Hátíðarhöld í himnaríki

Veðrið úti á svölum er guðdómlegt. Hvernig er það hjá ykkur? Kannski ég bara setjist þar í smástund. Verst að eina sólvörnin sem ég á er í meikinu mínu ... kann varla við að bera það á mig alla áður en ég fer í sólbað. Kannski ég setji bara ólífuolíu ... hehehhe.

Ströndin er stór og æðisleg núna, það er háfjara, en allt mannlaust vegna 17. júní-hátíðarhaldanna. Ég man eftir einni sekúndu úr draumi mínum sl. nótt þar sem var fjara og það sást varla í sjóinn, svo langt var hann frá ströndinni. Þetta táknar mögulega að Katla láti á sér kræla í sumar eða að skemmtilegur bloggvinafundur verði haldinn í Skrúðgarðinum í haust (þegar allir verða komnir úr fríi) og að Ridge í boldinu verði sérlegur gestur okkar bloggvinanna. Erum við ekki hinir sönnu aðdáendur?

Vaknaði á mínútunni 12 sem mér finnst flottur tími, ekkert fimm mínútur í eða yfir eða slíkt rugl, bara akkúrat. Þetta veit á góða næstu viku, fyrstu vinnuvikuna eftir sumarfrí!

Æsispennandi hátíðardagskrá er svo fram undan í dag. Það verður byrjað á glettilega góðu hátíðarbaði og síðan hefst bið eftir hátíðargestinum, bloggvinkonu sem ég hef aldrei hitt áður en finnst ég þekkja svo vel. Þetta veit á góðan dag.

Athugasemdir

[Jenný Anna Baldursdóttir, 17.6.2007 kl. 13:35]

OMG hvað ég er forvitin; hver er hún (bloggvinkonan)???

Settu endilega á þig ólífuolíu, húðin á þér verður svona "crispy" og æðisleg eins og á steiktum kjúklingi. Namminamm!

Gleðilegan 17.

[Guðríður Hrefna Haraldsdóttir, 17.6.2007 kl. 13:43]

Heiða, skessan ógurlega! Svo styttist vonandi í að fleiri bloggvinir kíki, í síðasta lagi 12. ágúst sko!

[Heiða B. Heiðars, 17.6.2007 kl. 14:39]

Jebb er sko búin að fylla bílinn af karlmönnum og brennivíni og legg bráðum af stað!! 

ps. tek blöðin með mér líka

[Bertha Sigmundsdóttir, 17.6.2007 kl. 14:40]

Gleðilegan 17. Júní, kæra Gurrí mín. Njóttu dagsins og heimsóknarinnar, vona að þið getið notið sólarinnar á svölunum án þess að breytast í vel steiktar gellur...er hér sjálf öll rauð eftir sundið síðustu dagana og fyrstu hitabylgjuna í San Jose, hún entist í þrjá daga, en það var ógeðslega heitt, og ég brann, þó svo að ég var með sólaráburðinn á mér, svona er þetta bara...

[Katrín Snæhólm Baldursdóttir, 17.6.2007 kl. 16:48]

Steikingarfeiti er æði.....Já er Heiða að koma..en frábært. Seðu henni að Alice sé komin til landsins og geti nú um tima verið kærasta Sigurðar Freys barnabarnsins hennar.

[Björg K. Sigurðardóttir, 17.6.2007 kl. 17:01]

Til hamingju með þjóðhátíðardaginn, vonandi hefur sólbaðið á svölunum verið gott - engin sólbruni og engir geitungar að ráðast á þig.

[Jóna Á. Gísladóttir, 17.6.2007 kl. 17:05]

Frábær endir á sumarfríinu þínu Gurrí. Veðrið búið að vera yndislegt í dag. Bið að heilsa Heiðu.

[Doddi - Þorsteinn G. Jónsson (IP-tala skráð) 17.6.2007 kl. 17:38]

Gleðilegan 17. júní, elsku besta dúlla! Ég sendi þér hlýjar kveðjur frá Akureyrinni, sem er ennþá þurr , en það er skýjað þó. Gestirnir í bænum væntanlega á heimleið í dag, og hvort sem það hafi verið aðkomumenn eða Akureyringar sem hafa málað bæinn rauðan o.s.frv. ... þá verður rólegra hér um sinn.

Eigðu yndislegan dag!

[Ólöf Anna , 17.6.2007 kl. 18:29]

Suss bara að skella sér í sólbað svo er það bara burn free og aloe vera eftir á. Seinni tíma vandmál.

[Anna Ólafsdóttir Björnsson, 17.6.2007 kl. 20:00]

Já, vá, hittir maður sameiginlega bloggvini á afmælisdaginn þinn, það verður gaman! Má leggja inn pantanir?

[Anna Ólafsdóttir Björnsson, 17.6.2007 kl. 20:03]

Og gleðilega þjóðhátíð, krúttó.

[Guðríður Hrefna Haraldsdóttir, 17.6.2007 kl. 20:06]

Gleðilega þjóðhátíð, sömuleiðis elskurnar. Ég ætla bara rétt að vona að sem flestir bloggvinir láti sjá sig í afmælinu í ágúst og úði í sig djöfladjús (kaffi) og tertum.

[Guðný Anna Arnþórsdóttir, 17.6.2007 kl. 21:08]

Vona að þú hafir átt frábæran svaladag við Langasand, elsku maddama, ekki-kelling, fröken, frú.  Hér var flott á svölunum, enda setti ég sumarblómin niður í gær og því gróandi og sumar... í hellulögninni.... Það eru ekki allir með pálmatré (öfund).  Faðm til þín yfir sjóinn!

[Guðríður Hrefna Haraldsdóttir, 17.6.2007 kl. 21:44]

Dagurinn var frábær, vonandi var hann það líka hjá ykkur öllum, elskurnar!

[Brynja Hjaltadóttir, 18.6.2007 kl. 00:16]

Vá hvað ég hlakka til að hitta Ridge og komast að því hvort hann er í alvöru svona illa gefinn eða hvort hann er bara að feika...ég meina leika

[Guðríður Hrefna Haraldsdóttir, 18.6.2007 kl. 00:21]

Hahahahha, gáðu líka hvort hann er alvörunni! Held að hann sé úr plasti sko! Ég bið ekki að heilsa honum. Skemmtu þér samt vel.

[Guðríður Hrefna Haraldsdóttir, 18.6.2007 kl. 00:22]

Well, kannski tala ég bara við hann sjálf í Skrúðgarðinum.