Bjartsýnar af fjallinu ...

Þær mættu skvísunar af fjallinu, illa lyktandi (að eigin sögn) og örmagna eftir fjallgönguna. Önnur alveg í spreng og fleygði köttunum til hliðar til að komast inn á gullsalerni himnaríkis. Svo lögðu þær til að ég kæmi með í næstu göngu. Bjartsýnar.
Þar sem ég hafði varið öllum deginum í að baka flatkökur, kleinur og randalínu var ég voða sátt við hvað þær röðuðu í sig af veisluborðinu. Megrun hvað!
Smámisskilningur úr Einarsbúð. Ég pantaði hálft brauð en sá á miðanum að stúlkan hafði skrifað „hollt“ brauð. Fékk hollan brauðhlunk sem ég gaf annarri fjallageitinni. Hún gleymdi honum á borðinu. Ellý kemur í kvöld og þá reyni ég að þröngva brauðinu upp á hana.
Reyndi af alefli að fylgjast með boldinu þrátt fyrir gestakomu og sá að Bridget er enn ólétt, hún var bara að plata Nick sem rústaði einhverju herbergi. Fjallageiturnar voru skemmtilegri. Þeim fannst Brooke vera algjört beib. (tengdasonatálkvendið)

Athugasemdir

[Sigríður Jósefsdóttir, 30.5.2007 kl. 20:16]

Ég mundi eftir brauðinu þegar við vorum komnar langleiðina niður undir göng.  Það var ekki nokkur leið til að fá Önnu til að snúa við.  Veit ekki hvort hún hélt að Ómar myndi ekki taka við mér aftur ef hún skilaði mér svona seint heim ().  Bæklingurinn er mættur í póstkassann.  Bestu kveðjur,

[Guðríður Hrefna Haraldsdóttir, 30.5.2007 kl. 20:18]

Takk elskan og takk fyrir komuna. Það var mjög notalegt að fá ykkur í kaffi. Ellý vinkona græðir bara brauðið, enda á hún fullt hús af börnum. 

[Guðríður Hrefna Haraldsdóttir, 30.5.2007 kl. 23:01]

Jú, örugglega ... er ekki búið að spá frosti í helvíti? (fliss)

[Jenný Anna Baldursdóttir, 30.5.2007 kl. 23:26]

Asskoti glæsilegar veitingar hjá þér, er þetta jóladúkur á borðinu?

[Guðríður Hrefna Haraldsdóttir, 30.5.2007 kl. 23:28]

Neibbs, borðið sjálft er rautt, svona gamaldags, ammrískt.

[Guðríður Hrefna Haraldsdóttir, 30.5.2007 kl. 23:53]

Ég er búin að setja upp jólaseríurnar í himnaríki eftir þetta jólatal ... umm, hvað ég hlakka til jólanna. Reyni að afplána sumarkvikindið, hausthelvítið og þá fer þetta að styttast! 

[Doddi - Þorsteinn G. Jónsson (IP-tala skráð) 30.5.2007 kl. 23:53]

Ég verð soldið svangur af því að sjá þessa mynd ... stundum er leiðin að hjartanu mínu í gegnum magann ... þannig að ég sendi þér !!

Hlýjar kveðjur frá Akureyrinni!

[Guðríður Hrefna Haraldsdóttir, 30.5.2007 kl. 23:57]

Þú kemur bara við í kaffi, Doddi minn, í næstu ferð í bæinn. Láttu mig vita áður, ég yrði eyðilögð ef ég væri bara úti í búð og rétt ókomin heim. Sjóðheitar kveðjur af Skaganum (varð að toppa þessar hlýju ...)

[Saumakonan, 30.5.2007 kl. 23:58]

jammí flatkökur!!!

Arg Gurrí... fékk póst aftur í hausinn þegar ég reyndi að senda... segir að pósthólfið þitt sé fullt!?

[Guðríður Hrefna Haraldsdóttir, 31.5.2007 kl. 00:02]

Ohhhh, ég er að verða brjáluð á þessu pósthólfi. Verð að fara að hringja í Vodafon. Góði, yndislegi maðurinn sem svaraði kvarttölvupóstinum mínum sagði mér að hringja hvenær sem er og fá leiðbeiningar um hvernig ég gæti sett upp nýtt pósthólf. Kannski er bréfið of þungt ... er séns að þú setjir myndirnar af beru strákunum í tvö bréf? (djók)

[Saumakonan, 31.5.2007 kl. 00:05]

ussssss ekki kjafta svona frá!!!!!!!!!

