Sukk og svínarí - sumarfrí í aksjón

Strætóferðin gekk einstaklega vel í morgun þrátt fyrir þoku og snjóskafla í sunnanverðum göngunum. Tommi lék á als oddi við stýrið og reytti af sér brandarana.

Maður sem kom inn á sætukarlastoppistöðinni þóttist detta á mig og lét samanbrotinn miða detta í fangið á mér. Á miðanum stóð: „Mundu mig, ég man þig, alla tíð og tíma, ef þú þarft að finna mig mundu að ég hef síma XXX XXXX. P.s. Lifðu í lukku en ekki í krukku.“

Þetta er eitthvað það fallegasta sem nokkur maður hefur sagt við mig og þegar ég fór út úr strætó á Vesturlandsveginum lét ég miða falla í kjöltuna á manninum þar sem sagði: „Lifðu á landi en ekki í strandi. P.s. Hættu að glápa eins og eldgömul sápa.“

Yngra fólk sem les þetta mun eflaust klóra sér í hausnum yfir þessarri viðreynslu en í gamla daga var þetta vinsæll siður þegar menn stigu í vænginn við konur. Það sem maðurinn meinti í bréfinu var einfalt: „Þú ert sæt, vildu byrja með mér?“ Svar mitt var líka einfalt: „Þú ert ekki svo ljótur heldur. Svar mitt er já.“ Stemmingin í strætó var ólýsanleg, allir eitthvað svo rómantískir.

Svo „vaknaði“ ég og fattaði að vegna kaffidrykkju gærkvöldsins hafði ég sama og ekkert sofið í nótt og ætla nú að reyna að fara að hátta klukkan átta, eftir nokkrar mínútur. Vona að sólin haldi ekki fyrir mér vöku. Býst við að reyna að vakna á hádegi og fara svo snemma að sofa í kvöld.

Ekki hneykslast, ég er nú einu sinni í sumarfríi!

Athugasemdir

[Hrönn Sigurðardóttir, 31.5.2007 kl. 08:30]

 Hvað ég man vel eftir þessu.......

[Saumakonan, 31.5.2007 kl. 08:48]

LOL njóttu lúrsins...     hér er kalt og engin sól... napur vindurinn næðir inn ef maður vogar sér að opna hurð eða glugga og það er sko EKKI sumarlegt!!   úffff brrrrrrrrrrrr.....

[Heiða B. Heiðars, 31.5.2007 kl. 09:29]

Sofa! Ertu brjáluð.. á þessum dýrðardegi!

Nægur tími til að sofa í kvöld

[Kristín Katla Árnadóttir, 31.5.2007 kl. 10:41]

Þú ert alveg frábær manneskja Gurrí mín knús til þín.

[Jenný Anna Baldursdóttir, 31.5.2007 kl. 11:42]

Hehe kjéddlingin þú ert alltaf að æsa upp í konu nostalgíuna.  Mundu mig ég man þig.  Ohhh þessir dýrðartímar minningabókanna.

Þú ert greinilega umsetin kona.  Var ekki Tommi hættur á strætó, kominn með aðra vinnu og allt?  Ég er viss um að hann hefur ekki haldið út af söknuði yfir þér.  Sofðu vært krúttskí.

[Eva Þorsteinsdóttir, 31.5.2007 kl. 13:33]

Alltaf gott að leggja sig á daginn...... hvort eð er skíta rok úti ;)

[Guðríður Hrefna Haraldsdóttir, 31.5.2007 kl. 14:40]

Ohhhh, náði fimm tímum, það var næs.

[Katrín Snæhólm Baldursdóttir, 31.5.2007 kl. 18:24]

Ha ha ha ha ha.....þú ert nú algjör !

 Þetta erum við Óli þegar ég les upphátt úr blogginu þínu um gamalsdagsviðreynsluaðferðir...Hann hlær stórkallalega en ég dömulega.

. Snillingar eiga að vaka á nóttunni og sofa á daginn..svo sofðu vært um miðjan morgun elskið mitt..átt það bara alveg skilið.

[Guðný Anna Arnþórsdóttir, 31.5.2007 kl. 21:53]

Ég elska að lesa um ástarævintýri þín og heimsferðir um göng. Góða nótt, dásamlega kona!

[Guðríður Hrefna Haraldsdóttir, 31.5.2007 kl. 22:42]