Morð í Reykjavík

29.7.2007 | 13:39

Samkvæmt nýjustu fréttum er maðurinn sem skotið var á látinn. Alltaf finnst okkur jafnótrúlegt þegar eitthvað svona gerist á saklausa, litla, góða landinu okkar.

Fyrir bráðum 40 árum var leigubílstjóri myrtur í Reykjavík. Það var fyrsta morðið sem ég man eftir hér á landi og ef ég man rétt þá náðist morðinginn aldrei. Á þessum tíma var ég í leynifélagi með stóru systur og ætlaði til Reykjavíkur að leysa málið en það varð einhvern veginn aldrei af því. Ég hef þó fulla trú á því að löggan nái þeim sem gerðu þetta. Jafnvel fyrir kvöldfréttir!

	Lögregla lýsir eftir vitnum að skotárás í Reykjavík
Ábyrgðarmaður færslu Tilkynna um óviðeigandi tengingu við frétt

Meginflokkur: Bloggar | Aukaflokkur: Lífstíll | Facebook

Athugasemdir

Skelfilegt ef maðurinn er svo látinn í þokkabót. Man fyrst eftir Clausen morðinu í Eskilhlíðinni, hef ekki verið nema 7 ára. Maður myrti konu sína og var leiddur út á sloppnum og ég horfði á úr glugganum heima hjá mömmu og pabba. Hreint skelfilegt.

Smjúts.

Jenný Anna Baldursdóttir, 29.7.2007 kl. 13:42

Það sem er jákvætt er hvað það grípur alltaf skelfing um landan þegar manndráp gerist. Það ber vott um hvað í raun hefur lítið breist í öll þessi ár í raun og veru að fólk hrærist yfir því að einhver skuli vera drepinn..

Brynjar Jóhannsson, 29.7.2007 kl. 13:50

Sammála, Brynjar, þetta má aldrei verða alvanalegt hjá okkur, eins og í mörgum borgum.

Guðríður Hrefna Haraldsdóttir, 29.7.2007 kl. 13:53

hrikalegt að heyra þetta ... er sammála ykkur, vona að við venjumst aldrei svona fréttum hérna heima.

Guð sé með öllum sem hlut eiga að máli

Rebbý, 29.7.2007 kl. 14:09

Auðvitað verða þeir búnir að ná þeim fyrir kvöldmat. Hér á landi finnst aðeins eitt óleyst morð síðan guð veit hvað, þe ef við teljum ekki Geirfinns og Guðmundarmál með. Vissulega tvö óleyst mál en alls óvíst að um morð hafi verið að ræða. En þó svo marg megi segja um íslenska lögreglu, bæði gott og slæmt, þá standa þeir sig í stykkinu þegar mikið liggur við. Eins og td þegar þeir komu í veg fyrir mótmæli hinna stórhættulegu hryðjuverkasamtaka Falun Gong hérna um árið. Þá var sko tekið á því!!

Taxi Driver, 29.7.2007 kl. 14:20

Já, stóðu sig vel þar, enda skipað að koma í veg fyrir að fólk sýndi stórhættulegar leikfimiæfingar á Arnarhóli ...

Guðríður Hrefna Haraldsdóttir, 29.7.2007 kl. 14:23

Það er svona þegar blaðamanninum hleypur kapp í kinn. Er þó vanalega svo sjálfhverf að mér finnast fréttir úr himnaríki mun merkilegri en þessar á mbl.is.

Guðríður Hrefna Haraldsdóttir, 29.7.2007 kl. 14:44

Ó, hvað ég er sammála þér Gurrí mín, að fréttir úr Himnaríki taki öðrum fréttum fram. Fréttir af daglegu lífi fólks, litlum óhöppum og sætum sigrum, lýsingar á skemmtilegu fólki og sérvitrum dýrum, nýir vinklar á lífið og tilveruna - slíkt er svoooo skemmtilegt.

Morð eru voðaleg, hvar sem þau eru framin. Mannskepnan er söm við sig. Talandi um svoleiðis nokkuð, reyndar meint hundamorð, þá vil ég benda þér á grein í Lesbókinni í gær, sem skrifuð var af Kristjáni B. Jónassyni og nefnis Örlagahundurinn Lúkas. Það er ansi góð lýsing og smá-analysa á múgsefjunni sem gjarnan grípur landann á meintum "örlagastundum". Ég hygg að þú fílir málflutning KBJ eins og ég, - maður verður svo barnalega glaður stundum þegar einhver skrifar hug manns. Hm...