Endurkoma Tomma, drottning í sumarleyfi og bold of the day

„Hvar er drottningin?“ spurði Tommi bílstjóri í morgun þegar Ásta steig upp í strætó.
„Hún tekur ekki strætó lengur fyrst þú hættir,“ svaraði Ásta að bragði. „Það gæti breyst fyrst þú ert kominn aftur.“

Alltaf fljót að hugsa hún Ásta og hikar ekki við að ýkja og ljúga. Góður umboðsmaður. Já, elskan hann Tommi gleður nú hjörtu okkar farþeganna í Skagastrætó.

Annars gisti ég hjá Hildu sl. nótt og skrapp með henni á Hellu þar sem hún verður með sumarbúðirnar. Þetta verður alveg frábært, þvílík sundlaug og íþróttahús þarna og mikill spenningur hjá öllum að byrja. Held að ég muni mæta þarna um hverja helgi í sumar til að dekra við ormana og hjálpa til á skrifstofunni. Hver nennir til Kanarí þegar Hella er í boði?

Horfði á boldið til að standa mig í stykkinu, hef verið svikul við bloggvini sem hafa treyst á mig. Mun ekki taka sumarfrí aftur. Ég held reyndar að Ridge endi með Bridget, þau eru ekki lengur systkini eftir að í ljós kom að Ridge er ekki blóðsonur Erics og líka eftir að Taylor lifnaði við þá er hann ekki lengur stjúpfaðir Bridget þar sem hjónaband hans og Brooke var ólöglegt. Það skiptir kannski engu mál.

Bridget segist vera búin að fara í fóstureyðingu og Nick er alveg í rusli (sjá mynd af Nick vinstra megin). Þau rífast á klettum fyrir ofan ólgandi brim. Mig grunar að Bridget ætli að fleygja sér niður af klettunum nema hún ætli að dansa þar til að gleyma. Dante, bjargvættur Taylor, segir við Taylor í símann að þetta allt sé orðið of seint. Hvað á hann við? Svona er að missa úr.  

Stefanía er með byssu og býr sig undir að skjóta Brooke eða hvað? Stefanía réttir Brooke byssuna og segir henni að gera það sem sæmir. Brooke miðar þá á Stefaníu sem heldur áfram að hvetja hana. „Skjóttu mig bara fyrst þú hefur ekki kjark til að skjóta sjálfa þig,“ segir Stefanía. „Þú verður ekki tekin af lífi hér í Kaliforníu, heldur lokuð inni ævilangt. Þá fá Nick og Bridget frið með barninu sínu.“ Brooke skýtur Stefaníu en hittir ekki.  
Þetta er farið að minna á spennuna í Skagastrætó á morgnana!

Blogg þetta var listilega bloggað á PC-tölvu.    

Athugasemdir

[Vilborg Valgarðsdóttir, 29.5.2007 kl. 19:31]

Takk Gurrí, ég er reyndar alveg lost í bold-söguþræðinum, hef ekki fylgst með í háa herrans tíð. En þetta virðist bara vera að leiðast út í glæpi og fínerí

[Guðríður Hrefna Haraldsdóttir, 29.5.2007 kl. 19:36]

Það liggur við að ég þurfi ekki að pína mig lengur til að horfa ... hehhehe

[Guðríður Hrefna Haraldsdóttir, 29.5.2007 kl. 19:39]

djók

[Sigríður Jósefsdóttir, 29.5.2007 kl. 21:33]

Sé þig á morgun

[Hrönn Sigurðardóttir, 29.5.2007 kl. 21:47]

....þetta er ekkert flókið.....

[Gurry Fan (IP-tala skráð) 29.5.2007 kl. 22:50]

Kastljóssdrottningin Jóhanna Vilhjálmsdóttir og sambýlismaður hennar, handboltahetjan og skólastjórinn Geir Sveinsson, eignuðust strák síðastliðinn föstudag. Bæði móður og barni heilsast afar vel en þetta var fyrsta barn þeirra skötuhjúa saman. Fyrir á Jóhanna þrettán ára gamla stúlku og Geir fimmtán ára gamlan dreng. Auk þess eiga þau eina fósturdóttur sem er á fimmta ári.

[Kristín Katla Árnadóttir, 29.5.2007 kl. 23:01]

Það er gott að þú ert farin að horfa á boldið mikil dramantík  Gurrí mín Ha he

[Guðríður Hrefna Haraldsdóttir, 29.5.2007 kl. 23:04]

Er Jóhanna búin að eiga? Vá, völva Vikunnar spáði henni strák!!! Jess, æðislegt. Sendi þeim hamingjuóskir í gegnum Netið. Jóhanna er kúl! Takk fyrir fréttirnar!

Já, Katla, þetta er sko dramatík þarna fyrir westan! Hahhahahaha

[www.zordis.com, 29.5.2007 kl. 23:10]

Hver vill Kanarý zegar Hella er í bodi .... segi zad med zér, stutt á Selfoss og Hvolsvöll og og og !