Sætir frændur og sofandi systir í sófanum

Nú er orðið allt of langt síðan ég hef birt mynd af ástkærum frændum mínum, Úlfi og Ísaki sem fæddust 19. desember sl. Þeir eru tvíeggja en voru samt báðir með skarð í vör á nákvæmlega sama stað, einnig klofinn góm. Önnur myndin af þeim er tekin morguninn sem þeir fóru í aðgerð númer tvö. Þeir eru svo yndislegir ... fékk fiðrildi í hjartað þegar ég sá nýju myndina af þeim, allt of langt síðan ég hef hitt þá.

Hilda heimsótti þá í dag og var í svona krúttkasti a la Jenfo á eftir. Hilda er í sólarhringsfríi frá sumarbúðunum ... og sefur inni í stofu, heheheheh! Þyrfti að fara að vekja hana til að hún sofi ekki af sér fríið á Akranesi, hún var búin að hlakka svo til að fara heim í Kópavoginn (of oll pleisis). Hún átti erindi í raftækjaverslun á Skaganum, Hljómsýn, held ég að hún heiti, og mikið fengum við góða þjónustu þar. Kaffi og meðððí á Skrúðgarðinum var næst á dagskrá. Þægilega svalt var inni og galtómt sem er óvenjulegt. Kíkti út í garð og þar sat fjöldi fólks og sólaði sig. Jæja, best að vekja Hildu.    

Athugasemdir

[Svala Jónsdóttir, 12.7.2007 kl. 20:08]

Ekkert smá sætir strákar!

En hvað meinarðu of all places? Það er gott að búa í Kópavogi. :)

[Guðríður Hrefna Haraldsdóttir, 12.7.2007 kl. 20:24]

Algjörar dúllur! Hmmm, meinti ekkert, þetta var bara Skagagrobb!

[Magga (IP-tala skráð) 12.7.2007 kl. 20:24]

FRÍI HVAÐ..........VEKTU HANA STRAX OG ÁFRAM NÚ.....SKIL EKKI Í ÞESSU KÆRULEYSI Í YKKUR.....SOFA ÞEGAR ÞIÐ VERIÐ GAMLAR

[Guðríður Hrefna Haraldsdóttir, 12.7.2007 kl. 20:25]

Hún er vöknuð og farin!!!

[Jenný Anna Baldursdóttir, 12.7.2007 kl. 20:29]

Ég segi það "Kópavogur of all places"!  Það er ótrúleg breytinga á litlu krúttunum eftir síðustu aðgerð.

[Ásdís Sigurðardóttir, 12.7.2007 kl. 20:35]

Ó mæ god þvílíkir gullmolar.  Fæ krúttkast.

[Anna Ólafsdóttir Björnsson, 12.7.2007 kl. 20:35]

Ég ætlaði að segja: Vektu Hildu, en er hún farin? Stutt stopp, allt og stutt.

[Magga (IP-tala skráð) 12.7.2007 kl. 20:40]

Stundum held ég að þessi Anna hljóti að vera tvíburi

[Maja Solla (IP-tala skráð) 12.7.2007 kl. 20:42]

Krútt strákar þarna á ferðinni.
Kópavogur er eina bæjarfélagið í kringum Rvk. sem ég hef ekki búið í, nema bara áður en ég man eftir mér, og mér finnst ég ekki vera að missa af neinu...

[Hólmgeir Karlsson, 12.7.2007 kl. 21:24]

Æ hvað er gaman að fylgjast með og sjá þessa nýjustu mynd af þeim. Yndislegir strákar :)

[Kristín Katla Árnadóttir, 12.7.2007 kl. 22:37]

Yndislegar myndir af elsku börnunum þeir er gullmolar þessa elskur.

[Dagbjört (IP-tala skráð) 12.7.2007 kl. 22:40]

Flottir strákar!

Til hamingju með 11 mánaða afmælið + einhver ár! Nú er semsagt sléttur mánuður í stóra daginn ekki satt? Og ég er búin að ákveða hvernig köku þú færð.. múhahahah :) 

[Gunna-Polly, 13.7.2007 kl. 00:00]

fer helst ekki í Kópavog rata ekki þaðan aftur

[Hrönn Sigurðardóttir, 13.7.2007 kl. 00:38]

Vaktirðu hana áður en hún fór?

tíhí

[Jóna Á. Gísladóttir, 13.7.2007 kl. 00:50]

Krúttmolar með meiru þessir drengir. Verða flottari með hverjum mánuðinum sem líður. Ég las viðtal við þig í Séð og Heyrt í dag. Mynd af Tomma og alles.

[Díta (IP-tala skráð) 13.7.2007 kl. 01:02]

Algjör krútt

[Laufey Ólafsdóttir, 13.7.2007 kl. 04:47]

Börnin eru yndisleg! Til hamingju með þau! Mússímúss

...Kópavogur er hinsvegar krísuvík andskotans. Ég segikkimeir.

[www.zordis.com, 13.7.2007 kl. 06:53]

Hrikalega miklir krúttmolar!  Segi eins og Hrönn fór hún sofandi .... snillingur, fer vídreist og hvílir sig á medan    

[Halla Rut , 13.7.2007 kl. 17:08]

Að sjá hvað er hægt að gera mikið. Kraftaverk.

Að sjá líka hvað þeir horfa stíft í myndavélina. Gullmolar.