. Are you gonna keep him?

[Guðríður Hrefna Haraldsdóttir, 15.5.2007 kl. 22:37]

Hhahahaha, þið eruð svo fyndnar. Auðvitað ætla ég að halda stráknum sem er næstum því í Smáralindarstellingunni. Skankarnir voru æði, komin færsla um þá og myndir. Hægt að stækka þær til að sjá skankana.