11 ástæður fyrir því hvers vegna konur yfir fertugt eru bestar

2.6.2007 | 18:34

11 ástæður fyrir því hvers vegna konur yfir fertugt eru bestar

Andy Rooney í 60 mínútum kom með þessar dásamlegu staðreyndir í þættinum fyrir nokkrum árum. Snilld.

- - - - - - - - - - - - - - - - - - - - - - - - -

1. Kona yfir fertugt myndi aldrei snúa sér að manninum í rúminu og segja: „Hvað ertu að hugsa?“ Henni er nákvæmlega sama hvað hann er að hugsa.

2. Ef konu yfir fertugt langar ekki til að horfa á leikinn þá hlammar hún sér ekki í sófann og vælir um það. Hún einfaldlega finnur sér eitthvað annað að gera og yfirleitt er það eitthvað mun áhugaverðara.

3. Kona yfir fertugt hefur gengið í gegnum næga sjálfsskoðun til að vita með vissu hver hún er, hvað hún er, hvað hún vill og þá frá hverjum. Langflestar konur komnar yfir fertugt láta sér í léttu rúmi liggja hvað þér finnst um hana eða það sem hún er að gera.

4. Konur yfir fertugt eru virðulegar í fasi. Það heyrir til undantekninga að þær æpi á manninn sinn í leikhúsinu eða á betri veitingastöðum. Á hinn bóginn, ef þú hefur unnið þér inn fyrir því, hika þær ekki við að skjóta þig á færi ef þær eru þess fullvissar að þær komist upp með það.

5. Konur yfir fertugt spara ekki gullhamrana, jafnvel á þá sem eiga það ekki skilið, því að þær vita hvað það er að vera vanmetinn.

6. Kona yfir fertugt hefur öðlast nægt sjálfsöryggi til að kynna manninn sinn fyrir vinkonum sínum. Yngri konur fela oft vinkonur sínar fyrir manninum vegna vantrausts á honum.

7. Konu yfir fertugt gæti ekki verið meira sama þótt maðurinn sé hrifin af vinkonum hennar því hún veit að þær munu ekki svíkja hana.

8. Konur öðlast sjötta skilningarvitið með aldrinum. Menn þurfa aldrei að segja konum yfir fertugt syndir sínar. Þær vita!

9. Það klæðir konu yfir fertugt að nota æpandi, rauðan varalit, sama á ekki við um yngri konur og dragdrottningar.

10. Um leið og karlmaður getur litið fram hjá hrukku eða tveim gerir hann sér grein fyrir því að kona yfir fertugt er allverulega mikið kynþokkafyllri en yngri módelin.

11. Eldri konur eru hreinskilnari og heiðarlegri í framkomu en þær yngri. Þær láta þig strax vita ef þú ert fífl eða ert bara að láta eins og fífl. Þú þarft aldrei að vera óviss um hvar þú stendur gagnvart konu yfir fertugt.

Þær eru ótal ástæðurnar fyrir því að dást að konum yfir fertugt. Því miður er ekki hægt að segja það sama um karla á sama aldri. Fyrir hverja sláandi fallega glæsidrós yfir fertugt er sköllóttur, illa tilhafður, krumpaður karl að gera sig að fífli með einhverri 18 ára afgreiðslustelpu.

Fyrir alla menn sem segja: „Hvers vegna að kaupa mjólkursamlagið þegar mann vantar slettu mjólk?“ er hér fréttatilkynning: Í dag segja 80% kvenna að þær séu ekkert á þeim buxunum að fara að gifta sig. Hvers vegna, gætu þeir spurt. Þær hafa komist að því að það er til auðveldari leið til að næla sér í pylsu en að fjárfesta í heilu sláturhúsi.

Setti með myndir af skvísum sem eru að verða fimmtugar.

Meginflokkur: Bloggar | Aukaflokkar: Dægurmál, Kvikmyndir, Lífstíll, Sjónvarp | Facebook

Athugasemdir

ég held að þetta sé satt - ég þarf að halda út í 13 ár til viðbótar!!!

halkatla, 2.6.2007 kl. 19:14

Er kona á besta aldri, sem sagt yfir fertugt!! Las þessi yndislegu vísindi hjá þér, og hvert einasta orð er tær "sannleikur"! Annað hvort er Andy Rooney giftur mjög "góðri konu yfir fertugt" eða hann er "kona yfir fertugt sjálfur"!

Flott síða,

Kveja Sigga S.

Sigríður Sigurðardóttir, 2.6.2007 kl. 21:03

Þetta er alveg satt ... persónulega þekki ég fleiri konur á þessum aldri en þær yngri, sem eru svo frábærar. Kynþokkafullar já og gullfallegar. Aldur er afstæður en það er gott að vita af þessu ... Veiga á nokkur ár í fertugsaldurinn og eftir það eru golden years, er það ekki?