[Laufey Ólafsdóttir, 31.5.2007 kl. 00:18]

OOOh. Nokkrar svona fjallageitur (aðallega ein) í minni familíu sem er alltaf að reyna að fá mann upp á fjall. Ég er sennilega búin með allar afsakanir sem til eru og kannski notað einhverjar í tví- eða þrígang. Ég get svariða. Glætan að ég fari að príla á fjöll án þess að vera að flýja lögin eða mannlegt samfélag

Ég HATA Brooke. Finnst hún óþolandi og vona að þeir fari að gefa henni varanlegt frí. Ekki það að ég horfi á Bold and the beautiful eða neitt þannig

[Guðríður Hrefna Haraldsdóttir, 31.5.2007 kl. 00:26]

Hehhehehe, vonda tálkvendið Brooke. Ég þoli ekki hitt kvikindið, væmna geðlækninn með bólgnu varirnar. Þær mættu báðar detta út mín vegna en hvað verður þá um Ken ... úps, ég meina Ridge. 

Ekki láta fjallageiturnar þínar plata þig ... meira að segja færir björgunarsveitarmenn hafa fótbrotið sig í svona göngum, fussum svei. Hver nennir að pissa bak við klett, svita tryllingslega og engin sturta, fullt af flugum, úlfum, ljónum og ljótum fjallgöngumönnum að flækjast fyrir manni.  

[Halla Rut , 31.5.2007 kl. 00:43]

Ég fæ bara vatn í munninn að sjá þennan bakka hjá þér. Hvernig getur þú gert mér þetta svona rétt fyrir svefninn, nú verð ég að kíkja í ísskápinn og fá mér snarl.

[Laufey Ólafsdóttir, 31.5.2007 kl. 00:44]

Brooke er bara svo LEIÐINLEG hún er alltaf nöldrandi í öllum og er svo ekkert skárri sjálf! Svo er hún með svona rödd sem nístir merg og bein. Eins og ég sagði... ekki það að ég horfi á þetta eða neitt Sammála um að varirnar eru of mikið. Konan var ágæt eins og hún var. Bölvað pjatt í þessu liði alltaf.

Einmitt! Glöð að hitta annan anti-fjallista. Þarna komstu með fleiri afsakanir fyrir mig! Takk! Nota þetta með ljótu fjallgöngumennina næst... ég ætla að spara pissa bakvið stein aðeins... úlfar og ljón fara sennilega í algeran spariflokk... svona ef ALLT annað bregst . Er búin að reyna að segja að mér finnist þetta bara ekki skemmtilegt en það þótti nú með eindæmum lélegt.

[Sigga (IP-tala skráð) 31.5.2007 kl. 00:49]

Hver nennir að svitna tryllingslega?  Þú ættir að spurja hana systur þína þegar hún píndi mig með sér í manndrápsgöngutúr í kvöld, svo fór hún í sund á eftir með Ólöfu vinkonu sinni og þar hömuðust þær lengi.  Það er víst sprautan að þessum manndrápslabbitúrum.  Hilda spurði mig hvort ég væri ekki með sundbolinn og ég var sem betur fer ekki með hann. Er á móti allri hreyfingu.  Ég dreif mig heim og kveikti á sjónvarpinu með haug af sælgæti fyrir framan mig sem ég gúffaði í mig á methraða.  Ekkert flatköku eða grænmetiskjaftæði neitt

 Nei nei....svo við höldum okkur nú við sannleikann þá var þetta voðalega hressandi og ekki nema 20 mínútna labb.  Ég hafði gaman af því

[Sigga (IP-tala skráð) 31.5.2007 kl. 00:51]

Brooke er aðalsprautan í þáttunum en mér finnst sílikonöndin og leiðindagerpið maðurinn hennar alveg mega hverfa úr þáttunum í ónefndan tíma.  Ég myndi ekki nenna að horfa á þetta ef að Brooke hyrfi.

[Guðríður Hrefna Haraldsdóttir, 31.5.2007 kl. 01:05]

Sorrí, Halla Rut þetta var reyndar ógeðslega, hræðilega vont.

Held að Brooke, þótt leiðinleg sé, sé of stór persóna til að hverfa (kræst, hvers konar umræður eru þetta á virðulegu bloggi?). Gott hjá þér, Sigga, að dissa þessar sundóðu gellur ... iss, þær fá bara sveppi í tærnar og svona óbjóð. Sund er viðbjóður nema maður sé með einkalaug.  

[Gunna-Polly, 31.5.2007 kl. 08:46]

Bóddið er ekkert án Amber