Tommi snýr aftur og fleiri sögur

Frétti í strætó í morgun að elskan hann Tommi kemur aftur sem einkabílstjóri á milli Skaga og höfuðborgarinnar. Ásta, virðulega gift kona, hélt varla vatni af hamingju yfir þessu ... sem segir ýmislegt um Tomma. Ja, ég hlakka líka til. Magga mágkona, systir hans, getur líka glaðst, enn er von, hugsar hún ... en hún veit líklega ekki hvað ég er óforbetranleg piparjúnka. Annars gæti verið gott að eiga sér athvarf niðri í bæ og geta hlaupið í kaffihúsið eða til Nínu á innan við mínútu ... Tommi býr sko í miðbænum, öllu heldur í Lesbókinni (Morgunblaðshöll okkar Skagamanna). Annars hef ég alltaf sagt um strætóbílstjóra að maður eigi helst ekki að leggja lag sitt við þá þótt þeir séu sætir. Alveg trúi ég þeim til að eiga kærustu á hverri stoppistöð!

Það var ansi kalt í morgun, eða öllu heldur kuldalegt. Hvítt yfir að líta á Kjalarnesinu og líka í Reykjavík. Það var ekki hvít jörð á Skaganum, enda frýs aldrei nálægt himnaríki, frekar en í helvíti, en það er önnur saga.

Hef verið starfandi ritstjóri frá sl. föstudegi og verð það til hádegis á morgun. Mikið stress að klára allt og mjög gaman. Ákvað að breyta Vikunni algjörlega á meðan ritstjórinn skemmtir sér í Kanada. Nú verða bara greinar um ketti og kaffi ... múahahahahahah!

Athugasemdir

[Ingibjörg Gunnarsdóttir, 21.5.2007 kl. 11:25]

Auðvitað notar þú þinn ritstjórnarlega rétt til að breyta blaðinu.....

[Guðríður Hrefna Haraldsdóttir, 21.5.2007 kl. 11:33]

Múahahahha ... auðvitað. Fólk hlýtur að hafa gaman af kaffi- og kattasögum, eins og ég. Dæmi úr næsta tölublaði: Lífsreynsla kattar af Kjalarnesinu. Kaffi er allra meina bót. Kaffi ER gott fyrir svefninn. Þrílitir kettir taldir grimmari. Kaffi við minnisleysi. Köttur kemst í hann krappan í Þingholtunum. Bröndóttir kettir skapbestir.

[Guðríður Hrefna Haraldsdóttir, 21.5.2007 kl. 12:15]

Orðið bloggari byrjar ekki á bókstafnum K. Ekki nema ég tali um þá sem Kraftbloggara, þá væri hægt að setja þá inn í blaðið. Auðvitað. Fyrsta greinin verður um þig, Anna karftbloggari!!!

[Guðríður Hrefna Haraldsdóttir, 21.5.2007 kl. 12:46]

Svalalyftan er horfin. Þeir urðu skíthræddir þegar þeir sáu skrifin þín um auðvelt aðgengi í himnaríki og lokuðu snarlega á alla aðdáendur. Veit ekki hvort ég á að vera pirruð eða bara þakklát.

Þú ert sko velkominn og færð guðdómlegt kaffi.

[Guðrún Jóhannesdóttir, 21.5.2007 kl. 14:15]

það verður gaman að komast yfir eitt eintak af K-vikunni :)

[Doddi - Þorsteinn G. Jónsson (IP-tala skráð) 21.5.2007 kl. 14:36]

En hvað um "Doddahorn að norðan" sem reglulegur þáttur í Vikunni? Æsispennandi fréttir úr heimi bókasafnslífsins á Akureyri .... wooooo!

[Steinunn Helga Sigurðardóttir, 21.5.2007 kl. 16:15]

ég man eftir honum bjössa rútubílstjóra, hann hafði víst margar konur, í hinum og þessum bæjum, gæti verið kjaftasaga, þar voru líka margar svoleiðis.

Ljós til þín frá mér.

steina 

[Magga (IP-tala skráð) 21.5.2007 kl. 18:51]

HA ? er hann hættur í olíuni .....nú er ég hissa ... Já ég held enn í vonina ....

Hrikalega er erfitt að kommernta í þetta moggablogg...en ég les sko enn tvisvar á  dag ..auðvitað í tveimur tölfum til að þú faír IP tölurnar

Kveðja

Magga mákona

[www.zordis.com, 21.5.2007 kl. 19:00]

Greinilegt að ekki mun skorta umfjöllun þegar Gurrí er við völd!  "mjáu"  Stjóri er reffilegt nafn, gangi þér vel með blaðið!

[Kristín Katla Árnadóttir, 21.5.2007 kl. 19:25]

Já Gurrí mín eigðu gott frí og það er gott að Tommi er kominn aftur.

[Svava S. Steinars, 21.5.2007 kl. 19:52]

Þú tekur auðvitað forsíðuviðtal við kynæsandi heilbrigðisfulltrúa sem er að passa ketti.  Myndir af mér á gæruskinni inni í blaðinu.  Haldandi á kaffipakka

[Guðríður Hrefna Haraldsdóttir, 21.5.2007 kl. 21:01]

Ég er með nóg efni í mörg, mörg blöð ... forsíðuviðtöl við bloggvinina, þvílík snilld! 

[Jenný Anna Baldursdóttir, 21.5.2007 kl. 21:34]

Ég t.d. hef marga fjöruna "sopið" og því gott viðfangsefni.  Síminn er...segi sonna!