Grimmar konur, smápítsur og helv.. kóld keis

Kona í sjónvarpinu: „Konur eru svo grimmar hver við aðra, þær stela körlunum hver frá annarri ... og bla bla bla.“ Hmmm, ég gæti ekki verið meira ósammála. Ég sem kona legg metnað minn í að vera góð við konur og soldið vond við karlmenn (nema auðvitað bloggvinina). Ég neita þeim t.d. um þá hamingju sem væri í því fólgin að fá að flytja til mín í himnaríki og það er sko ekki lítið! Þeir gætu alveg staðið í biðröð fyrir utan, veit ekkert um það en nenni ekki að gá.  

Hafði algjöran letimat í kvöld, upphitaðar smápítsur með osti. Þær verða glettilega mikið betri með dassi af rjómaosti ofan á, minnir ögn á Eldsmiðjupítsurnar en lengra nær það kannski ekki. Handklæðavaktin hefur tekið helling af tíma mínum, enda hefur rignt lárétt að sunnan í dag, og einnig kíkk í flottu bækurnar hennar Áslaugar. Þær rugla mig ekki í ríminu, heldur kemst ég sífellt nær því að vita hvernig ég vil hafa baðið. Eldhúsið er nokk tilbúið í huganum. Þá er bara spurningin: Hvar hefur smiðurinn minn haldið sig síðasta hálfa mánuðinn?

Í bið minni eftir Jack Bauer, fyrrum næstum því tengdasyni Íslands, afplána ég Best of Sjálfstætt fólk. Fer ekki ofan af því að Pétur Jóhann er einn skemmtilegasti Íslendingur í heimi. Sjitt ... helv... Cold Case er á undan 24. Best að fara í bað.

Athugasemdir

[Ragnheiður , 20.5.2007 kl. 20:51]

Cold case....takk farin að glápa á það

[www.zordis.com, 20.5.2007 kl. 20:52]

Konur eiga að vera góðar við hvor aðra .... það er svo miklu skemmtilegra að vera góður við kysystur sínar!  Eiga eitt stk fjörugrjót og vera bara vond við það eða sniðugra að eiga brúðu til að tuskast í og tæta af hárið ...

[Guðríður Hrefna Haraldsdóttir, 20.5.2007 kl. 20:55]

Ég bara finn ekki hjá mér þessa þörf fyrir að kvelja konur (eða karla) ... hvað þá fjörugrjót, Zordís þó!!! Líklega er ég algjör geðluðra ...

Ja, hérna. Það er komin slydda. Svo dökkt er yfir (sést ekki til Rvíkur) að ég er á vaktinni eftir eldingum. Rosa væri það gaman.  

[Óskar Helgi Helgason (IP-tala skráð) 20.5.2007 kl. 21:14]

Heil og sæl, Guðríður og aðrir skrifarar !

Þessi Kaldi kasi (Cold case) er bara partur, af 99,98% rusl efnis; Stöðvar 2.

Var ágæt sjónvarpsstöð, árin 1987 - 1990, að mörgu leyti, en..... þegar þessir Baugs stjórnendur stöðvarinnar, gjöra ráð fyrir, með sýningum álitlegra kvikmynda, löngu upp úr lágnætti; framundir óttu (um kl. 03:00), að næturþeli; og ætlast til, að Íslendingar séu, að uppistöðu nátthrafnar, ja þá er stungin tólgin; Guðríður mín. Þökkum fyrir, að hafa þó gamla góða Ríkissjónvarpið, til mótvægis,, þessarri 1/2 amerísku ruslstöð. 

Með beztu kveðjum, á Skipaskaga / Óskar Helgi Helgason

[Jenný Anna Baldursdóttir, 20.5.2007 kl. 21:55]

Eins gott að vera góður við konur.  Það er allt vaðandi í konum í kringum mig.  Meira segja mamma mín er kona og allar systur mínar líka.

[Brynja Hjaltadóttir, 20.5.2007 kl. 22:09]

Ég hef aldrei komist nær því að deyja en þegar ég var að borða svona smápizzu einu sinni. Agnarlítll skinkubiti festist svo í hálsinum á mér að ég var næstum köfnuð. Missti röddina í sólarhring og var alveg logandi hrædd. Og helaum milli herðablaðana þar sem eiginmaðurinn dúndraði af miklum krafti með flötum lófa til að losa bitann. Síðan þá hafa litlar pizzur með skinkubitum frá helvíti ekki farið inn fyrir mínar varir..

[Guðríður Hrefna Haraldsdóttir, 20.5.2007 kl. 22:19]

Sjúkkk, þessar voru bara með osti, enda finnst mér þær langbestar. Nú mun ég passa mig á svona skinkubitum. 

Jenný, fyndin tilviljun, mamma mín og systur mínar líka!

[Ólafur fannberg, 20.5.2007 kl. 22:26]

pitsa nammi namm þó í hófi.

[Hrönn Sigurðardóttir, 20.5.2007 kl. 22:38]

Nei! Sniðugt !! Mamma mín og systur eru líka konur!! Og pabbi elst(ur)

[Jóna Á. Gísladóttir, 20.5.2007 kl. 23:56]

Voðalega er þessi Óskar eitthvað æstur...

[Óskar Helgi Helgason (IP-tala skráð) 21.5.2007 kl. 00:13]

Jóna ! Er alls ekki æstur, miklu fremur raunsær; sjáðu þessar tugi þúsunda, á ársgrundvelli, sem fara í þessa andskotans stöð, Jóna mín, ekki sízt þegar áhorf liggur kannski í 15 - 20%, á hv. heimili.

Mátti til, að koma þessu að. Mbk. / Óskar Helgi Helgason

[Guðríður Hrefna Haraldsdóttir, 21.5.2007 kl. 00:18]

Hann Óskar feitletrar athugasemdirnar sínar, þá er eins og hann tali hátt. Þeir sem skrifa t.d. með hástöfum fá skammir fyrir að öskra. Fannberg er líka hávær, þessi elska. 

[Hrönn Sigurðardóttir, 21.5.2007 kl. 00:19]

[Guðrún Jóhannesdóttir, 21.5.2007 kl. 14:12]

maður ræður svo sem hvort maður kaupir áskrift að STÖÐ2 !     eða er það ekki ? hún er að m.k. ekki hjá mér :´(  ríkisrekna draslið (hehehe)  er bara ekkert skárra, því miður.

Ekki að ég hafi mikið til málanna að leggja horfi helst ekki á sjónvarp =))

Já konur ! allar mínar systur vinkonur og frænkur eru jú konur, vinir mínir sumir hverjir nærri því líka hehehehehe 

[Guðný Anna Arnþórsdóttir, 21.5.2007 kl. 22:27]

ELSKURNAR MÍNAR, HVAÐA ÆSINGUR ER ÞETTA

[Guðríður Hrefna Haraldsdóttir, 21.5.2007 kl. 23:23]

Það er bara öskrað á mann ....