Umhyggja og smekkleysa

Móðir mín, blessunin, hringdi í gemsann minn í morgun. Þegar ég loksins fann hann í stóru, fullu töskunni minni var hann hættur að hringja. Þá VISSI mamma að ég hafði lent í slysinu í Hvalfjarðargöngunum í morgun og var pínu skjálfrödduð þegar hún svaraði í símann. „Elskan mín, hafðu ekki áhyggjur, ég kem yfirleitt út úr göngunum um sjöleytið á morgnana, óhappið gerðist seinna, held ég. Svo loka þeir líka göngunum við minnsta óhapp.“ Mamma róaðist.
Alltaf sætt að fá svona símtöl. Nú veit ég hvaðan ég hef þetta ... ef einhverjum seinkar um tíu mínútur þá geri ég ráð fyrir hinu versta. Hilda hefur stundum verið komin í öndunarvél á gjörgæslu ef hún tefst í umferðinni á leið til mín ... sko í hugsunum mínum.

Kannski þyrfti ég að biðjast afsökunar á myndinni í síðustu færslu. Mér fannst hún fyndin, hverjum dettur svona rugl í hug? Þetta hefur ekkert með illmennsku gagnvart börnum að gera!

Best að setja inn krúttlegri mynd með þessarri færslu. Og fara svo að horfa á Taggart!

Athugasemdir

[Jenný Anna Baldursdóttir, 29.6.2007 kl. 22:13]

Og þessi færsla var í boði hinnar "typisku" móður s/f og mikið skelfing skil ég þetta vel.  Er yfirleitt búin að jarða ef fólki seinkar.

[Guðríður Hrefna Haraldsdóttir, 29.6.2007 kl. 22:18]

Hmmm, þorði ekki að viðurkenna það en stundum er ég komin alla leið þangað!

[Magga (IP-tala skráð) 29.6.2007 kl. 22:19]

Snúllið mitt........var bara að gera grín með myndina.....eða umhygggja fyrir þér.......nú á tímum múgæsinsins.....ekki vil ég að það rigni yfir þig morðhótunum og öðum vibba.....þú veist að það er stórhættulegt lið í bloggheimum

[Guðríður Hrefna Haraldsdóttir, 29.6.2007 kl. 22:36]

Þú ert góð manneskja ... svo ætlaði ég að vera svaka fyndin og skipti um mynd til að láta alla halda að þú værir klikkuð ... heheheheh

[Brattur, 29.6.2007 kl. 22:58]

... þegar fólki hættir að hafa áhyggjur af manni, er því orðið alveg sama... unglingunum t.d. finnst það bölvað tuð í pabba og mömmu að hafa áhyggjur hvenær þau koma heim... en svo ef pabbi og mamma hætt að spyrja... þá finnst krökkunum það ekki gott heldur...

[Jóna Á. Gísladóttir, 30.6.2007 kl. 03:20]

Hvað meinarðu! þetta er fyndin mynd. Brandari: hvað er rautt og situr út í horni? Barn að leika með ostaskera.

Ó guð, nú hef ég sjokkerað einhvern.

Ég er stundum komin svo langt með að jarða fólk að ég er farin að velja tónlist í jarðarförina.