Beðið eftir geispum ...

Einfalt yfirsofelsi olli þessu dularfulla strætóleysi í morgun. Ég hélt að hið sama hefði gerst núna seinnipartinn þegar ég beið eftir leið 15 við sjoppuna sem eitt sinn gekk undir nafninu Essó við Vesturlandsveg. Svo birtist þessi elska og við náðum í Mosó örfáum mínútum áður en leið 27 fór á Skagann kl. 18.30. Las Tvíburana á leiðinni og er nú alveg að verða búin með hana.

Kaffileysi ríkir í himnaríki og var til nákvæmlega nógu mikið af baunum í einn bolla. Þar sem bæjarferð er á áætlun á morgun mun þetta ekki eyðileggja helgina, onei. Svo held ég reyndar að það fáist góðar kaffibaunir í sjoppunni hérna rétt hjá.

Nú er spennandi að vita eftir svefndaginn mikla í gær ... hvenær hefjast geisparnir? Ekki það að nokkuð sé við að vera í kvöld ... sjónvarpsdagskráin viðbjóður, held ég, en góðar bækur í bunkum. Kaffileysið gæti orsakað ótímabæran svefn á föstudagskvöldi.

Svo langar mig ógurlega að horfa á Babel á DVD, skilst að það sé góð mynd, svona í anda Crash.

Er ekki bara stemmning fyrir nýrri stjórn? Mörg góð loforð sem ég ætla að haka við jafnóðum og þau verða efnd! Ef Gutti verður ráðherra eru hæg heimatökin fyrir Skagamenn að hnippa í hann. Hefði samt alveg verið til í að sjá VG í stjórn. Geta þeir ekki bara verið memm líka? Þá myndi langstærsta stjórn ever sitja. Kannski heimsmet? 

Athugasemdir

[Jenný Anna Baldursdóttir, 18.5.2007 kl. 20:28]

Who is Gutti?  Someone I know???? Sexy SOB?? Hætt að spyrja.  Það er ekki nógu gaman að sofna of snemma um helgar að mínu mati.  Um að gera að drolla smá og njóta þess að það er frídagur að morgni.  Keyptu þér meira kaffi!

[Guðríður Hrefna Haraldsdóttir, 18.5.2007 kl. 20:47]

Gutti er hann kallaður ... Guðbjartur Hannesson. Kenndi mér í viku þegar ég var í 12 ára bekk hér á Skaganum. Vinsæll hér á Skaga. 

Stefni að því að drolla soldið ... horfa á flottar skvettur við sandinn! 

[Ragnheiður , 18.5.2007 kl. 22:00]

Ég legg það í þínar færu hendur að fylgjast með kosningaloforðum.

[www.zordis.com, 18.5.2007 kl. 22:09]

Slæmt að eiga bara kaffi í einn bolla en köld eru kvennaráð!  He he he ..... guðmundur við vorum sennilega ungabörn á þessum árum!  Eða ung börn öllu heldur!

[Guðrún Vala Elísdóttir, 18.5.2007 kl. 22:54]

Gutti er bjartasta von Vestlendinga

[Guðný Anna Arnþórsdóttir, 18.5.2007 kl. 23:14]

Þetta verður ágætisstjórn, skulum við vona. Spurning núna hverjir verða ráðherra heilbrigðismála og félagsmála. Hitt er pís of keik.... Á hverja veðjið þið?

[Hrönn Sigurðardóttir, 18.5.2007 kl. 23:23]

ég segi að heilbrigðismálaráðherra komi úr sjálfstæðisflokk og félagsmála úr samfylkingu....

....hins vegar er ég spennt að vita hver verður ráðherra landbúnaðar

[Guðríður Hrefna Haraldsdóttir, 18.5.2007 kl. 23:24]

Sammála, þetta eru mikilvægustu embættin! Það er ómögulegt að segja til um hver hreppir hnossið ... það fyrrnefnda er yfirleitt ávísun á óvinsældir, nema eitthvað almennilegt sé gert fyrir fólk. Kannski Gutti?

[Guðríður Hrefna Haraldsdóttir, 18.5.2007 kl. 23:33]

Einhvers staðar las ég að Sjálfstæðismenn forðuðust alltaf heilbrigðisráðuneytið, það verður fróðlegt að sjá hvort það haldi. Sá þig ekki Hrönnslan mín, þú varst ekki komin þegar ég svaraði Guðnýju Önnu. 

[Svava S. Steinars, 18.5.2007 kl. 23:36]

Kaffileysi !  Ussussuss, verður að passa upp á svona hluti, þarft að geta hellt upp á ef leynilegir aðdáendur dúkka upp á svölunum.  Og já, er viss um að Samfylkingin situr uppi með heilbrigðisráðuneytið.  Það er ráðuneytið sem enginn vill og síst sjálfstæðismenn, því allir hafa litið illa út í þessu hlutverki.

[Vilborg Valgarðsdóttir, 19.5.2007 kl. 00:16]

Mér þætti gaman að sjá Sjálfstæðismenn taka heilbrigðisráðuneytið til tilbreytingar. Þeir hafa hingað til getað yppt öxlum og kennt Framsóknarmönnum um allt klúðrið. Það er krafa flestra sem ég þekki að þar verði tekið til hendinni, og ekkert múður takk!

[Sigga (IP-tala skráð) 19.5.2007 kl. 00:26]

Þú ert landsfræg smekkmanneskja á kaffi svo að nú langar mig að vita hvað er það albesta kaffi sem þú færð?

