27 af stöðinni!

Er að lesa svo voða skemmtilega bók. Þetta er íslenska spennusagan Farþeginn eftir Árna Þórarins. og Pál Kristin. Veit ekki hvers vegna bókin lenti svona neðarlega í bunkanum mínum ... undirmeðvitundin gæti hafa komið henni fyrir þar því að ég hélt að hún gerðist öll um borð í leigubíl. Sá ekki alveg fyrir mér heila sakamálasögu í svo litlum bíl, annað með strætó eða rútu ... Þetta er sannarlega ekki árás hjá mér á leigubílstjóra, þeir eru með mest spennandi mönnum þessa lands ef út í það er farið. Er ekki t.d. fyrrverandi ástkær eiginmaður minn leigubílstjóri? Jú, hefði nú haldið það.

Í fyrsti kafla bókarinnar fer leigubílstjórinn í afar sérstakt útkall, það er allt og sumt. Þetta er hefðbundin spennusaga sem rígheldur og ég er mjög spennt að klára hana nú á eftir.

Hér á Skaga hefur verið moldrok í dag, frétti ég, mikið fannst mér gott að vita að ég hafði ekki sofið af mér hálfan sólskinsdag. Nú er þetta gula farið að glenna sig og orðið erfitt að sitja við tölvuna. Hægri handleggurinn er illilega brenndur, eða væri það ef ekki skildi okkur að glerrúða og peysa.

Athugasemdir

[Eva Þorsteinsdóttir, 31.5.2007 kl. 15:16]

Ekki er þetta gula nú að glenna sig mikið hér í höfuðborginni, bara alsherjarrok....... er ekki alveg að kaupa þessa sólbrunasögu þína af Skaganum...... hmm :)

[Guðríður Hrefna Haraldsdóttir, 31.5.2007 kl. 15:40]

Held að sólin verði ekki lengi, svart ský nálgast hratt og sjórinn er þrílitur, döikkur, ljósgrænn og grár ... . Sé að það er dimmt yfir elsku höfuðborginni. Til hvers að spá 20 stiga hita með svona leiðindum? Hmmm.

[Vilborg Valgarðsdóttir, 31.5.2007 kl. 16:02]

Farþeginn er þrusufín bók, ég öfunda þig af því að eiga eftir að lesa hana

[Steingerður Steinarsdóttir, 31.5.2007 kl. 16:49]

Farþeginn er reglulega góð. Ég var líka þokkalega ánægð með Síðasta musterisriddarann. Fannst hún reyndar svolítið langdregin og endirinn svona hálfgerð fljótaskrift, þ.e. eins og verið væri að hnýta saman alla enda eins hratt og hægt væri án þess að velta fyrir sér trúverðugleikanum.

[Guðríður Hrefna Haraldsdóttir, 31.5.2007 kl. 16:51]

Sammála þér með musterisriddarann, hálfgerð fljótaskrift á endinum. Hefði orðið betri við meiri yfirlegu. Ætla NÚNA að klára Farþegann, finnst hún lofa ansi góðu! Skil ekki hvernig mér datt í hug að hún gerðist öll inni í leigubíl ... 

[Guðríður Hrefna Haraldsdóttir, 31.5.2007 kl. 17:50]

Grundarfjörður, ekki satt?

[Jóna Á. Gísladóttir, 31.5.2007 kl. 18:37]

þarf að kíkja á þess

[Saumakonan, 31.5.2007 kl. 18:41]

brrrrrr er að koma skítakuldi hér

hvurnig er það... búin að hreinsa útúr pósthólfinu þínu svo þú hafir pláss fyrir fleiri "sæta gaura" ???? 

[Guðríður Hrefna Haraldsdóttir, 31.5.2007 kl. 19:30]

Er að reyna ... spurning um að senda á [e-mail]?

[Doddi - Þorsteinn G. Jónsson (IP-tala skráð) 31.5.2007 kl. 19:38]

Ég vildi að ég væri duglegari að lesa bækur. Ótrúlegt að maður eins og ég skuli ekki lesa meira. Ég er jú fyrst og fremst kvikmynda- og tónlistaráhugamaður, en ég hætti næstum því algjörlega að lesa mér til skemmtunar þegar ég byrjaði hjá Máli og menningu 1991. Næstu ellefu árin þóttist ég alltaf ætla að bæta mig en það voru bara örfáar bækur sem hlutu náð fyrir augum mínum. Svo þegar ég flutti norður og hóf störf á bókasafninu ... þá jókst aðeins lesturinn, en alls ekki nóg.

Ég er ekki hrifinn af megrun og vil ekki í svoleiðis alvarlegt átak, þó svo að ég sé búttaður bangsi ... en ég vil gjarnan fara í lestrarátak. Maður eins og ég á að lesa meira!!

Knús að norðan, sæta dúlla!

[Saumakonan, 31.5.2007 kl. 19:45]

You've got mail....  ehmm... eða ég ætla rétt að vona það!!!

[www.zordis.com, 31.5.2007 kl. 20:58]

 hvad er sól á milli vina ... er búin ad vera ad svala sál minni úti og er ordin rjód í framan og út um allt!  Vaeri til í ad hlusta á allar zessar baekur Gurrí zví ég er svo lengi ad lesa, samt fljót ad fatta

[Kristín M. Jóhannsdóttir, 31.5.2007 kl. 22:49]

Þetta gula er hátt á lofti hjá mér og virðist komið til að vera. Nú eru það stuttbuxur og bolir sem blífa. 

Ég las Tíma nornarinnar eftir Árna nú eftir jólin. Fannst það alveg frábær bók og vil því lesa meira eftir Árna. En bækurnar hans eru nú ekki í hverri bókabúð hér vestra. Doddi, lestu Tíma nornarinnar. Það er ein fárra bóka á Íslandi sem gerast á Akureyri. Það þarf að skrifa fleiri bækur sem gerast fyrir norðan. Það er svo skemmtilegt að lesa um eitthvað annað en Reykvískt samfélag þegar maður les íslenskar bækur. 

[Heiða Þórðar, 31.5.2007 kl. 22:56]

Var akkúrat að leggja símann á vinkonu mína, hafði verið að væla: ohhh, ég vildi að ég hefði eitthvað að lesa...hún sagði mér að kíkja í Biblíuna. Ég dauðöfunda þig Gurrý. Stemmarinn er ekki alveg í Biblíuformi sko....

[Guðríður Hrefna Haraldsdóttir, 31.5.2007 kl. 23:05]

Það er víst hellingur um ofbeldi og svona í biblíunni ... en vá, svaka góð vinkona, not! Hún á örugglega eftir að reyna að plata þig í fjallgöngu, passaðu þig bara. Bensínstöðvar og bókabúðir eru núna fullar af skemmtilegum kiljum. Sá að nýkomin er ný bók eftir Petterson, "Fimmti eitthvað ..." líst svaka vel á hana. 

[Kristín Katla Árnadóttir, 31.5.2007 kl. 23:18]

Þú ert eins og ég Gurrí, ég er með 16  og 17 aldar bækurnar, ég les líka mikið af spennusögum.