Fordómar og sálarflækjur

Kræst, Oprah Winfrey var að tala illa um offitu og reykingar, hefur hún ekkert skemmtilegra að gera? Gefa bíla eða eitthvað? Ég gleypi ekki alveg við þessum rökum að offita sé eingöngu af andlegum orsökum þótt það hafi átt við hjá Opruh sem var misnotuð sem barn. Það vill gleymast að sumum finnst matur einfaldlega góður.

Reynt er að fá hamingjusamar feitabollur, ánægar með sjálfar sig, til að falla saman og skæla í svona sjónvarpsþáttum og finna einhverja ástæðu fyrir fitunni, hún hlýtur að liggja djúpt niðri þarna. „Nei, þú getur ekki verið hamingjusöm þótt allt gangi svona vel í lífi þínu, þú ert nefnilega feit!“

Ég hef á lífsleiðinni hitt svona „djúpt“ fólk, sjálfskipaða sálfræðinga, sem eru að springa úr klisjum. „Hvernig líður þér? Nei, ég meina hvernig líður þér í alvörunni?“ „Þér hlýtur að líða illa, ég finn það.“

Góður vinur minn sagði vinkonu sinni upp vinskap af því að hún reyndi sífellt að stjórna tilfinningum hans á þennan hátt. Það tók hann nokkur ár að átta sig á því að honum leið alltaf illa nálægt henni. Hann reyndi sífellt að finna djúpar orsakir fyrir öllu en gekk ekkert of vel, líf hans var gott. Hann hlær að þessu í dag, er mjög hamingjusamur ... enda grannur.

Athugasemdir

[Doddi - Þorsteinn G. Jónsson (IP-tala skráð) 3.6.2007 kl. 19:11]

Ég er feitur en ég er mjög hamingjusamur! Go figure!

[SigrúnSveitó, 3.6.2007 kl. 19:13]

ég var einu sinni miklu grennri en ég er í dag en samt er ég miklu hamingjusamari þá en núna. Skrítið!!

[SigrúnSveitó, 3.6.2007 kl. 19:16]

úbbs...ég meinti sko að ég er miklu hamingjusamari NÚNA!!  Þetta fór eitthvað vitlaust út úr mér...

[Gunna-Polly, 3.6.2007 kl. 19:24]

ertu að segja að ég sé feit?

[Doddi - Þorsteinn G. Jónsson (IP-tala skráð) 3.6.2007 kl. 19:24]

Meira kjöt + meiri fita = more of me to love, baby!

[gua, 3.6.2007 kl. 19:33]

oprah er haldin tilfinningaklámfíkn og líður ekki vel nema að einkver grenji í þáttunum hennar fuss og svei 

[Guðríður Hrefna Haraldsdóttir, 3.6.2007 kl. 19:51]

Arna, líklega gætu spekingarnir hjá Opruh litið svo á að þú værir svo óhamingjusöm af því að þú værir hætt að reykja ... hahahahah, ekki hlusta á þau. 

[Auður H Ingólfsdóttir (IP-tala skráð) 3.6.2007 kl. 19:55]

Hvað sem segja má um Opruh þá ber hún af öðrum þáttastjórnendum spjallþátta vestanhafs eins og gull af eiri. Fyrir okkur Íslendinga þykir hún sjálfsagt oft dálítið yfirdrifin - en þið ættuð að sjá suma þættina sem hún er í samkeppni við. Þar virðist málið vera að leita uppi mesta sora sem hægt er að finna til að hneikslast á, gera lítið úr fólki og velta sér upp úr öllu sem er "absúrd". Fólk t.d. fengið að koma í þáttinn og tilkynna maka sínum í beinni að það sé að halda fram hjá með besta vini viðkomandi og framvegis....

Þannig að ég segi bara - áfram Oprah

[Vilborg Valgarðsdóttir, 3.6.2007 kl. 19:55]

Tilfinningaklámfíkn er akkúrat rétra orðið

[Birna Dis Vilbertsdóttir (IP-tala skráð) 3.6.2007 kl. 20:02]

Heilbrigður og sáttur .Er það ekki málið? 

[Halla Rut , 3.6.2007 kl. 20:25]

Offita er auðvitað svo mikil heilbrigðisvanda mál í USA að það er ekkert venjulegt.  Ég fer þangað einu sinni á ári og fæ alltaf jafn mikið sjokk.  Enda þegar maður pantar sér mat á skyndibita eða matsöluhúsum fær maður enga smá skammta. Einn skammtur er eins og fyrir fjögra manna fjölskyldu hér. Þannig að ástæða offitu þar er nú margþætt.  Ég held að það sé nú engin ánægður með að vera afmyndaður af fitu en öfgarnar eru nú lítið skárri í hina áttina. 

[Árný Sesselja, 3.6.2007 kl. 21:22]

hey tilhvers að vera með sixpack þegar maður getur verið með tunnu?

feitt fólk er ekki endilega óhamingjusamt.....það er reyndar oftara "þyngra" á hamingjunni.

EN HEY ég er ekki grönn og er að springa úr hamingju

[Guðríður Hrefna Haraldsdóttir, 3.6.2007 kl. 21:24]

Oprah tekur oft góða spretti og þótt ég þoli yfirleitt ekki þætti á borð við þáttinn hennar finnst mér hún bera höfuð og herðar yfir alla aðra.

Pirrar mig bara hvernig er tekið á málum stundum. "Þér líður ekki vel, þú ert ekki hamingjusöm." Svo er manneskjan kannski bara letipúki. 

Flott hjá þér, Jón Arnar. Ég hljóp í spik eftir að ég hætti að reykja þótt ég ætlaði sko ekki að láta það gerast. Hjólið gagnslaust í snjóavetri, nammi ... osfrv. Held að gamlar sorgir hafi ekkert átt sök á því. Allir eiga sorgir og hlaupa samt

[Kristín Katla Árnadóttir, 3.6.2007 kl. 22:00]

Ég er mjög létt, meiri segja allt  of létt segir læknirinn. Ég er svona þokkalega hamingjusöm.

[Guðríður Hrefna Haraldsdóttir, 3.6.2007 kl. 22:30]

Bíddu, Katla. Þú átt að vera ofboðslega hamingjusöm! Heheheh! Æ, málin leysast ekki í svona þáttum, þeir geta kannski hjálpað sumum eitthvað.       

[Guðný Anna Arnþórsdóttir, 3.6.2007 kl. 22:40]

Voðaleg taumlaus hamingja er þetta.....

[Halla Rut , 3.6.2007 kl. 22:41]

Fólki sem líður illa þrífst á svona þáttum. Hef oft orðið vitni að því. Það er best að horfa á eitthvað jákvætt ef maður er "down" en ekki bæta á sig hörmungum annarra. T.d. lesa bloggið þitt og horfa á glaðlegu myndina þína.

[Jenný Anna Baldursdóttir, 3.6.2007 kl. 22:46]

Gurrí ég þoli ekki þessi óbeinu skilaboð frá þér til mín um að ég sé feit.  Gerðuða hættessu, gerðuða Gurrí ha?

[Guðríður Hrefna Haraldsdóttir, 3.6.2007 kl. 23:15]

Nei, ég er ekki að segja að ég sé of feit. Ég er að segja að Jenný og Gunna Pollý séu of feitar! Hættu svo að reyna að pína mig í fjallgöngu!