Djúppælingar dagsins

14.6.2007 | 12:42

Loks gat ég horft á hádegisfréttirnar í sjónvarpinu. Sl. tvo daga hefur ekki komið merki, ekki náðst skilningur á milli loftnetsins míns og draslsins ofan á Sementsverksmiðjunni. Ég er ekki þekkt fyrir samsæriskenningar en hugsa samt ... hverju var verið að leyna mig?

Fínar fréttir í dag. Svo að ég geri nú eins og sumir vinsælir bloggarar og endursegi fréttirnar þá mega ellilífsþegar fara að vinna fljótlega án þess að lífeyririnn skerðist. Já, og bærinn er fullur af sjóliðum, hátt í 700 girnilegum kroppum. Ég fjarri góðu gamni en samt svo sorglega nálægt. Hver vill svo sem sjóliða þegar matreiðslunámskeið býðst?

Þetta er bara svo skrambi gott veiðiveður. Nógu hlýtt til að hægt sé að hneppa frá efstu tölunni á Max-gallanum og setja lambhúshettuna í vasann.

Stór kostur við að eldast er sá að nú flauta ekki bara óbreyttir sjóliðar á mann, heldur líka yfirmenn, jafnvel skipstjórarnir sjálfir. Það var ákveðið sjokk á sínum tíma þegar aðdáunin fór að færast frá skólastrákunum yfir á kennarana og síðar á skólastjórana (þá fáu sem eftir eru karlkyns) en þannig er gangur lífsins.

Meginflokkur: Bloggar | Aukaflokkar: Dægurmál, Ferðalög, Lífstíll, Sjónvarp, Stjórnmál og samfélag, Vinir og fjölskylda | Facebook

Athugasemdir

Fítfíjú (flaut)

Jenný Anna Baldursdóttir, 14.6.2007 kl. 12:45

Guðríður Hrefna Haraldsdóttir, 14.6.2007 kl. 12:48

bibb bibb

Ólafur fannberg, 14.6.2007 kl. 13:17

Löngun mín til að fara í bæinn hefur stórlega minnkað, hver þarf flaut og aðdáun sjóliða þegar hann á svona guðdómlega bloggvini?

Guðríður Hrefna Haraldsdóttir, 14.6.2007 kl. 13:19

Já Gurrí mín ég mundi bara að fara að veiða fínt veiðiveður.

Kristín Katla Árnadóttir, 14.6.2007 kl. 14:11

Brytinn og skipstjórinn og stýrimaðurinn og bara flottustu gaurarnir, hver vill háseta þegar annað býðst?

Guðríður Hrefna Haraldsdóttir, 14.6.2007 kl. 15:42

Varð hugsi eftir að ég las pistilinn þinn Jú það hefur nú eitthvað dofnað yfir flautinu þegar maður lítur til baka Svo hef ég lent talsvert í því undanfarin (örfá) ár að menn á aldur við pabba eru að renna til mín hýru auga