Dýrlingar sjúkra og flottur Stormsker

25.5.2007 | 14:32

Dýrlingar sjúkra og flottur Stormsker

Muna ekki allir eftir kraftaverkunum í Lourdes sem gerðust fyrir einni og hálfri öld? Ég man eftir mynd um þau í sjónvarpinu þegar ég var mjög lítil og sjónvarpið sýndi annað og meira en glæpónamyndir og annan óbjóð.
Bernadetta litla, elst sex systkina í bláfátækri fjölskyldu, fékk nokkrar heimsóknir frá heilagri guðsmóður og nunnur í grenndinni tóku hana að sér í kjölfarið. Þær kenndu henni að lesa og skrifa. Lindin við Lourdes, þar sem guðsmóðir birtist Bernadettu, hefur laðað yfir 200 milljón manns til sín, enda er hún talin búa yfir lækningamætti. Bernadetta er einn af fjölmörgum verndardýrlingum sjúkra. Dagarnir hennar eru 16. apríl og 18. febrúar.

Rafael erkiengill er einnig dýrlingur sjúkra og þeirra sem eru blindir eða sjónskertir. Hann er verndarengill geðveikra, hamingjuríkra samvista, ástar, hjúkrunarfólks, ferðalanga, ungs fólks, apótekara, fjárhirða (ekki bankafólks), gegn martröðum. Dagarnir hans eru 29. september og 24. október.

Vona að Guðmundur sé ánægður með þetta ...

Er að hlusta á plötu Stormskers, There is only one, hún er bara ansi flott.

„Var þetta að jaðra við mannfyrirlitningu?“ spurði Sigmundur Ernir í hádegisviðtalinu. Þýðing: „Jaðraði þetta við mannfyrirlitningu?“
Þarf ekki að fara að texta íslenskt sjónvarpsefni ?

Flokkur: Bloggar | Facebook

Athugasemdir

já "var þetta að jaðra við mannfyrirlitningu" Ég á bara ekki orð sammmála TEXTUM íslenska efnið og þá ekki bara fyrir heyrnarskerta ! kannski mætti tala um að "þýða" efnið

verst hvernig fór með bílinn góða ;)

Guðrún Jóhannesdóttir, 25.5.2007 kl. 15:12

Já, synd með Benzinn. Mig langaði svo í bíl ... hehehhe!

Guðríður Hrefna Haraldsdóttir, 25.5.2007 kl. 15:16

Bara ein spurning Gurrí...er Stormsker á lausu??' Hann hefði nú gott af dvöl í himnríki skrattinn sá arna..hehe.

Djók....Ég spilaði nú oft lög með honum..Horfðu á björtu hliðarnar..en hann hefur aldrei kysst mig. Svo það er eitthvað meira þarna á bak við..þarna á milli ykkar meina ég!

Katrín Snæhólm Baldursdóttir, 25.5.2007 kl. 15:16

Hann er ekki ljóshærður. Anna frænka sagði að ég myndi giftast ljóshærðum manni með ættarnafn! Held að Stormsker sé heimilisfastur í Kína. Hann sagði mér alla vega að hann vætlaði að selja sjávarhöllina sína á Suðurnesjum. Við gætum annars horfst í augu yfir hafið, bæði með stjörnukíki! Hann sungið AH BÚ þegar hann segði mér upp ... vá, þvílík rómantík sem þú þyrlaðir upp í huga mínum, Katrín krútt.

Guðríður Hrefna Haraldsdóttir, 25.5.2007 kl. 15:19