Búin að tala við lögguna

Jæja, búin að spjalla við elsku lögguna sem fannst þetta alvarlegt mál með misþyrmingarnar á hundinum í gær. Löggan ætlar að tala við eiganda hundsins. Ég er mjög sátt við það og vona að maðurinn sjái að sér. Annars stel ég af honum hundinum og el hann upp með Tomma og Kubbi. Hundar og kettir eiga ágætlega saman.

Ég átti einu sinni yndislega Labrador-tík, hana Nóru mína. Hún var svo lífsglöð og dásamleg .... og alveg rosalega hlýðin. Ef ég fór með hana í heimsókn í hús nægði mér að ræskja mig ef Nóra ætlaði að standa upp (ef hún mátti það ekki), og þá lagðist hún aftur. Samt var hún alls ekki kúguð.

Þegar hún varð fyrir bíl og dó áttaði ég mig á því að ég hafði eiginlega elskað hana meira en manninn sem ekki löngu síðar varð fyrrverandi eiginmaður minn. Hundar eru dásamlegar skepnur en það er hægt að skemma þá illa með lélegu uppeldi. Skortur á aga er ekkert skárri. Hundar sem stöðugt er öskrað á hætta að hlusta, rétt eins og börn sem alin eru þannig upp. Það er vinna að ala upp góð börn og góða hunda en sú vinna margborgar sig.

Athugasemdir

[Jenný Anna Baldursdóttir, 25.6.2007 kl. 13:38]

Ef maðurinn tekur sig ekki á (eigum við að gefa honum séns á því; einu sinni obbi, alltaf obbi)þá gerum við honum tilboð sem hann getur ekki hafnaðMuhahahahaha

[Edda Agnarsdóttir, 25.6.2007 kl. 13:46]

Þetta var ljót saga um hundinn hér fyrir neðan og það í okkar heimabyggð. Meiru vibbarnir. En sagan af þínum hundi er falleg.

[Ingibjörg Gunnarsdóttir, 25.6.2007 kl. 14:28]

Hann Prins minn hefur í mesta lagi heyrt mig tuða...... Hann hefur ekki og verður aldrei sleginn, þannig er það bara.  Við erum nefnilega vinir.  Hann hefur að vísu þurft að þola mig - dragandi hann í göngutúra í tíma og ótíma - sönglandi lög - þegar ég hef verið að semja - en ég held samt að honum þyki jafn vænt um mig og mér um hann.......

[Kristín Katla Árnadóttir, 25.6.2007 kl. 14:59]

Þetta virkilega ljót saga um hundinn maður á alltaf að vera góður við blessuð dýrin.

[Hugarfluga, 25.6.2007 kl. 17:45]

Gott að hundgreyið á sér málsvara í þér, Gurrí mín. Vel gert!

[Svala Jónsdóttir, 25.6.2007 kl. 18:09]

Gott hjá þér að hafa samband við lögregluna. Það er alveg hrikalegt að heyra um svona framkomu gagnvart dýrum.

Hundar eru yndisleg dýr og aldrei myndi mér detta í hug að öskra á hundinn minn, þó að hann fái auðvitað sinn skammt af heilbrigðum aga (og fullt af dekri).

[Ragnheiður , 25.6.2007 kl. 18:13]

Gott mál Gurrí mín, Lappi og Keli biðja að heilsa. Þeir eru ánægðir með að hvuttar eiga vin í þér

[Anna Ólafsdóttir (anno) (IP-tala skráð) 25.6.2007 kl. 18:20]

Ég verð brjáluð þegar ég heyri um illa meðferð á dýrum. Svoleiðis fólk á ekki að eiga dýr, ekkert flóknara

[Birna Dis Vilbertsdóttir (IP-tala skráð) 25.6.2007 kl. 23:14]

Frábært hjá þér Þetta var ljót saga af hundaníðingunum. Vonandi gengur löggan í málið. Nikk elskar auðvitað Brúkk eins og þú veist en ætlar samt að giftast Bridget. Held að það gerist í þessari eða næstu viku. Í morgunþættinum átti það að gerast í kvöld. En eins og við vitum eru dagarnir í bólgin og bráðfalleg langir svo ég spái því að það taki minnsta kosti vikuna

[Óskar Helgi Helgason (IP-tala skráð) 26.6.2007 kl. 22:00]

Heil og sæl, Guðríður og skrifarnir aðrir !

Þakka þér, Guðríður; fyrir að taka upp varnir, fyrir dýraríkið. Sýnir, svo ei verður um villst; hvörja manneskju þú hefir að geyma. Þér verður umbunað, á efsta degi; þykist þess fullviss, að hinn sæli Þorlákur byskup Þórhallsson (1133 - 1193), frændi minn; muni vaka yfir þér, og þínu slekti öllu.

Með beztu kveðjum, á Skipaskaga / Óskar Helgi Helgason