Örblogg a la strætó

28.6.2007 | 11:22

Vaknaði þvílíkt syfjuð og mygluð og rétt hafði það út á stoppistöð. Þar beið enginn. Úps, var strætó farinn? Hvar voru karlarnir mínir? Klukkan mín gekk rétt og strætó birtist innan stundar, gulur og fallegur. Kerlingin enn í sætinu mínu og ég prófaði að vera í kremju núna, aðallega vegna kulda. Jamm, það var vetrarveður í morgun, sokkabuxna- og tveggjatreflaveður! Ætlaði að sofa á leiðinni og setti hettuna yfir andlitið (stór og draugaleg hetta, ef ég segi sjálf frá). Gekk ágætlega að reyna að lúlla og það var ekki fyrr en ofurhressa fólkið á Bylgjunni fór að tala um ógeðslega hluti, dýradráp og slíkt sem ég varð að hreyfa mig upp úr doðanum til að taka fyrir eyrun. Treysti mér ekki í svona hluti þegar ég er í slökun. Jæja, best að halda áfram, sí jú túnæt!

Flokkur: Bloggar | Facebook

Athugasemdir

Sem sagt: Shitty byrjun á degi? Ok, þetta lagast á eftir. Ofurhressa fólkið ætti að tala við sjálft sig bara. Oj.

Jenný Anna Baldursdóttir, 28.6.2007 kl. 12:15

Hvað er með þennan sætaþjóf. Geturðu ekki látið hana heyra það?

Jóna Á. Gísladóttir, 28.6.2007 kl. 12:41

Þú þarft að finna einhverja stratigíu á þessa konu sem situr alltaf í sætinu ÞÍNU. Fólk á ekki að komast upp með svona nokkuð

Anna Ólafsdóttir (anno) (IP-tala skráð) 28.6.2007 kl. 12:50

Að vera syfjaður og myglaður er oft erfitt, en mundu bara að myglaðir ostar geta verið svo góðir! Ekki það að þú sért einhver ostur ... bara svona ítrekun á að mygla þarf ekki að vera neikvæð.