Kælum kvikindið með öllum ráðum

12.6.2007 | 00:31

Kælum kvikindið með öllum ráðum

George Bush er víst skrambi ánægður með kalda stríðið við Rússa. Hann gerir sér vonir um að það hafi kælandi áhrif ört hækkandi hitastig jarðar.

Ég hef stundum skammast út í Jay Leno og sótt fast að fá frekar Conan O´Brien á SkjáEinn en hann er ekki jafnrosalega þjóðernislegur og sá fyrrnefndi. Leno kom mér skemmtilega á óvart í kvöld með þessum brandara um Bush. Ég hætti að þola Leno eftir 11. september þegar hann fór að gera grín að fátækt óvinarins, sem þá var fólkið í Afganistan. Talaði um samræði við geitur, búsetu í hellum ... og bandaríska þjóðin hló að þessum hallærislegu hryðjuverkamönnum.

Þar sem ég lá dauðsyfjuð, eiginlega hálflömuð uppi í sófa áðan gat ég ekki skipt um sjónvarpsrás, þurfti að afplána Leno og hann, eða brandarahöfundar hans, skemmti mér bara vel í þetta skiptið. Vonast nú samt eftir Conan. Hann er frábær.

Meginflokkur: Bloggar | Aukaflokkar: Dægurmál, Lífstíll, Menning og listir, Sjónvarp, Stjórnmál og samfélag | Facebook

Athugasemdir

Hann slumpast stundum á einn og einn góðan en yfirleitt þoli ég ekki svona republíkana. Það var ekki horfandi á þáttinn eftir Clinton-Lwinsky "hneykslið" þvílík útvötnun á brandaralóninu mikla.

Jenný Anna Baldursdóttir, 12.6.2007 kl. 00:48

Æ, ég elskan þennan! Þótt það sé kannski ekki sama hvaðan gott kemur.

Anna Ólafsdóttir Björnsson, 12.6.2007 kl. 01:05

Leno reynir nú að miða sinn húmor að miklu leyti við lægsta mögulega samnefnara, annars væri hann varla jafn vinsæll og hann er í dag. Hvað sem fólki finnst annars um það.

Annars verð ég nú að koma þvi að ég man varla eftir að hafa séð Leno þátt í nokkur ár án þess að hann segi að minnsta kosti einn brandara á kostnað Bush.

Einar Örn (IP-tala skráð) 12.6.2007 kl. 01:10

Æ, kannski hef ég karlgreyið fyrir rangri sök! Ég sem hélt að ég væri ekki langrækin.

Guðríður Hrefna Haraldsdóttir, 12.6.2007 kl. 01:28

Þú ert svo duglega að blogga að það er ekki fyndið..

Brynja Hjaltadóttir, 12.6.2007 kl. 01:29

úff ameríkanar vilja heyra sögur um hvað hermennirnir standa sig vel og hvað óvinurinn er hallærislegur ... merkilegt að það skuli vera til svona stórt saman safn af fíflum ... vona ég sé ekki of harðorð ...

Kleópatra Mjöll Guðmundsdóttir (IP-tala skráð) 12.6.2007 kl. 11:41

kvitt og knús (ekki hægt að skrifa í gestabókina þína.....:)

Heiða Þórðar, 12.6.2007 kl. 13:26

Víst er hægt að skrifa í gestabókina, Heiða, ég fékk sko tvöfalt kvitt og knús frá þér, elskan mín. Spurning um rangar meldingar frá Moggablogginu ...