Fljúgandi aðdáandinn

Aldeilis sem strákarnir færa sig upp á skaftið og þeir gerast æ frumlegri. Nýjasti aðdáandinn gerði sér lítið fyrir áðan og daðraði við  mig á sama hátt og krummarnir sem lítill friður er fyrir. Eins gott að ákveðin manneskja á Akranesi fái ekki veður af þessu ... þá myndi hún skrifa opið bréf í Skessuhorn, senda afrit til bæjarstjórnar og ég þyrfti í kjölfarið að fara að borga af fuglunum mínum, eða rottunum, eins og hún kallar allt. Kvikindunum sem fljúga yfir garðinn hennar og trufla hana við garðyrkjustörfin og rósirnar frá því að blómstra ...

Myndin t.v.:  Vélin er fyrir miðju, aðeins til vinstri.  

Þessi nýi aðdáandi kom hér á rómantískri flugvél, rauðri að lit, sveimaði eins og breimandi fress fyrir utan gluggann minn og lenti svo niðri á Langasandi. Hann beið þar í smástund og gafst svo upp. Ég geri ekki upp á milli aðdáenda minna. Þegar krummi sest á ljósastaurana við sandinn hleyp ég ekki út, þess vegna sat ég kyrr í himnaríki og kláraði að horfa á Medium.

Flugvélin lent. Hún sést á sandinum rétt fyrir ofan fótboltastúkuna. Ef vel er gáð má greinilega sjá ástsjúkt augnaráð flugmannsins. 

Athugasemdir

[Guðríður Hrefna Haraldsdóttir, 16.5.2007 kl. 23:13]

Ævinlega velkominn, elsku Guðmundur. 

[Guðný Anna Arnþórsdóttir, 16.5.2007 kl. 23:28]

Vá, ég sá augnaráðið vel. Skil hann alveg.  Hvílíkt sólarlag. Ég horfi á það núna. Er ekki heimurinn furðulega fagur í útliti, þó innrætið sé nú eins og það er......? Eða svoleiðis. Sólarlagsfaðm yfir sjóinn - sé ljósið í tölvuherberginu þínu.

[Guðríður Hrefna Haraldsdóttir, 16.5.2007 kl. 23:34]

Fjólublátt faðmlag á móti. Ótrúleg fegurð. 

[Svava S. Steinars, 16.5.2007 kl. 23:43]

Vá, rómantíkin er að ná hámarki þarna handan við hafið !  Enginn sem sveimar hér yfir Álakvíslinni

[Hólmgeir Karlsson, 16.5.2007 kl. 23:57]

.... aa ég efast pínu, finnst skirtan sem hann er í ekki nógu kúl. Held hann sé ekki týpan þín

[Jenný Anna Baldursdóttir, 17.5.2007 kl. 00:36]

Já sammála Hólmgeir, finnst skyrtan ekki alveg vera að gera sig, augnhárin eru samt ægilöng og ef frá er skilin slikjan á augunum þá eru þau þegar grannt er skoðað svakalega djúp og falleg.

[Guðríður Hrefna Haraldsdóttir, 17.5.2007 kl. 00:38]

Augu hvað ... það er skyrtan sem kemur upp um karlinn. Takk fyrir að bjarga mér frá hjónabandi við þennan flugmann. Þið voruð á síðustu stundu.

[Heiða Þórðar, 17.5.2007 kl. 00:59]

Fallegar myndir, en ennþá fallegri af börnunum fyrir neðan

[Hrönn Sigurðardóttir, 17.5.2007 kl. 01:39]

Gurrí! Þetta var ég - ætlaði að sækja til þín bækur.......

[Katrín Snæhólm Baldursdóttir, 17.5.2007 kl. 11:02]

ótrúlegir litir...þú býrð við þann lúxus frú Guðríður að hafa alheimslistamann fyrir utan gluggan þinn sem málar þér nýja mynd mörgum sinnum á dag.

[Saumakonan, 17.5.2007 kl. 11:17]

Var skyrtan kanski óstraujuð????    Skyrtan kemur upp um manninn sagði Sævar Karl sjálfur í kosningasjónvarpinu

[Kristín Katla Árnadóttir, 17.5.2007 kl. 11:33]

Fallegar myndir frú gurrí

[bara Maja..., 17.5.2007 kl. 13:11]

Já já þetta er alveg greinilegt áreiti... gott hjá þér að halda fjarlægð... play hard to get

[SigrúnSveitó, 17.5.2007 kl. 18:51]

Sko, ég missi greinilega af ÖLLU sem gerist á sandinum *okkar*. En frétti þó alltaf af því hérna inni