Tilbúin fyrir fjallageiturnar

Áður en við Hilda fórum austur í gær URÐUM við að fá kaffi til að ylja okkur á leiðinni .. í sólinni (sem er horfin). Ókum sem leið lá í Kaffitár í Bankastræti en þar er alltaf opnað kl. 7.30. Keyptum morgunmat í leiðinni. Mæli innilega með flatbökuloku með hummusi, salatblaði, papriku, kóríander og spínati! Svakalega var það gott.

Pantaði svoleiðis hráefni í Einarsbúð áðan og ætla að bjóða fjallageitunum mínum upp á með keyptum kleinum og köku sem Einarsbúð velur. Maður þarf ekki að baka eða bardúsa þegar Einarsbúð er til og sér um þetta fyrir mann.

Nú er best að klæða sig, það virkar mjög illa á sendlana þegar ég kem fáklædd til dyra. Ekki að ég myndi nokkurn tíma gera það sko ... Þeir hlaupa alltaf argandi niður stigana og missa kassann með vörunum. Eða það myndi örugglega gerast ef ég gerði það sem ég myndi aldrei gera sem siðprúð og vel uppalin dama.

Get ekki sett inn mynd af flatkökum, einhver bilun hjá Moggabloggi ...  

Athugasemdir

[Sigga (IP-tala skráð) 30.5.2007 kl. 15:47]

Hvað er að því að vera í sexí bikiní með þunnan sarong um mittið þegar sendlarnir koma?  Varla hlaupa þeir argandi niður stigana þá?

[Guðríður Hrefna Haraldsdóttir, 30.5.2007 kl. 15:58]

Jú, þeir hlau ... myndu hlaupa við hvað sem er, held ég. Kunna ekki að meta kvenlega fegurð í öllu sínu veldi ... eða þannig. Ekki það að ég hafi prófað það. Ég bíð núna í Max-gallanum mínum að drepast úr hita en ekki vil ég fæla þá frá. Fjallageiturnar koma fyrr en ég hélt, þær eru á leiðinni niður fjallið. Anna var að hringja. 

[Eva Þorsteinsdóttir, 30.5.2007 kl. 16:15]

Ég var í sturtu um daginn þegar einn sendill kom, henti utan um mig slopp og hljóp rennandi blaut til dyra....... greyið strákurinn roðnaði eins og rós og lagði frá sér sendinguna í stigann eins og ég væri með smitsjúkdóm ;)

[Jenný Anna Baldursdóttir, 30.5.2007 kl. 16:32]

Já og það er ekki tilviljun Gurrí mín að þeir ferðist í flokkum sendlarnir í Einarsbúð.  Rosalega hljómar flatbakan grinlega, þrátt fyrir að vera ógeðis holl.

[Guðríður Hrefna Haraldsdóttir, 30.5.2007 kl. 16:53]

Bæði holl og góð ... frekar sjaldgæf samsetning, reyndar ekki flatBAKA, heldur flatKAKA. Mig grunar að fjallageiturnar séu að þessu brölti sínu í megrunarskyni, ekki til að njóta útsýnisins. Því þori ég ekki að bera eintómar hnallþórur á borð fyrir þær. Ætla samt að strá ósýnilegum, dulbúnum sykri yfir þetta allt saman af öfundinni einni saman. Múahahhahaha ...

[Andrés.si, 30.5.2007 kl. 17:17]

Ég veðja á súrkál frekkar.  Maður veit aldrei hverjir eru með fuglaflensu.

[Guðríður Hrefna Haraldsdóttir, 30.5.2007 kl. 17:24]

Svona er skelfilegt þegar maður getur ekki sett inn myndir. FlatBÖKUR eru kannski fínar ... en ég er bara að tala um íslenskar flatKÖKUR!!! Hehehhehehe. Engar pítsur hér í dag. 

[Hildigunnur Rúnarsdóttir, 30.5.2007 kl. 20:20]

ég fékk mér einmitt svona flatKÖKU um daginn, á Kaffitári. Misreiknaði mig á ferska kóríanderinu *hrollur*

en það er nú bara ég. Þetta var ógurlega gott þegar ég hafði plokkað arsenikið í burtu...

[Guðríður Hrefna Haraldsdóttir, 30.5.2007 kl. 20:30]

Úps ... ég elska kóríander! Verst að það var ekki til hummus í Einarsbúð en þetta var samt rosalega gott.

[Hildigunnur Rúnarsdóttir, 31.5.2007 kl. 08:47]

jámm, annað hvort dýrkar fólk kóríander eða þá því finnst hann ógeðslegur. Ég er í seinna hollinu og hálfskammaðist mín fyrir gikksháttinn þar til plöntufræðingur vinur minn sagði að þetta sé genetískt, kóríander er skyldur lífrænu arseniki (algerlega óeitraður samt) og sumir finna bragðið af því en aðrir ekki. Þetta á bara við um ferskan, allt í lagi með kórianderkryddið, enda allt annað bragð af því.

Ég segi alltaf að fólk sé að eitra fyrir mér, þegar ég fæ falinn ferskan kóríander inni í einhverjum rétti. :D