Dúndurfréttir og fleira stöff

Eftir fjöldamargar áskoranir undanfarið um að birta ásjónu mína eftir nýjustu fegrunaraðgerðir þá hef ég reynt að mynda mig frá öllum sjónarhornum. Besta myndin náði bara hálfu vinstra auga og svoleiðis mynd birtir maður ekki á virðulegu bloggi. Ég gæti vissulega endurbirt myndina af okkur Tomma í baði síðan um daginn en allir eru orðnir þreyttir á eilífum endursýningum, sbr. sjónvarpsstöðvarnar.                              Fann samt eina eldgamla mynd þar sem fyrrverandi og erfðaprinsinn fengu að fljóta með.

Mikið rosalega er gaman að vera heima í fríi. Nú er ég að horfa á gamlan þátt með Hemma Gunn í sjónvarpinu. Feðgarnir Pálmi og Siggi ... og Gummi Ben og Pétur hafa verið að sýna snilldartakta. Þeir síðarnefndu léku báðir hlutverk Jesú í rokkleiknum JCSuperstar.

Ég bloggaði einu sinni um Sigga Pálma, nýju plötuna hans sem ég var svo hrifin af. Tók sem dæmi að mér tókst að liggja í baði í gegnum hana alla, ég sem nenni aldrei að hanga lengi í baði þótt ég elski bað. Einhver Stressríður tekur stundum yfir., enda tíminn til að horfa á sjóinn dýrmætur.

Lofsöng plötuna í Vikunni í kjölfarið. Frétti síðar að Siggi hefði orðið ánægður með að ég minnist ekkert á það að hann væri af miklu tónlistarfólki kominn ... bla,bla, eins og flestir aðrir gerðu í dómum sínum. Mér finnst Siggi algjörlega standa fyrir sínu, einn og óstuddur.

Kynntist Gumma Ben í gegnum gamla vinkonu sem var með honum í hljómsveit, algjör eðaldrengur, Olga, konan hans, er bloggvinkona mín ... mont, mont! Pétur kom í viðtal til mín einu sinni á Aðalstöðina með Matta en þá voru Dúndurfréttir að fara að halda tónleika á Gauknum, eiginlega nýbyrjaðir. Ég ætlaði að stríða Matta og Pétri í viðtalinu og spurði þá sakleysislega: „Strákar, fáið þið engar kjaftasögur á ykkur, svona hljómsveitagæar?“ „Nei,“ sögðu þeir og hristu hausinn, „við höfum ekki orðið mikið varir við það!“„Ja, ég heyrði að þið væruð gagnkynhneigðir, alla vega hluti ykkar, er það rétt?“ spurði ég lævíslega.
Ormarnir föttuðu þetta strax og sögðust sko vera gagnkynhneigðir! Það er miklu auðveldara að blöffa á þennan hátt á enskunni.

Það styttist í bæjarferð. Ætla að taka vagninn kl. 15.41 en skreppa jafnvel fyrst í Skrúðgarðinn og fá mér latte. Var að fatta að þriggja tíma pásan á strætóferðum milli Akraness og Mosfellsbæjar er komin upp í fjóra tíma!  Það er frekar langt! Þótt það væri ekki nema ein ferð þarna á milli ... Hlakka til að hitta Laufeyju mína og borða með henni. Svo verður matreiðslunámskeið í himnaríki á morgun. Meira um það síðar.

Úúúúúúú, nú eru Dúndurfréttir að flytja Easy Livin´ með Uriah Heep. Ég elska þessa stráka!

Athugasemdir

[Már Högnason (IP-tala skráð) 13.6.2007 kl. 14:35]

Hver ert þú á myndinni?

[Guðríður Hrefna Haraldsdóttir, 13.6.2007 kl. 14:39]

Æi, þessi með hárið ...

[Már Högnason (IP-tala skráð) 13.6.2007 kl. 14:43]

Já, auðvitað. Sé það núna.

[Bertha Sigmundsdóttir, 13.6.2007 kl. 15:49]

Jesús, þið eruð ekkert smá hárprúð, af hverju er þessi stíll ekki lengur í tísku??? Njóttu dagsins, vinkona, hvenær ertu búin í sumarfríi? Ég var nefnilega loksins að bóka ferðina mína heim, og verð fyrir sunnan þann 16 og 17 Júlí, kannski að við getum stefnt okkur mót inní borginni, drukkið einn kaffibolla...

[Jenný Anna Baldursdóttir, 13.6.2007 kl. 16:00]

Strætó í 4 tíma siesta og þú streðast við að vera jákvæð.  Ég elska þig.  Mér finnst myndin af þér æði.  Svo mikið þúúúú!

[Jóna Á. Gísladóttir, 13.6.2007 kl. 17:18]

Er að velta fyrir mér neðri myndinni. Er þetta tekið við fjölskyldudinner?

