Hugsað til Potters

Skil ekki hvað gengur hægt að klára Potterinn. Ýmist syfja, vinna, annir við blogglestur eða jafnvel sjónvarpsgláp orsaka þetta. Einnig spilar einhverja rullu að bakverkur skellur á ef rúm-lega við lestur er löng en þá ætti leisígörlinn að koma sterkur inn þótt skakkur sé. Hef þó ekki dottið ofan í átakanlegar fótbolta-, hafnabolta- eða golfmyndir í sjónvarpinu, finnst reyndar sumar þeirra átakanlega leiðinlegar og það er kannski lúmsk meiningin á bak við þetta. Finnst bara svo fyndin lýsing á íþróttamynd ... að segja hana átakanlega! Ég hugsa þó oft til Potters, eins og smiðurinn minn „hugsar“ til mín ... í stað þess að koma og klára að smíða.

Var einmitt að hugsa um Potter í gærkvöldi og fór á Youtube, sem getur verið fyrirtaksskemmtun, skellti inn Harry Potter og fann þetta líka fína myndband þar sem „skyggnst er á bak við tjöldin og sýnt úr myndinni“: http://www.youtube.com/watch?v=LJ0jvrRJ0Z8&mode=related&search=

Athugasemdir

[Jenný Anna Baldursdóttir, 29.7.2007 kl. 13:18]

Ég bíð staðföst eftir upplýsingum.  Hm... á að drepa mann úr forvitni.  Dveldu í leisígörlinu þar til lestur er búinn.

[Guðríður Hrefna Haraldsdóttir, 29.7.2007 kl. 13:24]

Ókei, orð þín eru mér lög! Mun hlýða. Það var akkúrat þetta sem ég þurfti til að drífa mig í málið. Það pirrar mig aðeins að finnast ég stundum stödd í Enid Blyton-bók, þar sem kvenmaðurinn á staðnum gerir lítið annað en að redda mat og elda fyrir Harry og Ron. Arggggg! Þoli ekki þetta vantraust á karlmenn, að þeir séu svo bjargarlausir þegar er ekki einhver kvensa sem hugsar um þá! 

[Guðríður Hrefna Haraldsdóttir, 29.7.2007 kl. 13:25]

Kíktu svo á jútúbið, kélling, það er ferlega fyndið!