Ég er að fara til Kanarí eftir nokkra daga og ætla sko að taka með mér eitthvað gott kaffi.  Það er búið að opna þessa fínu búð frá Kaffitár í áningarsalnum í Leifsstöð svo að nú þarf maður ekki að láta sig hafa eitthvað soðið sull á barnum heldur fær maður sér bara alvöru nammigott kaffi meðan maður bíður eftir flugi.   

Ég á baunavél og nota mikið Expresso roma frá Te og Kaffi í hana. Finnst það gott.  Mér finnst líka Cuba Lífrænt frá Te og Kaffi gott.  Kaupi líka oft Morgundögg og Kvöldroða frá kaffitár.

 Ég er búin að kaupa mér tvíburana og ætla að taka hana með mér til Kanarí.  Ég er líka að hugsa um að taka með mér Tryggðarpantur eftir Auði Jónsdóttur.  Hefurðu lesið hana?

Guð hvað ég hlakka til :) 

[Guðríður Hrefna Haraldsdóttir, 19.5.2007 kl. 00:27]

Kerfið þolir ekki meiri sparnað ... frekar má svelta mig um önnur Hvalfjarðargöng í 20 ár ... sem ég vona að verði gert. Ég fer um þau tvisvar á dag, fjóra daga vikunnar, og lendi aldrei í mikilli umferð. Þótt það komi nú toppar af og til á sumrin. Þegar ég fór á heilsugæslustöðina um daginn og borgaði minn 700 kall voru ung hjón við hliðina á mér og tíminn þeirra kostaði 18.000! Ef þetta heitir að efla kostnaðarvitund fóks þá heiti ég Jón! 

[Guðríður Hrefna Haraldsdóttir, 19.5.2007 kl. 00:43]

Sigga, pigga. Ég hef lengi vel verið alveg sjúk í Krakatá, espressókaffi frá Kaffitári en síðast keypti ég mér nýjustu espressóblönduna þeirra sem ég man aldrei hvað heitir. Hún er ansi góð. Ég á líka nokkrar uppáhaldstegundir frá Te og kaffi, m.a. Mokka Sídamo en hef ekki prófað hana í vélina mína, bara í pressukönnuna. Finnst Morgundöggin allt í lagi en helst til of mild fyrir mig. Í erfidrykkju eftir pabba var boðið upp á Krakatá í venjulegri uppáhellingu. Gömlu frænkurnar sögu ekki Ég samhryggist, heldur gripu um handlegginn á mér og spurðu græðgislega: Hvaða guðdómlega kaffi er þetta? Hehehhe! Fæ mér alltaf latte á flugstöðinni, bara ekki sjóðandi heitt, heldur vel heitt (150°F). Hvenær ferðu til Kanarí?

Las Tryggðapant fyrir jólin og fannst hún virkilega skemmtileg.  

[Sigga (IP-tala skráð) 19.5.2007 kl. 01:06]

Takk fyrir þetta. 

Ég fer til Kanarí á sunnudaginn.....Gvuð það er ekki á morgun heldur hinn...................

Hef aldrei prófað Krakatá en kaupi það næst.  En þessi nýjasta sem þú manst ekki hvað heitir...getur það verið Marabá eða eitthvað svoleiðis?

 En í sambandi við erfidrykkjuna...HAHAHAHA   Eru erfidrykkjur ekki annars hugsaðar til að hressa uppá mannskapinn eftir jarðarförina?  Mér sýnist þér nú bara hafa tekist dável upp

[Birgitta Jónsdóttir, 19.5.2007 kl. 08:25]

Kæra frænka: bendi á að fyrsta kosningaloforðið er fallið= ISG lofaði að reyna fyrst að mynda vinstri stjórn en var á þeim tíma byrjuð að gæla við Geir. Ég lagði það á mig að horfa á flesta þessa rabbþætti við frambjóðendur (er enn að reyna að ná úr mér aulahrollinum), í öllum þessum þáttum sagði ISG þegar hún var spurð um stjórnarmynstur: Fyrst vinstri svo hægri. Kannski er hún eins og ég á bágt með að muna hvað er vinstri og hvað er hægri. Ég er með hægri vinstri lesblindu. Það hafa ekki farið fram alvarlega tilraunir til að ná saman vinstristjórn, varla hægt að meta stöðuna út frá fjölmiðlafári. Nær væri bara að setjast niður saman og tala saman á trúnó... er ekki alveg nógu hress með þetta leikrit og óheiðarleikan hjá bæði samfó og sjalló. Fyrsta og jafnframt lang mikilvægasta loforðið er fallið hjá Samfylkingunni og það þykir mér miður.

Kaffi: hafið þið prófað hið guðdómlega celebes/selebes kaffi frá Indónesíu: það er sterkt en mjúkt, ilmar ævintýrum og sætleika í jarðneskri dýrð... lol, betra frá kaffitári en te og kaffi, veit ekki af hverju.

[Doddi - Þorsteinn G. Jónsson (IP-tala skráð) 19.5.2007 kl. 11:29]

Babel er mjög góð mynd - láttu mig endilega vita hvað þér finnst um hana!

Bestu kveðjur að norðan,

                          Doddi 

[Guðríður Hrefna Haraldsdóttir, 19.5.2007 kl. 11:58]

Ó Birgitta, ég var búin að gleyma Selebes! Það er æði! Langt síðan ég hef smakkað það. Það er ögn bragðmeira frá Kaffitári.

Hahhaha, nú ertu búin að útskýra fyrir mér hvers vegna það er verið að ráðast af svo mikilli grimd á Steingrím J, að hann hafi eyðilagt möguleika vinstri stjórnar! Hahahha, nú kemur þetta allt heim og saman! Held, elsku frænka, að þú sért mun betri en ég í að fylgjast með!

Horfi á Babel, Doddi, líklega seint í kvöld eða á morgun. Læt yður veta ...