Undarlegt minnisleysi

Hef stært mig af afburðagóðu minni í gegnum tíðina, mundi t.d. öll símanúmer sem ég þurfti og þurfti ekki, alla vega þar til ég fór að setja þau í gemsann minn. Já, og flestöll póstnúmer landsins síðan ég vann við að senda út reikninga á níunda áratugnum.

Núna áðan ætlaði ég að borga reikning iðnaðarmanns í gegnum heimabankann en ég nota enn upphaflegu leyniorðin sem einhvern veginn festust í minninu. Nú hef ég ekki farið þangað inn lengi vel. Eftir að hafa tvisvar fengið aðvörun frá stjórnborði heimabankans þori ég ekki að reyna meira. Arg! Yfirleitt er þetta blanda af bókstöfum og tölustöfum, eitthvað fáránlega flókið en samt minnisstætt ... þannig!

Leyniorð til að muna:
- Tölvan í vinnunni, 6 stafir
- Hurð í vinnunni, 4 stafir
- Moggablogg, 7 stafir
- Blogcentral, 8 stafir
- Tickle.com, 8 stafir
- Debetkortið, 4 stafir
- Visakotið, (man ekki)
- Heimabankinn, 14 stafir

... og eflaust fleira 

Athugasemdir

[Guðríður Hrefna Haraldsdóttir, 23.5.2007 kl. 15:27]

Ég er í skránni, elskan mín, nöfnur mínar eru allar hjúkkur eða sálfræðingar, held ég. Sú eina á Skaganum með þessu nafni, held ég.

Um leið og ég var búin að létta þessu af mér með að hafa gleymt lykilorðum í heimabankann ... mundi ég! Búin að borga iðnaðarmanninum mínum!  

[Steinunn Helga Sigurðardóttir, 23.5.2007 kl. 15:39]

halló, þú ert flott !!!

Ljós til þín frá mér

steina

[Jenný Anna Baldursdóttir, 23.5.2007 kl. 15:43]

Sko nú ertu búin að gefa upp stafafjölda.  Svo koma "hakkararnir" og vinna úr upplýsingunum.  Muhahahahahahaha

[Guðríður Hrefna Haraldsdóttir, 23.5.2007 kl. 15:54]

Úps, ég fattaði þetta ekki. Þeir verða fljótir að finna út úr þessu, svona milljón ár eða svo ... heheheh!

[Gerða Kristjáns, 23.5.2007 kl. 16:15]

Þetta er slatti af tölum og númerum sem maður þarf að muna til að fúnkera í daglegu lífi.......með örgjörvunum í kortunum núna þarf maður að muna pin númerið og nota það í stað undirskriftar.....eins gott að vera með það á hreinu

[Katrín Snæhólm Baldursdóttir, 23.5.2007 kl. 17:20]

Bara að látas þig vita af því að þú ert nú komin í sumarfrí dúllan mínað ég er komin með mund eftir daginn á ströndinni. Bringan og nefið eldrautt...en hjá þér???

Sendi þér nokkur kíló af sól darlingið mitt...getur sett þau á báðar svalirnar Þínar og grillað..ok?

[Guðríður Hrefna Haraldsdóttir, 23.5.2007 kl. 17:37]

Ég fór út á svalir í smástund og vá, gott veður.  Sá eftir smástund að fæturnir urðu svartir af sólinni en þegar ég kíkti aftur tók ég eftir að þetta voru sokkabuxurnar, meira að segja þykku, svörtu vetrarsokkabuxurnar mínar. Ekkert skrýtið þótt mér hafi ekki verið kalt! 

[Katrín Snæhólm Baldursdóttir, 23.5.2007 kl. 18:02]

lol. Áttu nóg af geitungum fyrir sumarið???

[Guðríður Hrefna Haraldsdóttir, 23.5.2007 kl. 18:04]

Æ, litlu krúttin hafa ekki farið vel út úr frostinu síðustu dagana.

[Jenný Anna Baldursdóttir, 24.5.2007 kl. 00:38]

Heldurðu Gurrí að sóbíin hafi frosið í hel? Hahaha, lalalala

[Guðríður Hrefna Haraldsdóttir, 24.5.2007 kl. 00:44]

Æ, æ, vonandi ekki. Geitungar halda mér á sífelldri hreyfingu á sumrin og spara mér rándýr líkamsræktarkort. Erlingur skordýrafræðingur, sem er með ofnæmi fyrir býflugnastungum, kom einu sinni í viðtal við mig. Mér fannst hann allt of jákvæður gagnvart þessum skordýrum, hreinlega talaði vel um þau. Hann ráðlagði mér ... sorrí, ég meina hlustendum sem þyldu ekki þessar krúttlegu þyrlur með stingusverð að flytja út á Seltjarnarnes eða á Suðurnesin. Kvikindin þyldu illa sjávarloft. Hafði ekki efni á Seltjarnarnesi og flutti á Skagann ... NÆSTUM OFAN Í SJÓINN til að sleppa. Samt kom ein býflugnadrottning inn í fyrra, svo RISASTÓR að kettirnir flúðu ... og ég ... og erfðaprinsinn ... Hef bara séð eina svona hunangsdúllu á öllu Akranesi, þær eru sætar en ekki heima hjá mér! Úps, ég er farin að blogga á kommentakerfinu mínu!