Tilraunir í himnaríki

Gerði afar metnaðarfulla tilraun í eldhúsinu áðan, enda orðin sársvöng eftir eintóma kaffidrykkju í dag. Efniviðurinn sem ég hafði var: Útrunnar kjúklingabringur, rifinn ostur sem ég gleymdi á borðinu í gær, risastór sæt kartafla, gamalt krydd sem var ferskt í gær, paprikur, laukur, chili, hvítlaukur, svartur pipar, Best á allt og Top Chop, krydd sem Inga ráðlagði mér að kaupa í Einarsbúð á föstudaginn.

Jens Guð skammaði mig fyrir að hafa hent útrunnum kjúklingabringum um daginn þannig að ég ákvað að taka sénsinn. Ég verð þá bara veik og þið drepið Jens fyrir mig.

Ég kryddaði kjúklinginn með Top Chop og grillaði á svona mínútugrilli. Sauð þá risastóru og sætu í potti og bjó til kartöflumús, kryddaði hana með Best á allt frá Pottagöldrum og skellti rifna ostinum út í, það var ... athyglisvert. Kom önnur áferð á músina. Steikti síðan paprikur, lauk, hvítlauk og chilipipar (með nokkrum fræjum). Þetta var skrambi gott, svona miðað við að ég er betri í tertunum.

Athugasemdir

[Vilborg Valgarðsdóttir, 4.6.2007 kl. 00:00]

Ég skal drepa Jens ef þú bloggar ekki innan 24 tíma! Maður verður jú að standa með vinum sínum 

[Vilborg Valgarðsdóttir, 4.6.2007 kl. 00:02]

Púff, ég gleymdi að setja þennan í lokin:

[Svava S. Steinars, 4.6.2007 kl. 00:39]

Mmm, veistu, þetta lítur ekki svo illa út (slurp).  Ef bringan drepur þig verður það ekki fyrr en í fyrsta lagi eftir sólarhring, svo flýttu þér að blogga sem mest næstu 24 tíma

[Halla Rut , 4.6.2007 kl. 00:42]

Mér hefur aldrei dottið í hug að setja kjúkling í mínútugrillið. Geri það næst.

[Jóna Á. Gísladóttir, 4.6.2007 kl. 01:15]

Hvernig hljóðar erfðaskráin? Ég vil gjarnan fá Himnaríki.

[Jenný Anna Baldursdóttir, 4.6.2007 kl. 01:50]

Heyrðu þú ert að djóka í mér!  Þú hefur ekki borðað útrunna kjúklingabringu.  Þrátt fyrir að mér sé ekki mjög vel við þig kann ég nú betur við að hafa þig lifandi en dauða þó ekki væri nema til að koma í veg fyrir að Jóna fengi himnaríki.

[Eva Þorsteinsdóttir, 4.6.2007 kl. 02:33]

Hvernig í andskotanum ferðu að því að útbúa svona girnilegan mat úr einhverju sem þú bara fannst? Ertu ekki til í að koma og róta í draslinu í mínu eldhúsi og búa til eitthvað úr engu :)

[Ágúst H Bjarnason, 4.6.2007 kl. 08:52]

Þetta lítur betur út en á fínasta veitingahúsi. Hvernig væri að opna Restaurant Himnaríki?

[Kristín Katla Árnadóttir, 4.6.2007 kl. 09:48]

Þetta er rosalega flott   og girnilegt, matur en elsku Gurrí mín þetta er stórhættulegt að borða útrunnin kjúkling

[Jenný Anna Baldursdóttir, 4.6.2007 kl. 10:20]

Heyr, heyr Anna og klukka rúmlega 10.  Kjéddlingin er dauð!

[Guðríður Hrefna Haraldsdóttir, 4.6.2007 kl. 11:23]

Ég er á lífi ... ég er á lífi! Heheheheh! Ekki drepa Jens. Bringurnar voru ekki LÖNGU útrunnar, ég er það stressuð með dagsetningar að ég hefði aldrei lagt í nokkra daga ...

[Saumakonan, 4.6.2007 kl. 12:30]

Fjúff ég var farin að hafa áhyggjur þar til ég sá kommentið frá þér í lokin.  Gott að sjá að þú ert heil heilsu og déskoti er þetta girnilegt á myndinni... svona fyrir utan helvvv laukinn og grænu paprikuna!!!

[Jenný Anna Baldursdóttir, 4.6.2007 kl. 13:34]

Ég viðurkenni það hér og nú að maturinn þinn Gurrí mín er svakkalega girnilegur. Smjúts það er ekki arfaleiðinlegt að þú skulir lifa.

[Jenný Anna Baldursdóttir, 4.6.2007 kl. 13:53]

Hæ Gurrí mín (ég beinlínis elska þig) ég held að þú hafir gleymt einhverju á minni bloggsíðu.  Ég bíð spennt eftir að þú kíkir yfir

[Guðríður Hrefna Haraldsdóttir, 4.6.2007 kl. 15:13]

JENNNNNNÝÝÝÝÝÝÝ! Er búin að kíkja og kommenta. Þakka fögur orð um njósnir mínar og annan perraskap. Hahhahaha, þú ert nú algjör dýrð.