[Guðríður Hrefna Haraldsdóttir, 13.6.2007 kl. 17:28]

Já, neðri myndin? Ja, það má segja það, þetta var í afmælinu mínu í fyrra. 12. ágúst!

[Guðríður Hrefna Haraldsdóttir, 13.6.2007 kl. 17:30]

Bertha, hlakka til að fara á deit með þér. Við finnum okkur tíma, elskan.

[Laufey Ólafsdóttir, 13.6.2007 kl. 17:58]

Myndin er góð, má samt biðja um órafmögnuðu útgáfuna?

Heyrðu, kallarnir hennar Olgu eru frændur mínir. Gasalega kynvísir gaurar. Hvað ertu að gera með að hitta einhverja Laufey sem er ekki ég? Þvílíkt og annað eins! Góða skemmtun annars! Er að flippa á strætó þessa dagana! Urrrrr Samúð!

[Kristín Katla Árnadóttir, 13.6.2007 kl. 18:30]

Svakaleg er myndin af þér góð  skemmu þér vel í Skrúðgarðinum.

[Anna Ólafsdóttir (anno) (IP-tala skráð) 13.6.2007 kl. 18:41]

 OH hvað sumar konur eru stoltar af sumu sem stendur í þessari bloggfærslu þinni  -TAKK!!!! Ég skil vel að Siggi hafi verið ánægður með það sem þú skrifaðir ekki. Þegar ég bloggaði um daginn um hann VilHelm sem kom fram á AIM-Festival hér á Akureyri þá sleppti ég meðvitað tengingunni "Villi Naglbítur", fannst að þar sem hann væri að kynna sig sóló ætti hann að fá að vera hann án tengingar við 200 þúsund naglbíta. Hitti hann stuttu seinna og hann var mjög hamingjusamur með þessa ákvörðun. En Gurrí - þar er einn listamaður sem þú fílar örugglega. Diskurinn hans fer að koma út bara rétt bráðum. Hér er Myspeisið hans.

[Hulda (IP-tala skráð) 13.6.2007 kl. 21:00]

ansi skondin mynd

[www.zordis.com, 13.6.2007 kl. 21:36]

Jedúdda hvad zid erud fönguleg!  Vild og hamingjusöm ...... sumarkvedjur í Himnaríki.

[Guðríður Hrefna Haraldsdóttir, 13.6.2007 kl. 21:45]

Sumarkveðjur á móti ... jamm, þetta er skondin mynd, vona að sem flestir hafi trúað því að myndin hafi verið af litlu fjölskyldunni minni. Múahhahahahah! Held að ég hafi ekki verið svona kúl á níunda áratugnum en sumar samstarfskonur mínar voru það. Vona að þær eigi sem flestar myndir sem sanna það. Hlakka til að hlusta á Villa. 

[Saumakonan, 13.6.2007 kl. 23:44]

ómææææ... ÉG á mynd af sjálfri mér með svona öhhh.... kanski ekki aaaalveg svona slæmri.... en samt slæmri hárgreiðslu!!!  Kræps!!!

ps... hvað er langt frá Húsafelli til Himnaríkis?????

[Anna Ólafsdóttir (anno) (IP-tala skráð) 13.6.2007 kl. 23:52]

Gurrí - Ég á voða bágt núna - ég er búin að láta hvern bensínafgreiðslumanninn á fætur öðrum snúa öllu við til að finna fleiri Vikur en þá nýjustu til að sjá umfjöllunina þína um diskinn hans Sigga - þeir eru allir að vilja gerðir en samt farnir að líta mig dálitlu hornauga - hvaða tölublað var þetta? ... svona svo við björgum geðheilsu þeirra og minni

[Guðríður Hrefna Haraldsdóttir, 14.6.2007 kl. 00:04]

Sorrí ... argggg, það eru nokkrar vikur síðan. Ég skal redda þessu eftir helgi þegar ég er komin aftur í vinnuna. Ef það eru afgangsblöð þá eru þau yfirleitt alltaf endursend til okkar.

 Frá Húsafelli til himnaríkis? Ummm, hálftími, klukkutími? Ætlar þú að kíkja í kaffi, saumakona?

[Anna Ólafsdóttir Björnsson, 14.6.2007 kl. 00:32]

Hæ, ég er að missa af alveg rosalegu að taka ekki sumarfrí á sama tíma og þú, en kringum 12. ágúst held ég að það smelli saman. Sakna þín, en bloggið bætir aðeins úr. 

[Saumakonan, 14.6.2007 kl. 01:00]

hvur veit.. hvur veit... verð allavega þarna um miðbik næstu viku en veit ekki hvort við verðum eitthvað á ferðinni eða bara liggjum í bleyti í pottinum hehe