Hálfgerð stjórnmála- og fótboltafærsla, sorrí

"Rosalega væri fyndið ef þau byrjuðu að vera saman," sagði samstarfsmaður minn úr umbrotsdeildinni núna í hádeginu. Áður hafði hann lýst yfir velþóknun sinni á meintu kossaflensi Geirs og Ingibjargar. Við leyfðum honum að skemmta sér, lítið er ungs manns gaman ...  en hver stenst svo sem brosið hans Geirs? Ekki ég.

Ég og eiginmaður Ingibjargar hittumst stundum í strætó á morgnana og hann hleypir mér alltaf inn í húsið bakdyramegin, þessi elska, hann með lykilkort en ég ekki. Geir er vel giftur líka, er meira að segja mágur Gauja Þórðar, þess mæta manns. Sem minnir mig á að Skagamenn töpuðu leiknum í gær. Allt í lagi, við ætlum samt að rústa deildinni. Bíðið bara!

Vona að það komi góð stjórn út úr þessu. Bíð spennt eftir úthlutun ráðuneyta.

Athugasemdir

[Jenný Anna Baldursdóttir, 22.5.2007 kl. 13:26]

ROFL

[Guðríður Hrefna Haraldsdóttir, 22.5.2007 kl. 14:36]

[Ólafur fannberg, 22.5.2007 kl. 14:38]

[Brynjar Svansson, 22.5.2007 kl. 16:33]

Jæja ég er bara svo forvitinn og þú verður að svara mér, hvaða ár ertu að tala um að rústa deildinni bara svo að þú vitir það þá fer titillinn upp í skáp að Hlíðarenda þetta árið yes.

[Guðný Anna Arnþórsdóttir, 22.5.2007 kl. 17:32]

Ingjbörg utanríkis-, Jóhanna Sig félags-, Össur heilbrigðs- ......... hvað heldur þú?

[Hrönn Sigurðardóttir, 22.5.2007 kl. 18:32]

Össur heilbrigðis? Haldiði það?

Sé það ekki alveg fyrir mér.......

[Guðríður Hrefna Haraldsdóttir, 22.5.2007 kl. 18:46]

Hmmm, frændi, ég yrði ekkert rosalega ósátt við að bikarinn færi í Hlíðarenda ef við náum honum ekki.

Ætli við fáum ráðherralistann í kvöld? Eða í fyrramálið. Ég bíð spennt. Sjaldan verið spenntari. Össur gæti alveg orðið góður heilbrigðisráðherra, held ég.