Ástir, örlög og strætóskerðing ...

4.6.2007 | 21:46

Ástir, örlög og strætóskerðing ...

Taylor, geðþekki geðlæknirinn, sagði Ridge að pakka niður og fara af heimilinu þar sem hann væri enn skuldbundinn Brooke í hjarta sínu. Hahhahaha, ef Ridge bara vissi að nú er Brooke akkúrat að kela við Nick, tilvonandi tengdason sinn. Bridget, kærasta Nicks og dóttir Brooke, truflar keliríið með því að hringja og er á leiðinni til að segja Nick frá því að hún sé enn ólétt. Nick og Brooke tjá hvort öðru ást sína og eilífa tryggð. Svo mætir Bridget á svæðið og játar fyrir Nick sínum að hún sé enn ófrísk. Hann sem ætlaði að fara að segja henni frá ást sinni til mömmu hennar. Hvað gera bændur nú?

Fór aftur á www.bus.is og sá nú að ferðum strætó 27 hefur fækkað nokkuð. Ég skil alveg að það þurfi að spara en þetta verður eins og vítahringur; þegar þjónustan skerðist fækkar farþegum.

„Ertu að halda þér til fyrir einhvern?“ spurði Magga vinkona þegar hún komst að því að klipping væri í nánd. Það skyldi þó ekki vera að undirmeðvitundin væri með einhvern í sigtinu? Er þetta kannski bara skylduklippingina á sex mánaða fresti? Er einhver Nonni villingur til? Hvað fá bloggvinirnir ekki að vita? Svarið kemur hryllilega á óvart. Ekki missa af færslum næstu árin.

Meginflokkur: Bloggar | Aukaflokkar: Dægurmál, Lífstíll, Menning og listir, Sjónvarp, Vinir og fjölskylda | Breytt s.d. kl. 21:47 | Facebook

Athugasemdir

Takk fyrir boldið, missti af drama dagsins

Vilborg Valgarðsdóttir, 4.6.2007 kl. 21:52

Gott að fá svona dramaskammt með því að lesa þitt overview af Boldinu Þetta eru eilífar flækjur, og ég vildi óska þess að eitthvað samband í þáttunum myndi vera normalt í meira en 20 þætti straight ... nú hef ég ekki horft á þetta, heldur í mesta lagi gripið í einn og einn þátt á nokkurra vikna fresti þegar ég er að crasha fyrir framan kassann um helgar og svissa á milli stöðva ... en var ekki einhver Amber þarna líka?

Svo finnst mér þetta hálf súrrealískt hvernig þetta Bridget-Nick-Brooke dæmi hljómar ... ég gæti aldrei jafnað mig á því ef ég væri partur af svipaðri jöfnu. Yikes!!!

Kveðjur að norðan, dúlla!

Doddi - Þorsteinn G. Jónsson (IP-tala skráð) 4.6.2007 kl. 23:20

ÉG VISSI ALLANN TÍMANN AÐ ÞÚ VÆRIR AÐ FELA EITTHVAÐ.......

Heiða Þórðar, 4.6.2007 kl. 23:24

Hver er þessi Amber sem skýtur reglulega upp kollinum í þessu bloggi en ég hef aldrei séð?

Vilborg Valgarðsdóttir, 4.6.2007 kl. 23:29

Ég leitaði upplýsinga hjá sérfræðingi mínum. Amber var barnapía hjá Brooke, mömmu Rick og Bridget. Þá var Rick 17 ára. Hann varð skotinn í barnapíunni sem var eitthvað eldri. Alla vega varð hún ófrísk og Rick, svona ungur, vildi gera það eina rétta og kvænast henni við mikil mótmæli allra. Mamma Amber, svona hjólhýsapakk, bjó í hjólhýsi uppi í sveit og þangað fór Amber í heimsókn, langt gengin með, sérfræðingur minn mundi ekki hvort hún var þá gift Rick en minnir það. Barnið fæddist í hjólhýsinu en andvana. Þannig vildi til að ljósmóðirin sem kom til Amber var með annað nýfætt barn sem frænka Amber eignaðist þennan dag og vildi gefa til ættleiðingar. Amber ákvað að láta sem þetta barn væri hennar eigið og tókst lengi vel að blekkja Rick og aðra Forrestera. Þetta var mikið drama. Nú er Amber horfin í bili. Vildi að sérfræðingurinn hefði horft meira á þennan þátt. Ef einhver veit meira þá plís tali hann ellegar þegi um alla eilífð.

Guðríður Hrefna Haraldsdóttir, 4.6.2007 kl. 23:50

Ég segi það aftur; þú drepur mig!

Jenný Anna Baldursdóttir, 5.6.2007 kl. 00:08

Þetta dugar, ástarþakkir

Vilborg Valgarðsdóttir, 5.6.2007 kl. 00:08

Burtu með Brook, ég vil fá Amber aftur!!!

Strætóskerðingar eru sko ekki kúl fyrir konur sem neita að keyra bíla. Sérstaklega ekki ef veðrið ætlar ekkert að skána. Hnuss .

Hvah! Má kona ekki fara í klippingu án þess að vera á einhverjum veiðum??? Við önsum ekki svona rugli Gurrí. Farðu í klippingu og hangtu fyrir framan spegilinn í marga daga að dást að sjálfri þér. Þetta karlfólk tekur heldur aldrei eftir því hvort maður er nýklipptur, rakaður eða kantskorinn hvorteðer ...og já það er þessi tími mánaðar .